Joeli 2:1 - Gourmanchéma Bible

¹ Piebi mani li naatuntunli Siyono juali po, Teni mani ban gbadi li moe n joagagidikaali po. Mi diema yaaba kuli n digibi Kelima Li Miali Diedo daali kpendi, Li daali yeni nagini.

U TIENU MAAMA TILI 2013

¹ Piebi mani li naatuntunli Siyon juali po, Teni mani ban gbadi li moe n joagagidikaali po. Mi diema yaaba kuli n digibi, Kelima o Diedo daali kpendi, Li daali yeni nagini.

Joeli 2:1 ပူးပေါင်းရင်းမြစ်များ

1 Bi Badiba Jama 15:28

Isalele yaaba kuli den ban taa Li Miali Diedo ŋantaadikpaku leni li pamanli kpaani ke li yegi leni li naatuntunli leni kakacinba piebima, mu lonmu leni ti kogiditi puama.

Pisomi 119:120

Min fangi a maama teni ke n gbanu jeli. N jie a buudi mo.

Pisomi 87:1

Kole buolu yaaba yanbu. Li Miali Diedo maa Jelusalema dogu Yaa juana n gagidi ki ŋani yuli po.

Mi Ñama 10:14

A dondoba den yadi Ejipiti diema nni kuli ki baa Ejipiti diema tinfanma nni kuli. Bi den yaba hali hali boncianla hali ke bi daa den laa bi buolu hali abada ki kan go le mo.

Esayi 13:6

Mua mani ki figindi kelima Li Miali Diedo daali nagini. Li daali kpendi nani U Paaciamu Kuli Daano n baa cua ki bolini maama yeni.

Esayi 13:9

Diidi Li Miali Diedo daali n kpendi yeni. Laa daali bia, pabienli daali, Pabienkandikaali daale yaali n baa cuani li paboanli ki tinga nni, Ki go bolini ti *tuonbiadi danba mo.

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Jeremi 16:10

A yaa ti waani mi naa maama kuli ke bi yedi a: ‹Be yaa po yo ke Li Miali Diedo maadi ti mi naa yebiadimoanma maama? Ti tagili n tie i le? Ti tieni Li Miali Diedo ti Tienu po be yaa tuonbiade?›

Jeremi 16:7

Oba kan cua ki taani ki je Leni yaaba n ye leni mi kuuma paboanli ki baagi ba. Oba kuli kan padi i baagi padili Yua yaa baa bi yua yaa naa n kpe po.

Jeremi 4:5

Pa mani o naa laabaalo Juda diema nni Ki waani Jelusalema mo ki yedi: ‹Piebi mani li naatuntunli mi diema nni.› Kpaani mani boncianla ki yedi: ‹Taani mani tin gedi ti dopaali po!›

Jeremi 5:22

Mini Li Miali Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima n tie mi ñincianma banlu, Yaa banlu ke mi kan fidi ki kandi hali abada Mi ñingola lengidi, ama ŋaa pia paalu. Mi duni, ama mi kan fidi ki kandi.

Esekieli 12:23

Lanwani ŋan yedi daa Ke o Diedo, Li Miali Diedo yedi mi ne: N baa teni laa kpanjama n gbeni. Bi kan go pua laa kpanjama. Isalele diema nni. Ŋan yedi ba: Ke a dana kpendi Ke laa bonlekaala mo kuli baa tieni.

Esekieli 21:12

Lanwani bi yaa buali a: ‹Be yaa po ke a buudi?› Ŋan yedi ba: ‹Kelima laabaalibiado kpendi Yua n baa cie yua kuli jigi Yua kuli tugusoama baa sani Yua kuli gbanu mo baa jeli Yama kuli mo baa yagi O laabaalibiado yeni kpendi ne, o cua moko! O Diedo, Li Miali Diedo n yedi yeni.› »

Esekieli 30:3

Kelima li daali yeni nagini, Li Miali Diedo pabienli daali nagini, Li baa yaa tie tawadi daali, Ban baa jia i nibuoli ti buudi yaa yogunu.

Esekieli 33:3

Li yaa tie ke laa ja laa ke bi kpendi ki baa baa mi diema yeni bu toabu, o yaa piebi li naatuntunli ki waani bi niba,

Esekieli 33:6

Li yaa tie ke yua n guu laa ke bu toabu kpendi, ki naa piebi li naatuntunli ki waani ke bi niba n bandi, li yaa tie ke bu toabu yeni cua ki ludi ki ku niloba, laa nilo baa kpe kelima o *tuonbiadi po. Ama n baa buali o soama yua n den gu yeni.

Esekieli 7:10

Diidi ti buudi daali kpendi, Ke mi bolinma mo baandi ki kpendi Mi poagilima pugidi, Ti japaadi mo pundi ti bianu.

Esekieli 7:12

U yogunu kpendi, Li daali mo pundi Ke yua n da n da mangi o pali. Yua n kuadi mo n da ye leni li paboanli Kelima n pabienli fii u dogu niba kuli po yo.

