Jobi 7:21 - Gourmanchéma Bible

²¹ Be teni ke a yie ke a kan tieni npo sugili n tagili po? Be teni ke ŋaa tieni npo sugili n tudima po? Moala wani n di caa ki baa duani mi tama nne. A baa lingi nni ki sua ke mii go ye.»

U TIENU MAAMA TILI 2013

²¹ Be n teni ke a yie ke a kan tieni N tagili po sugili? Be n teni ke ŋaa tieni n tudima po sugili? Moala wani n ji caa ki baa duani mi tama nne. A baa lingi nni ki sua ke mii go ye.»

Jobi 7:21 ပူးပေါင်းရင်းမြစ်များ

2 Samueli 24:10

Dafidi tugusoama den sani wan coadi bi niba yeni po. O den yedi Li Miali Diedo: «Min tieni maama ne, n tudi hali boncianla. Moala n mia ŋa ŋan tieni mini a yonbo po sugili kelima n tieni nani o yanluodaano yene.»

Jobi 10:14

N yaa tieni ti tuonbiadi a nua nni. A kan yedi ke mii pia tagili.

Jobi 10:9

Tiadi ke a tagi nni leni ku yoagu yo. Naani a bua ki guani nni mi tama nni?

Jobi 13:19

Ŋme n baa fidi ki maadi ki je nni li bujiali kani? Lanwani n baa tuo n tagili ki yaa ŋmini ki kpe.

Jobi 14:10

Ama o nilo wani yen kpe, o fidu n gbeni. O nisaalo yaa kpe o yen kua le?

Jobi 17:14

N kpaani ki yedi n kuli: ‹Fini n tie n baa!› Ki yedi mi bedima mo: ‹Fini n tie n naa leni n naataanpuoga!›

Jobi 20:8

O baa yugi nani ti dangidi yeni ke bi kan go le o. O baa pendi nani ku ñiagu bonlekaala yeni.

Jobi 27:19

O baa duani ki tie piado ama o piama bianu n yeni, O baa fundi ki sua ke puu kuli ki go ye!

Jobi 3:13

Moala di bi baa sua ke n dua suo n kuli nni N bi baa yaa goa, ki ye leni mi yanduanma.

Jobi 33:9

‹Mii pia jaligi, mii pia *tuonbiadi N ŋani cain, mii pia tagiliba.

Jobi 7:8

Yaa nunbu n bi diidi nni kan go le nni. A nuni baa lingi nni ki sua ke mii go ye.

Jobi 8:1

Bilidada yua n den ñani Sua den maadi ki yedi Joba:

Jobi 9:28

Diidi n fala teni ke n ye leni ti jawaandi, Ki bani ke U Tienu kan noanli ke mii pia tagili mo.

Pisomi 103:15

O nisaalo miali dana tie nani ti muadi yeni O yen puudi nani i kuani nni puuma yeni.

Pisomi 37:36

Diidi, o pendi, waa go ye N lingi o, waa go pia lema.

O Yanfuodaano 12:7

Lanyogunu o nisaalo gbanandi baa guani ti tandi nni tin ñani naani, o naano mo n guani U Tienu po, wani yua n den puni ti o.

Esayi 26:19

N niba, yi tinkpiba n goa ki faadi! N niba yaaba n kpe baa goa ki fii bi tinkpiba siiga! Fundi mani, mangi mani yi pala, Yinba yaaba n dua mi tama nni! Kelima Li Miali Diedo baa goa ki pa yi mi yenma mangu, Ki tinga mo n teni bi tinkpiba kuli n faadi.

Esayi 64:9

A dogi yi n gagidi ki ŋani yeni kuli tua fanpienma. Siyono tua fanpienma. Jelusalema mo tua paboanli kaanu.

Danieli 12:2

Yaaba n goa a kula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Ose Tili 14:2

Isalele yaaba, lebidi ki guani mani Li Miali Diedo, yi Tienu kani, Kelima, yi *tuonbiadi n teni ke yi baa.

Jan n diani U Tienu Laabaaliŋamo maama 1:29

Lan den fii ki fa, Jan den laa Jesu ke o kpendi o kani ki yedi: «Diidi mani U Tienu Pebiga, yua n tugi ki ñandi ŋanduna *tuonbiadi.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

1 Jan 1:9

Ti yaa tuo ti yaa tuonbiadi, O tie tin fidi ki dugi yua po ki go tiegi mo. O baa pa ti sugili ti tuonbiadi po Ki go ŋuudi ki ñani tipo ti biadima kuli cain.

1 Jan 3:5

Yi bani ke wani o Diedo n den doagidi ki baa ñani tin yaa tuonbiadi. Tuonbiadiba kuli ki ye o niinni baa waamu.