Jobi 5:7 - Gourmanchéma Bible

⁷ Ama o nisaalo mali fala po Nani i mukaabi n baa yugi maama yeni.

U TIENU MAAMA TILI 2013

⁷ Moamoani o nisaalo mali fala po yo, O baa pendi nani i mukaabi yeni.

Jobi 5:7 ပူးပေါင်းရင်းမြစ်များ

Jobi 14:1

Pua n mali yua kuli, miali yema koabi, Ki go gbie leni yanyagidi bebe.

Jobi 7:1

O nisaalo yema ki tinga nni pa hali boncianla. O cima pa nani o tuonsoanlo yema yeni.

Pisomi 90:10

Ti miali bina kuli di baa tie bina piilele bebe, Ti yaa pia u fidu mo, tin pundi bina piinii. Laa bina kuli n kpendinni yaala tie duoli leni fala bebe, Kelima laa bonla kuli yen pendi tontoni, Timo n yaa ban caa.

O Yanfuodaano 1:8

A kan fidi ki waani ki gbeni likuli n pia ku coagingu maama: bu nunbu kan le ki guo, li tubili mo kan gbadi ki guo.

O Yanfuodaano 2:22

Yeni mo daa, o nilo n duoliti o yuli ki tiendi wan bua ki tieni yaala mi tinfanma nni yeni, li pia opo be yaa todime?

O Yanfuodaano 2:23

O ŋantaadi kuli tie opo yanyagidi leni fala bebe. O yantiali ki pia fuodima baa ku ñiagu. Lani moko didi tie bongangikaala.

Jeremi 20:18

Be teni ke n ñani n naa tugu nni, Ki baa le fala leni ku coagingu bebe, Ke n miali yema dana kuli baa n juodi fe nni?

1 Korenti 10:13

Tulinmaba kuli kan cua yi kani kaa tie yaama n kpendi bi nisaaliba kuli po. U Tienu tie dugika, o kan tuo yaa tulinma n cie yi fidu bianu n cua yi kani. Ama mi biigima yaa cua yi kani, o baa ŋanbi yipo u sanu ke yin fidi ki juuni ki ña lienni.