Jobi 6:9 - Gourmanchéma Bible

⁹ Li yaa tie ke U Tienu bua ki ñii ki midi nni Wan tandi o nuu ki dudi nni yenma!

U TIENU MAAMA TILI 2013

⁹ U Tienu n ñii ki midi nni, Wan tandi o nuu ki dudi nni yenma!

Jobi 6:9 ပူးပေါင်းရင်းမြစ်များ

1 Bi Badiba 19:4

Ama wani oba den kua mi fanpienma nni ki go ban cuoni damunli cenli, ki ban kali gene tinga ki mia mi kuuma ki yedi: «Li dagidi, Li Miali Diedo. Ŋan taa n miali moala kelima mii cie n baanba.»

Jobi 10:1

N yama ñani li miali nni Cedi min fu ki maadi n yema nne po, N paboancianli nni n baa maadi.

Jobi 11:20

Bi nibiadiba wani yaa nuni baa le yaala n bia. Wuonkaanu ki ye bipo. Bi suginma kuli n tie ban kpe bebe!»

Jobi 14:13

Diidi a yaa den bua ki wuoni nni bi tinkpiba diema nni, Ki yaa kubi nni lienni ŋasiili nni hali a pali n kuugi, Ki bili yaa yogunu ke a baa tiadi npo.

Jobi 19:21

Gbadi mani n niñima, gbadi mani n niñima, yinba n danlinba! Kelima U Tienu nuu n pua nni!

Jobi 6:8

N sugini hali bonŋanla U Tienu n gbadi n miabu, Ki nanli nni min bua yaala.

Jobi 9:21

Naani n tie papiendaano? Baa mini nba ki go bani cain. N fali n miali yema.

Pisomi 32:4

Kelima u yensiinu leni ku ñiagu kuli a nuu den pua nni. N gbanandi den fuagi nani ku tontongu n gbadi yua yeni. *Joma

Esayi 38:12

N dieli ñani, Bi tugi li ki foagidi leni nni Nani o yankpaalo gbandieli yeni Nani o lugido cabili yeni. N pundi n miali bianu Li cabili gaali jia Ki cili u yensiinu hali ku ñiagu Baa sua ke a dudi nni.

Jonasi 4:3

Moala Li Miali Diedo, taa n miali kelima n kuuma cie npo n yema.»

Jonasi 4:8

U yienu n den pudi ki doagidi, U Tienu go den teni ke mi fawatonma ñani puoli ki figi. U yienu den puli Jonasa yuli hali ke o bua ki pabi. O den mia mi kuuma ki yedi: «N kuuma n cie npo n yema.»

Mi Doagidima 9:6

A dana yeni niinni bi niba baa lingi mi kuuma ki nan kan le ma, bi baa bua ki kpe, ama mi kuuma baa sani ki foagidi leni ba.