Jobi 9:8 - Gourmanchéma Bible

⁸ Wani o bebe n yen tandi tandi ti tawadi, Ki yaa cuoni mi ñincianma ñingbanu po.

U TIENU MAAMA TILI 2013

⁸ Wani o bebe n yen tandi tandi ti tawadi, Ki yaa cuoni mi ñincianma gbanu po.

Jobi 9:8 ပူးပေါင်းရင်းမြစ်များ

Mi cilima 1:1

Hali mi cilima, U Tienu den tagi tanpoli leni ki tinga.

1 Bi Badiba Jama 16:26

Kelima i nilanbuoli n ŋua yaa buli kuli ki pia fuomaba kuli, Ama Li Miali Diedo n tagi tanpoli.

Jobi 26:13

Leni o fuoma bebe, o pidi tanpoli kpali kpali. Leni o nuu paalu o muu ki ku yaa wa n tiini.

Jobi 26:7

O teni ke nijienu ye u damu nni, Ki teni ke ki tinga mo juani ku lengu nni.

Jobi 37:18

Naani a baa fidi nani U Tienu yeni, Ki tandi tanpoli yua n juagi nani ban duadi yaa maduubiga yeni?

Jobi 38:11

Ki den yedi: ‹A baa cua hali nekanba, Ŋan da pendi lankani, Nekanba yo ke a ñingola fuugu baa gbeni.›

Jobi 38:16

Naani a kpa gedi hali mi ñincianma ñinbuna kani? Naani a kpa kua ki goadi u *kulu nni?

Pisomi 33:6

Li Miali Diedo maama n tagi tanpoli. O li maadi bebe yo ke a ŋmabila moko tieni.

Pisomi 77:19

A tatantani den tiani ku tafaaciangu nni, Ke mi tañigima yendi li ŋandunli, Ti jawaandi den cuo ki tinga ke ki digibi,

Esayi 40:22

Wani n tie yua n ye ki tinga gaanilindima tanpoli Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Ke lan tua o yekaanu.

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Esayi 44:24

Li Miali Diedo yua n da ki faabi yi Wani yua n den tagi yi hali ke yi da ye yi naa tugu nni Yedi yaa maama n tie na: «Mini Li Miali Diedo n tieni li bonla kuli, Min bebe n dadi ki tandi ti tawadi Mini nba n tagi ki tinga.

Esayi 51:13

Ki sundi Li Miali Diedo yua n den tagi a po, Yua n den dadi ki tandi ti tawadi, ki bili ki tinga tanpuuli, Ki baa yaa ye daali kuli yaa jawaandi n ki pia gbenma nni? Kelima yua n faligidi a pabiencianli po, Nani wan bogini ki baa bolini yaa yogunu yeni. Yua n faligidi pabienli ye le?

Jeremi 10:11

Yin maadi leni ba nanda: «Yaa buli n ki tagi tanpoli leni ki tinga baa bodi. I baa bodi mi tinfanma nni cain.»

Jeremi 10:12

O tagi ki tinga leni o paaciamu. O tagi ki tinga leni o yanfuoma. Leni o yanfuome ke o tandi ti tawadi.

Jeremi 51:15

O tagi ki tinga leni o paalu, Leni o yanfuoma ke o diani u tinbianu. Leni o banma yo ke o tieni ti tawadi.

Sakari 12:1

Li Miali Diedo n yedi yaala Isalele yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Jan n diani U Tienu Laabaaliŋamo maama 6:19

Ban den kudi ki cuoni kilo dajena muu, yaaka dajena luoba, bi den laa Jesu ke o cuoni u ñingbanu po ki nagindi ku ñinbiagu kani. Ti jawaandi den cuo ba.