Joeli 2:26 - Gourmanchéma Bible

²⁶ Yi baa je ki guo, Yi baa pagi mini Li Miali Diedo yi Tienu, Mini yua n tieni yipo li bonlidikaala. N niba mo kan go le fe hali abada.

U TIENU MAAMA TILI 2013

²⁶ Yi baa je ki guo, Ki pagi mini o Diedo yi Tienu, Yua n tieni yi po li bonlidinkaala. N niba mo kan go le fe abada.

Joeli 2:26 ပူးပေါင်းရင်းမြစ်များ

Mi cilima 33:11

Lanwani ŋan ga npo n paabu, min puni a yaabu kelima U Tienu den gbieni nni leni li *ŋanbili ke n naa luo pu.» O den tigini o yene hali ke o ga.

Nehemi 9:25

Bi den diedi i bilini n lindi ki cebini yaa dogi Leni mu tinŋanmu Leni yaa diedi n gbie leni mi piama Leni ban gbiidi yaa caana Leni i duven tiidi leni *olifie Leni i tilondi boncianla. Bi den dini ki guo, Bi den gbengidi Ki ye mi yemancianma nni Kelima a ŋanbicianli po.

Pisomi 103:5

O teni ke n ye mi yemanma nni n miali kuli nni, Ki teni ke n goa ki pandi nani jiebani yeni.

Pisomi 116:7

N den yedi: «N naano, guani ki ban yaa fuo Kelima Li Miali Diedo tieni a mi ŋanma.»

Pisomi 13:6

Ama min wani n dugi a *ŋanbili po N pali mo mani kelima a *faabima po. N baa yiini ki pagi Li Miali Diedo kelima o ŋanbi npo.

Pisomi 22:26

Li nitaancianli nni a baa tua npo pagidi. Yaaba n fangi a nintuali n baa kuani n ñoaniani.

Pisomi 37:19

Bi kan le fe fala daali, Mi koma yaa baa mo, bani wani baa je ki guo.

Pisomi 67:5

I nibuoli yiini ki doagidi bi pamanli Kelima a gobidi bi niba ke li tiegi, A gobidi i nibuoli mi tinfanma nni.

Pisomi 72:18

LI MIALI DIEDO U TIENU, ISALELE YAABA TIENU YELI N BAA TI PAGIDI! WANI BEBE N TIENDI MI BANCIANMA.

Mi Kpanjama 13:25

O niteginka di ki guodi. Ama bi nibiadiba wani ye leni mi koma.

I Yani 5:1

N naataanpuoga, n ŋamo, n kua n sadingo nni. Ki ñani *mili leni yaa muadi yaa nuulu n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani Ki teni mi buama n gaadi yi nani mi daama yeni!»

Esayi 25:1

Li Miali Diedo! A tie n Tienu N baa jigini a, n baa kpiagi a yeli Kelima a tieni li bonlidikaala. Ŋan taa yaa yanjaga hali yogunu se bonŋanla ki kan lebidi.

Esayi 29:22

Lani n teni ke Li Miali Diedo maadi Leni Jakobo diegu nni yaaba Wani yua n da ki faabi Abalahama. Moala Jakobo kaa go ye leni i fe. Moala o nunga kan go boandi.

Esayi 45:17

Isalele yaaba wani, bi baa baa mi faabima kelima Li Miali Diedo po. Yaa faabima n baa ye hali yaa yogunu kuli Yi kan go fiagi, Yi kan go yaa ye leni i fe hali yaa yogunu kuli po.»

Esayi 49:23

Bi badiba n baa yaa yua yi bila Bi badisiaba mo n baa yaa tie yi yuali. Bi baa gbaani tiipo, ki pugi yi Ki lia yi taatama. Lanwani yi baa bandi ke n tie Li Miali Diedo Ke yaaba n dugi npo kuli kan fiagi.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a, A baa sundi a jafandi yogunu. A kan go tia a kpepuodi yogunu fe.

Esayi 55:2

Be n teni ke yi biigidi yi ligi Yaala n kaa tie jemoanma po? Be n teni ke yi tuuni Yaala n kan guoni yi po? Lanwani cengi mani n yedima Ki nan je mani yaala n mani. Yi pala baa mangi kelima yaa jiema n mani bonŋanla po.

