Jobi 5:9 - Gourmanchéma Bible

⁹ Yua n tiendi yaala n ŋani ki pia li pakili leni ki lidiga O tiendi yaa bancianma n ki pia coali.

U TIENU MAAMA TILI 2013

⁹ Wani yua n tiendi yaala n ŋani, Ki pia li pakili leni ki lidiga. O tieni yaa bancianma n ki pia coali.

Jobi 5:9 ပူးပေါင်းရင်းမြစ်များ

Jobi 10:16

N yaa tuo ki yaadi n yuli, Se ŋan ŋoadi ki deli nni nani o yangbanlo yeni. A baa mudi nni yomi yomi leni a paaciamu.

Jobi 13:1

Yeni de, n nunbu laa laa bonla kuli N tubili mo gbadi la, ki gaa la.

Jobi 37:14

Joba, diadi a tubili ki cengi laa bonla! Sedi ki bandi U Tienu tuonciama n de maama!

Jobi 37:16

Naani a bani yaala n teni ke ti tawadi juani? Naani a bani laa bancianma yanfuoma n ñani yua yaa kani?

Jobi 37:5

U Tienu yen tiani maama lan lidi bi niba hali boncianla. Li tie yaa bancianma ke ti kan fidi ki bandi ma.

Jobi 42:3

A yedi: ‹Ŋme n bua ki gangi gangi ki biidi n yanjaga Leni mi yanluodanmaama?› Moamoani de, n den maadi min kaa bani yaala, Ke li den pia npo mi gangima.

Jobi 9:10

O tiendi yaala n ŋani ki pia li pakili leni ki lidiga. O tiendi yaa bancianma n ki pia coali.

Pisomi 139:18

N yaa bua ki coadi ŋa N sua ke a coali yaba ki cie i tanbiili. N fundi ki go baa ye leni a.

Pisomi 145:3

Li Miali Diedo yaba ki pundi ki baa ti pagidi. O yabinu mo naa pia bandigbenma.

Pisomi 40:5

Li pamanli ye leni yaa nilo n bili o dugidi Li Miali Diedo kani, Ki naa lebidi ki ŋua bi japaadanba leni bi tuofaadanba.

Pisomi 40:6

Li Miali Diedo n Tienu, A pugidi a bancianma leni a yanjagiŋama tipo. Liba kuli ki da leni a. N bi bua ki kpaani ki doagidi la, Ama li yaba ki cie min baa fidi ki coadi yaala.

Pisomi 72:18

LI MIALI DIEDO U TIENU, ISALELE YAABA TIENU YELI N BAA TI PAGIDI! WANI BEBE N TIENDI MI BANCIANMA.

Pisomi 86:10

Fini, a yaba ki go tiendi mi bancianma. Fini bebe n tie U Tienu.

O Yanfuodaano 3:11

O bili bontienkaala kuli po yaa yogunu n dagidi lipo. O kuani bi nisaaliba yama nni ban bandi yaala n pendi leni yaala n kpendi, ama ke bi naa fidi ki bandi o tuona kuli, ki cili mi cilima ki yaa caa hali mi juodima.

Esayi 40:28

Yii bandi o? Yii gbadi o maama? Li tie Li Miali Diedo U Tienu yua n ye hali yaa yogunu kuli, Yua n tagi ki tinga biani Waa coagidi, waa tadigidi mo O yanfuoma mo ki pia bianu.

LOMA YAABA 11:33

U Tienu ŋalimani yaba, o banma leni o yanfuoma yaba ki ñua ki pendi bi nisaaliba bandima kuli. O yanjaga pendi bi nisaaliba n fidi ki kpaagi yaala. Baa fidi ki bandi yaala yaa po ke o tieni wan tiendi yaala.