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Danieli 9:16

Ti Diedo, nani a niñingbadima n yaba maama yaa po, ŋan jiini a pali a dogu Jelusalema a joagagidikaali po, kelima ti tuonbiadi leni ti baanba yaa tudima po. Yaaba n lindi ti kuli fali ti ki yuandi Jelusalema leni a niba.

Danieli 9:20

Danieli go den suagi ki yedi: «N den baa jaandi ki tuodi n tuonbiadi leni n nibuolu Isalele yaaba yaa tuonbiadi, ki miadi Li Miali Diedo n Tienu o joagagidikaali po.

Ose Tili 5:8

Piebi mani li naatuntunli Gibeya dogu nni, Piebi mani kakaci Lama dogu nni, Benjamina buolu yaaba, yaa faami mani yi puoli po.

Ose Tili 8:1

Piebi mani li naatuntunli! Yibalinba kpendi ki baa cibi Li Miali Diedo diema Nani jiebani n yen cibini maama yeni, Kelima n niba fidi min kuani leni ba yaa *ŋantaado, Bi yie n *balimaama mo.

Joeli 1:15

Ŋain, yaa dabiadili n kpendi ne te! Li Miali Diedo pabienli daali nagini, Li kpendi leni U Paaciamu Kuli Daano n jagi yaa bolinma.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Joeli 2:15

Piebi mani li naatuntunli, Siyono nni, Bili mani u yogunu mi ñoalolima po, Taani mani li taancianli.

Amosi 3:6

Naani bi baa pua li toagangaali u dogu nni, Ke bi niba kan jie bi? Naani fala baa baa dogu Ke laa tie Li Miali Diedo n cuani la bi?

Amosi 5:18

Fala baa baa yaaba n bua Li Miali Diedo pabienli daali n cua. Yi guu ki tama ke li daali yeni baa yaa tie lede? Li baa yaa tie biigili daali, Li kan yaa tie yenma daali ka.

Amosi 8:2

O den buali nni: «Amosi, a nua be?» N den goa ki yedi o: «N nua baabuogu ke ku pia yaa bonluonkaala n beni.» Li Miali Diedo den goa ki yedi nni: «N niba, Isalele yaaba juodima pundi, N kan go tieni bipo sugili.»

Abidiasi 1:15

Kelima mini Li Miali Diedo pabienli daali nagini, Ke n baa jia i nibuoli kuli ti buudi. N baa soani yi nani yin den soani nitoaba maama. Yi tuona baa goa ki jiidi yi yula po.

Sofoni 1:14

Li Miali Diedo pabienli dacianli yeni nagini, Li nagini ki gbeni, li jaligi ki kpendi. Laa daali baa yaa tie moe bebe, Baa a jakoanda baa mua ki liini mi todima.

Sofoni 1:16

Laa daali, bi toatieba baa baa i kaanpaali leni a toadiefoaga, A naatuntuna piebima leni bu toabu kuudi siiga.

Sofoni 1:7

Cuo mani yi ñoana o Diedo Li Miali Diedo nintuali, Kelima o pabienli daali nagini. O bogini li padili, O gagidi ki ŋanbi wan yini yaaba.

Sofoni 3:11

Laa yogunu, yinba, n niba Yi kan go jie i fe kelima yi tuona po, Leni yin tiendi npo yaa *tuonbiadi yeni po, Kelima n baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

Sakari 14:1

Li Miali Diedo pabienli daali nagini. Yinba Jelusalema yaaba, yi yibalinba baa boagidi yi piama yi nunbu nni.

Sakari 8:3

N baa lebidi ki guani Siyono, ki yaa ye Jelusalema yaaba siiga. Bi niba baa yaa yi Jelusalema dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo, U Paaciamu Kuli Daano, juali mo: “Mi gagidiŋanma juali.”»

Mi Coadima 10:2

«Duadi kakacinba lie leni ŋanjilifa. A baa tieni ba leni ban pua pua ki tandi yaa ŋanjilifa. Bi yen baa piebi ba ki yini li nitaanli leni a naga yaa baa fii ki suagi liiga.

Mi Coadima 10:3

Bi yaa yen piebi yaa yogunu, li nitaanli kuli baa cua ki sedi a kani, u *Kadikaanu gbandieli buliñoabu kani.

1 Korenti 14:8

Yua n piebi kakaci yaa piebi ke li gagidi bu toabu po, ŋmee n baa bandi ki bogini bu toabu po?

Filipi 2:12

Lanwani n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima ki yaa ye yi *tindima yema.

1 Tesaloniki 5:2

Kelima yi bani bonŋanla ke o Diedo daali yeni baa cua nani li conconli yene ku ñiagu.

Jaki 5:8

Yi moko n juuni ki paagi yi pala, kelima o Diedo cuama nagini.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

Mi Doagidima 6:17

Kelima bi pabienli dacianli pundi. Ŋme n baa fidi ki yaa ye?»