Joeli 2:12 - Gourmanchéma Bible

¹² Moala Li Miali Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani ki mia nni sugili.

U TIENU MAAMA TILI 2013

¹² Moala o Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani li paboanli moe.

Joeli 2:12 ပူးပေါင်းရင်းမြစ်များ

2 Samueli 24:10

Dafidi tugusoama den sani wan coadi bi niba yeni po. O den yedi Li Miali Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili kelima n tieni nani o yanluodaano yene.»

2 Bi Badiba Jama 30:6

A tonda den gaani Juda diema nni leni Isalele diema nni kuli, ki teni o bado leni o koanbala n den diani yaa tila, ki go den maadi nani o bado mo n den puogi ba maama ki yedi: «Yinba Isalele yaaba, yaaba n ki baa Asili bado nuu nni, yin lebidi ki guani Abalahama leni Isaaka leni Jakobo Tienu kani. Yeni omo baa guani yikani.

2 Bi Badiba Jama 6:27

fini yua n ye hali tanpoli n cengi ba ki pa sugili a naacenba leni a niba Isalele yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mii mi diema po, ŋan den puni a niba yaa diema ke mi tie bi piama yeni.

Esiteri 4:16

«Gedi ki ban taani yaa Jufinba n ye Suse nni kuli yin loli bu ñoabu. Yensiini taa leni ñadi taa yin da je, yin da ño, ki yaa miadi npo. N moko baa tieni yeni mini leni n yuali. Ti baa loli bu ñoabu. Lani yaa pendi n baa kua o bado kani baa ke li kua. N yaa baa bodi, min bodi.»

Mi Ñama 33:5

Li Miali Diedo den kpa yedi Musa: «Ŋan yedi Isalele yaaba: Yi tie i tupaali danba. N yaa bi ye yi siiga ki yegi leni yi baa yogunu waamu bebe n bi baa bolini yi. Moala yin ñani mani yin laa yaa jaantiadi ke n baa kpaagi ki le min baa tieni yi yaala.»

Esayi 22:12

O Diedo Li Miali Diedo U Paaciamu Kuli Daano yini yi dinla Ke yin mua ki wolini, Ki kuo yi yula ki yie li paboanli tiadi.

Esayi 58:4

Yi luo bu ñoabu ki lingi ku fuugu leni li koanli, Ki bua ki yaa kudi yiyaba leni mi biadima nukula bebe. Yii luo bu ñoabu nani lan bi bili laa daali po maama, Ke yi nialu n fidi ki pundi n kani hali tanpoli po.

Jeremi 3:22

Guani mani n kani, yinba yaaba n kan sedi kaanyendu yeni. N baa paagi yi leni yi yanlengidima Bi yedi: «Diidi ti kpendi a yaa kane, Fini n tie Li Miali Diedo ti Tienu.»

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Danieli 9:3

Lane n den loli bu ñoabu ki lani li paboanli tiadi, ki wuli n yuli po mi fantanpienma ki jigidi o nunga ki diidi o Diedo U Tienu ki jaandi ki miadi o todima.

Ose Tili 12:7

Ki yedi: «Lebidi ki guani mani mini yi Tienu kani, Ki yaa kubi mi buama leni mi *teginma. Yaa dugi mani mini yi Tienu po yogunu kuli.»

Ose Tili 14:1

U Tienu baa waani Samali yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋma ki midi bi biwaala, Ki lidi bi tugipunba mo.

Ose Tili 6:1

Lanwani, yi tua: «Cua mani tin lebidi ki goa ki ŋoadi Li Miali Diedo, Kelima o den dadi ki toatoadi ti, ama o baa buu ti, O den poagili ti, ama o baa fini tipo ti nala.

Joeli 1:13

Yinba bi kopadicianba, Laa mani li paboanli tiadi ki biidi yi pala. Yinba yaaba n tuuni li *padibinbinli kani, yin mua mani. Cua mani ku ñiagu ki duani ki laa li paboanli tiadi, Kelima mi pienma pada leni a ñincaba bodi yi Tienu diegu nni.

Sakari 7:3

ki go buali bi kopadicianba leni bi sawalipuaba yaa buali n tie na: «Naani cimuu ŋmaalo yaa ñani, ti go yen baa mua ki go loli bu ñoabu nani tin den tiendi maama hali yogu?»

Sakari 7:5

ke min waani mi diema niba kuli leni bi kopadicianba yaa maama n tie na: «Yi den luo bu ñoabu ki go buudi cimuu leni cilele ŋmaali nni hali bina piilele. Ama naani, moamoani, yi den luo laa ñoalolima mini yaa po yo?

Malaki 1:9

Lanwani, yinba bi kopadicianba, Biigi mani moala ke yi baa mia yi Tienu, Ke wan gbadi yipo mi niñima. Naani yi bontienkaala baa tuo Wan mangi o nunga yipo bi? Li Miali Diedo, U Paaciamu Kuli Daano n yedi yeni.»

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

Bi Bujiaba 2:4

Li Miali Diedo maleki n den maadi Isalele yaaba laa maama, bikuli den tiani ki buudi.

Bi Bujiaba 20:26

Isalele yaaba kuli den gedi Betela. Bi den kali Li Miali Diedo nintuali ki buudi, ki tundi ki luo bu ñoabu hali ku yenjuogu. Bi den padi a padijuukaana leni i tuondi yaa pada Li Miali Diedo po.

1 Samueli 7:3

Samueli den yedi Isalele yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo *Asitate leni bi nilanba n ŋua yaa *buli kuli. Yin ŋoadi mani U Tienu leni yi pala kuli ki yaa tuuni wani bebe yaa po, lani o baa faabi yi Filisiti yaaba nuu nni.»

1 Samueli 7:6

Bi den taani Mitisipa ki luuni mi ñima ki wuli Li Miali Diedo nintuali. Bi den loli bu ñoabu laa daali ki yedi: «Ti tudi Li Miali Diedo po.» Samueli den ye Mitisipa ki gobidi Isalele yaaba.