Joeli 1:19 - Gourmanchéma Bible

¹⁹ Li Miali Diedo, n jigidi ki nua fine Ki kpaani ki miadi a todima! Kelima mi fantama dini li yankpaafuali, U mupienu mo sia i kuani tiidi.

U TIENU MAAMA TILI 2013

¹⁹ O Diedo, n jigidi ki nua fine Ki kpaani ki miadi a todima! Kelima u mu dini li yankpaafuali, U mupienu mo juu i kuani tiidi.

Joeli 1:19 ပူးပေါင်းရင်းမြစ်များ

Pisomi 50:15

Lani, mia nni mi todima yi paboanli daali, N baa faabi yi, yi mo n kpiagi nni.

Pisomi 91:15

O yaa jaandi ki mia nni, n baa guani opo, Mini nba n baa ye leni o fala nni. N baa faabi o ki go kpiagi o.

Jeremi 14:4

Ki tinga pudi ki yagidi Kelima taaga ki go ye mi diema nni. Bi kpakpaaba jigi cie, baa bani ban kuandi bi yula naani.

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 9:10

Li Miali Diedo yedi: «N baa teni Jelusalema diema n tua diegbengu, I tanboe n ye naankani. N baa teni Juda dogi n tua paboanli kaanu Niba n ki go ye naani.»

Jeremi 9:9

A juana po, N baa mua ki figindi. Mi fanpienma nni, i yankpaakaani nni N baa wanli i wanli kelima bi juu ba. Oba ki poandi likani. Baa go gba yankuli lanbu, Ki cili tanpoli nuani ki ban taani leni ti yandi, Likuli bodi cain.

Joeli 2:3

U nibuolu yeni liiga tie nani yaa fantama n buondi yeni, U puoli mo nani yaa mupienu n buondi, Hali ke u daa tagini Mi diema den tie nani Edena koaŋamu yeni. U yaa tagini ki ban pendi, U yen ŋa u puoli po Fanpienma yaama yaa noalima n gundi. Liba ki cia u kani.

Amosi 1:2

Amosi den tua: «Li Miali Diedo ye Siyono ki buoni. O ye hali Jelusalema ki kpaani. A yankpaafuana kuodi Kalimeli juali yuli po kuodi.»

Amosi 7:4

O Diedo, Li Miali Diedo, den doagidi npo yaa bonlekaala n tie na: N den laa wani o Diedo, Li Miali Diedo kpaani ki tua Ke o baa jia o niba ti buudi leni mi fantama, Mi fantama yeni den teni Ke yaa ñincianma n ye ki tinga tiipo ñuudi, Mi den cili ki buondi mi diema.

Mise 7:7

Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

Luki 18:1

Jesu den pua ba mi kpanjama ki baa waani ba ke li pundi ban yaa jaandi yogunu kuli ki da cedi bi gbani n wudi.

Luki 18:7

N buali yi, naani U Tienu kan tuu wan gandi yaaba po bi panli, bani yaaba n kpaani ki miadi o u yensiinu leni ku ñiagu kuli bi? Naani o baa waagi ki kan todi ba?