Joeli 2:21 - Gourmanchéma Bible

²¹ Fini, ki tinga ŋan da jie liba, Mangi a pali hali boncianla, Kelima Li Miali Diedo n tieni apo yaala kuli po.

U TIENU MAAMA TILI 2013

²¹ Fini ki tinga ŋan da jie liba, Mangi a pali hali boncianla, Kelima o Diedo n tieni a po yaala kuli po.

Joeli 2:21 ပူးပေါင်းရင်းမြစ်များ

Mi cilima 15:1

Laa bonla kuli n den pendi, Li Miali Diedo den maadi leni Abalama li bonlekaala nni ki yedi o: «Abalama, ŋan da jie, n tie apo a gbankoandigu, ŋan baa baa yaa panpaani baa yaa yaba boncianla.»

Pisomi 71:19

U Tienu, a teginma kpedi hali boncianla, Kelima a tieni yaa bonla n yaba. U Tienu, ŋme n naani leni a.

Pisomi 98:8

I kpenciami n pua ti nupodi, A juana mo n taani ki kpaani li pamanli kpaani

Esayi 35:1

Mi fanpienma leni li tinwagili pala baa goa ki mangi. U tialu mo yaa pali baa mangi wun goa ki puudi.

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 44:23

Tanpoli, mangi a pali, Kelima Li Miali Diedo soani o tuoncianli. Ki tinga ñuanlu nni mo n kpaani li pamanli kpaani. A juana, yigini mani li pamanli po Ki taani leni yinba a fuana leni yi tiidi kuli Kelima Li Miali Diedo da ki faabi Jakobo puoliŋuani, Ki doagidi o kpiagidi Isalele diema nni.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a, A baa sundi a jafandi yogunu. A kan go tia a kpepuodi yogunu fe.

Esayi 55:12

Moamoani yi baa ña yi yonbidi nni leni li pamanli, Bi baa ciani yi leni mi yanduanma. A juana leni a joabila kuli Baa tuogi yi leni li pamanli yigimi, Li fuali nni tiidi kuli mo baa pua ti nupodi.

Jeremi 33:3

«Yini nni n baa guani apo N baa waani a yaa bonla n yaba, Yaa bonla n wuo ke ŋaa den bani la.

Ose Tili 2:21

Isalele yaaba, n baa yaa tie yi togibaa yaa yogunu kuli po, N baa yaa tie yi togibaa Ki yaa ŋua yaa bujiali n tiegi leni mi teginma. N baa yaa tie yi togibaa leni mi buama leni mi niñingbadima.

Joeli 2:20

N baa deli ki foagidi leni yi nijienu po yibali. N baa deli ki bolini o Mu tinkuonmu nni leni a tinwaga nni. O toatieba yaaba n ye liiga, n baa deli Ki jiini ba puoli ñincianma nni, Yaaba n ye puoli mo, N baa deli ki jiini ba puoli ñincianma nni, Bi kpiema nuulu baa gbieni mi fawaama. Bani yaaba n tieni yi Mi biadima boncianla yeni juodima n yeni.

Joeli 2:26

Yi baa je ki guo, Yi baa pagi mini Li Miali Diedo yi Tienu, Mini yua n tieni yipo li bonlidikaala. N niba mo kan go le fe hali abada.

Sakari 8:15

Ama moala, n jagi ke n baa tieni yinba Jelusalema yaaba Leni mi diema yaaba kuli po yaala n ŋani. Yin da go jie mani!

Mi Tiadima 4:32

Buali mani ki bandi yaa dana n den pendi hali yogu, ya n den ye ke yi daa ye, ki cili U Tienu n den tagi o nisaalo ki tinga nni yaa daali, ki cili puoli ki yaa caa hali nintuali. Naani laa bonla buolu kpa tieni, bi yi kpa gbadi bi maadi li buolu maama?

1 Samueli 12:16

Moala yin sedi mani ne ki le Li Miali Diedo n baa tieni yaa bancianma yi nintuali.

1 Samueli 12:24

Bonyenla bebe n ye, yin yaa fangi mani Li Miali Diedo ki ŋua o moamoani leni yi pala kuli ki yaa faami wan den tieni yipo yaa bancianma po.