Jobi 5:20 - Gourmanchéma Bible

²⁰ O baa faabi a leni mi kuuma mi koma yogunu, Bu toabu yogunu mo, o baa kubi a miali.

U TIENU MAAMA TILI 2013

²⁰ O baa faabi a leni mi kuuma Mi koma yogunu, Bu toabu yogunu mo, O baa kubi a miali.

Jobi 5:20 ပူးပေါင်းရင်းမြစ်များ

Mi cilima 45:7

U Tienu den soani nni yi liiga ki baa teni ke yin yaa ye ki fo mi diema nni ki teni ke yin yaa ye kelima wani n bua ki puni laa *faabima.

1 Bi Badiba 17:6

A kankala den kpendinni opo dupen leni ti nandi ku tiŋaagu leni ku yenjuogu kuli. O den ñu u fuanu ñima.

Pisomi 118:18

Li Miali Diedo den tundi nni leni fala Ama waa den ŋaa nni mi kuuma nuu nni.

Pisomi 144:10

«Wani n puuni bi badiba mi *faabima Ki faabidi o naacemo Dafidi leni ki jugisiebiadiga.»

Pisomi 27:3

Baa toagoli yaa fii ki sedi npo N pali kan yaa pia yanbaniba kuli. Baa niba yaa fii npo leni bu toabu, Leni lankuli, n baa yaa baa pia ti dugidi.

Pisomi 33:19

O baa gaa ba mi kuuma nuu nni, Ki kubi bi miana, baa mi koma yogunu.

Pisomi 37:19

Bi kan le fe fala daali, Mi koma yaa baa mo, bani wani baa je ki guo.

Pisomi 49:7

Bi dugi bi piama po, Ki kpiagidi bi yula bi ŋalimanciamo po.

Mi Kpanjama 10:3

Li Miali Diedo kan tuo mi koma n gbadi o niteginka, Ama o yiedi ke o kan pa bi nibiadiba ban nua ki moandi yaala.

Esayi 33:16

Landaano baa yaa ye yaa kaani n kpedi, Yaa tanciangu n juagi n baa yaa tie o wuonkaanu, O baa yaa baadi mi jiema, Ñima mo kan poadi o.

Jeremi 37:21

O bado Sedesiasi den bili li ñoabonli ke ban kubi Jelemi bonŋanla badidiegu kpaadidieli luolu nni. Bi den yen kpendinni opo daali kuli dupen yendo ban den ñandi yua ban yi yaa sanu a dupenpuala sanu po. Bi den tiendi yene hali dupen n ban gbeni u dogu nni. Jelemi n den ye maama n yeni badidiegu kpaadidieli luolu nni.

Jeremi 39:18

N baa teni ŋan cia ki jugisiega kan kpa ŋa. A baa ga a miali kelima a dugi npo.› Li Miali Diedo n yedi yeni.»

Ose Tili 13:14

O, mini Li Miali Diedo n faabi laa niba bi tinkpiba yekaanu nni? Mini, n faabi laa niba mi kuuma nuu nni? Fini, mi kuuma, a jatiadi ye le? Fini, mi kuuma, waani a paalu yu n bolindi yeni. N kan gbadi laa niba po niñimaba kuli.

Habakuki 3:17

I kankandi kan go tieni puuma. I duven tiidi kan luoni. *Olifie tiidi kan luoni liba kuli. Kpaangu kan tieni i kuani nni. I pe kuli baa bodi a yanlola nni I ne mo n bodi i naapagi nni.

Matie 24:6

Yi baa gbadi ke bi maadi bu toabu maama, ki go maadi bu toabu laabaalo maama. Da yagi mani yi yama, kelima laa bonla baa cua tiladi. Ama li da kan tua mi juodima ka.