Joeli 2:11 - Gourmanchéma Bible

¹¹ Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

U TIENU MAAMA TILI 2013

¹¹ O Diedo ye o toagoli liiga ki kpaani, O toacaga mo yabi hali boncianla. Yua n baa tieni wan yedi yaala, Pia u paalu. O Diedo daali tie dacianli, Ki go pia i jeje hali boncianla. Ŋme n baa tuo ki sedi landaali?

Joeli 2:11 ပူးပေါင်းရင်းမြစ်များ

Pisomi 18:14

Li Miali Diedo den tiani hali tanpoli po, Wani tanpoli badiciamo den kpedi o nialu Leni a tatana leni a mukuanmoana.

Pisomi 46:6

U Tienu ye o dogu yeni siiga, wuu digini, U Tienu kubi u yaa yogunu kuli.

Pisomi 68:18

Li Miali Diedo toateliti kuli coali tie tuda tuda yo. O Diedo mo ye ti siiga. Sinayi ye o kaangagidiŋamu nni.

Esayi 13:4

Ku niligu fuugu ye li juali yuli po nani yaa niba n yaba yeni. Diema boncianla yaa nibuoli n taani ki pia laa fuugu. Li Miali Diedo U Paaciamu Kuli Daano cua ki baa le o toatieba n taani Ki de maama bu toabu po.

Esayi 42:13

Li Miali Diedo baa ña ki cuoni nani o jakoando Ki mua mi jama nani o toatielo yeni. O baa kpedi o nialu ki yaa tangi Ki paadi o yibalinba.

Esayi 7:18

Laa daali Li Miali Diedo baa fuoni Ki yini yaa sii n ye Ejipiti ñinsani juodima po, Ki go fuoni ki yini yaa naakpansii n ye Asili diema nni.

Jeremi 25:30

Fini ŋan pua bipo yaa sawalo n ye kuli ki yedi ba: «Li Miali Diedo fu hali tanpoli po. Hali o *kaangagidiŋamu nni o maadi. O fu leni wan die yaa diema O tangi yaaba n ŋmaadi u datuodikaanu po. O fu leni yaaba n ye ki tinga nni kuli po.

Jeremi 30:7

Be yaa fala mo nne! Kelima li naa daali tie dacianli. Daaliba kuli ki naani leni li. Li tie Jakobo puoliŋuani po paboanli daale. Ama bi baa baa gaapo.»

Jeremi 50:34

Ama bi todika pia u paaciamu Wani yua n yi Li Miali Diedo U Paaciamu Kuli Daano yeni. O baa koani ki ga ba. Lani n tie u dogu n baa mi yanduanma. Ama n nan baa coagi Babilona yaaba wani.

Esekieli 22:14

Naani a baa pia li papaali, a nii mo n yaa pia u fidu min baa cua ki pua ŋa yaa yogunu? Mini Li Miali Diedo n maadi, n go baa tieni mo.

Joeli 1:15

Ŋain, yaa dabiadili n kpendi ne te! Li Miali Diedo pabienli daali nagini, Li kpendi leni U Paaciamu Kuli Daano n jagi yaa bolinma.

Joeli 1:6

U nibuolu baa n diema. U pia u paalu kaa pia coali mo. U ñina tie nani li yangbanjali ñina. Nani li yangbanñuali cela yeni.

Joeli 2:1

Piebi mani li naatuntunli Siyono juali po, Teni mani ban gbadi li moe n joagagidikaali po. Mi diema yaaba kuli n digibi Kelima Li Miali Diedo daali kpendi, Li daali yeni nagini.

Joeli 2:2

Laa daali tie *biigicianli yaa daali, A tawala leni ku gbangbadigu daali. Li daali yeni kpendi nani mi yendanma N yendi a juana maama yeni. Diidi yaa nibuolu n tie na n yaba Ki go pia u paalu maama. U buolu daa kpa tieni, U kan go tieni mo baa yaa nifiima n baa ŋoadi yaa siiga.

Joeli 2:25

N baa lebidi yipo yaa bina Ke n den soani mu tobiñaanmu yaamu n daa pudi fiabi, Ke a dondoba, a tobiñaana, I naaci leni a sidibila N den ŋmani ti kpaandi yeni.

Amosi 1:2

Amosi den tua: «Li Miali Diedo ye Siyono ki buoni. O ye hali Jelusalema ki kpaani. A yankpaafuana kuodi Kalimeli juali yuli po kuodi.»

Amosi 5:18

Fala baa baa yaaba n bua Li Miali Diedo pabienli daali n cua. Yi guu ki tama ke li daali yeni baa yaa tie lede? Li baa yaa tie biigili daali, Li kan yaa tie yenma daali ka.

Amosi 5:20

Naani Li Miali Diedo pabienli daali tie yenma daali yo? A-a, li tie biigile. Li tie biigili daali, lii pia yenma baa waamu.

Abidiasi 1:15

Kelima mini Li Miali Diedo pabienli daali nagini, Ke n baa jia i nibuoli kuli ti buudi. N baa soani yi nani yin den soani nitoaba maama. Yi tuona baa goa ki jiidi yi yula po.

Nahumi 1:6

U Tienu pali yaa beni, oba kuli kan fidi ki sedi. O pali yaa beni boncianla, oba kuli kan fidi ki yaa ye. O pali co nani mi fantama yeni. A tana pudi ki yagidi o nintuali.

Malaki 3:2

Ŋme n baa fidi ki yaa ye o cuama daali? Ŋme n baa fidi ki sedi o yaa doagidi yaa yogunu? Kelima o baa tie nani ban duadi ti kudi leni yaa fantama yeni. O baa yaa tie nani a tiaŋuuda ciebu yeni.

Mi Coadima 24:23

Balaama go den yedi: «U Tienu yaa tieni laa bonla, ŋme n baa ciadi?

1 Tesaloniki 4:16

Mi maalima yaa tieni, ke malekinba yudaano kpaani, ke U Tienu kakaci piebi, lanyogunu o Diedo wani oba baa ña hali tanpoli po ki jiidi. Yaaba n den kpe leni li *dandanli Kilisiti po, baa kpa fii bi tinkpiba siiga.

Mi Doagidima 18:8

Kelima lankuli yaa po yaa falabiadi n tie na baa baa upo dayenli: Mi kuuma, li paboanli leni mi konbiadima. Bi baa buoni u leni mi fantama, kelima U Tienu, yua n jia leni u ti buudi ki cuo u, pia u paalu.

Mi Doagidima 6:17

Kelima bi pabienli dacianli pundi. Ŋme n baa fidi ki yaa ye?»