Levi 25:19

Ki tinga baa luoni ki bonluonkaala, yi kuli mo baa di ki guodi, ki yaa go ye leni mi yanduanma.

Levi 26:26

N baa muni yi mi jiema hali yaala ke puoba piiga baa pua bi dupen dupenpuakaanyendu. Bi baa cabidi cabidi ki boagidi hali yaala ke yi baa je ki kan go guo.

Levi 26:5

Hali yi baa lendi yi kpaandi ki gbeni, li baa sua ke duven tiidi ciema yogunu pundi. Hali yi baa cie ki gbeni duven tiidi bonluonkaala, li baa sua ke ti jaadi yogunu go pundi. Yi baa di yi jiema ki guodi, ki yaa ye leni mi yanduanma yi diema nni.

Mise 6:14

Yi baa di ki kan guo, Koma kan ña yipo. Yin baa bili yaa kpaandi ke tin faa ki todi yi, Kan kuani yi fuoma, Baa yin baa kubi yaala, n baa teni bu toabu n bolini likuli.

Sofoni 3:11

Laa yogunu, yinba, n niba Yi kan go jie i fe kelima yi tuona po, Leni yin tiendi npo yaa *tuonbiadi yeni po, Kelima n baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

Sakari 9:15

Li Miali Diedo, U Paaciamu Kuli Daano baa kubi o niba, O baa ŋa o tatana n bolini bi yibalinba, Ki teni bi soama n puubi nani duven yeni, Yaaka nani yaa soama n gbie bi kopadicianba N yen kubi yaa tadimu ki miini li *padibinbinli ñoakuni po yeni.

Sakari 9:17

Bi diema baa yaa mani ki go ŋani mo. Likani *ŋalikama leni o duvenpaano baa teni Bi jawaaba leni bi jafanba n yaa fiidi leni u gbanmanu.

LOMA YAABA 10:11

Nani i Diani n yedi maama: «Yua n daani o kan le fe.»

LOMA YAABA 5:5

Mi suginma yeni kan boandi ti kelima U Tienu yaa buama gbieni ti pala kelima U Tienu Fuoma Yua, wan puni ti yua yaa po.

LOMA YAABA 9:33

nani lan diani maama: «Diidi ki le, n bili Siyono juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi opo kuli, O kan le i fe hali abada.»

Mi Tiadima 11:15

N baa go tieni yi kuani nni ti muadi yi yandi po.

Mi Tiadima 12:12

Yi baa mangi yi pala, yinba, yi bijaba, yi bisiaba, yi naacenba leni yi potuada Li Miali Diedo yi Tienu nintuali leni Lefi buolu yua, yua n kaa yi siiga, kelima waa pia biinuba bi faaliba leni yi.

Mi Tiadima 12:18

Ama yinba, yi bijaba leni yi bisiaba, yi naacenba leni yi potuada leni Lefi buolu yua, yua n kaa yi siiga, baa je laa bonla Li Miali Diedo yi Tienu nintuali, Li Miali Diedo yi Tienu n baa gandi yaa kaanu yeni kani. Lanwani yi baa mangi yi pala Li Miali Diedo yi Tienu nintuali leni wan mubini yi nuu nni yaa piama kuli.

Mi Tiadima 12:7

Lankane ke yi baa je Li Miali Diedo yi Tienu nintuali yinba leni yi diedi nni yaaba, ki mangi yi pala leni yin baa yaa baali leni Li Miali Diedo yi Tienu n seligi yi ki puni yaala.

Mi Tiadima 8:10

Yi yaa dini ki guo yaa yogunu, yi baa pagi Li Miali Diedo yi Tienu leni wani puni yi yaa dieŋanma yaa po.

1 Timote 6:17

Ŋan tundi yaaba n tie a piada ŋanduna na niinni ke ban da pia ti japaadi, ki da piani bi yula bi piama po, yaama n naa pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala lipo.

1 Jan 2:28

Lanwani n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o goacuama daali tin da jie i fe.