Jobi 5:13 - Gourmanchéma Bible

¹³ O yen cuo bi yanfodanba bi nunfancele nni. Bi nunfandanba tundi mo kan baa yuli.

U TIENU MAAMA TILI 2013

¹³ O yen cuo bi yanfuodanba bi nunfanbu nni, Ki teni ke bi nunfandanba tundi mo Kan baa yuli.

Jobi 5:13 ပူးပေါင်းရင်းမြစ်များ

2 Samueli 15:31

Bi den cua ki yedi Dafidi: «Ahitofeli taani leni mi janjanma danba ki ŋua Abisalomi.» Dafidi den mia U Tienu ki yedi: «Li Miali Diedo, teni ke Ahitofeli tundi kuli n tua fanma.»

2 Samueli 15:34

Ama ŋan guani u dogu nni ki ban yedi Abisalomi: ‹O bado, n baa tua a naacemo. N den tie a baa naacemo, ama moala n di baa tua a yaa naacemo.› Yeni a baa biani Ahitofeli tundi fanma ki todi nni.

2 Samueli 17:23

Ahitofeli n den laa ke baa ŋoadi o tundi, o den paani o ŋunbo li gaali ki fii ki kuni o denpo. O den teni o niba o ñoamabona ki yuandi ki soadi o yuli. O den kpe yeni ke bi piini o o baa kuli nni.

Esiteri 7:10

Lane bi den joani Hamana wan den bogini yaa daagu Malidoke po yeni, ki soadi o. Li yaa puoli o bado pali den kuugi.

Esiteri 9:25

Ama Esita den kua ki laa o bado ke o ñani o ñoabonli ki diani ke Hamana n den jagi yaa yanjagibiadili ki bua ki bolini Jufinba yeni n goa ki baa o yuli po, ke ban joani o, wani leni o bijaba kuli ku daagu po ki soadi ba.

Jobi 15:5

Kelima a tagili n gobidi a ñoacuuna, A mo gandi bi nunfandanba yaa mataana.

Jobi 37:24

Lani n teni ke li pundi bi niba n yaa fangi o. Waa diidi yaaba n nua bi yula ke bi tie yanfodaanoba.»

Pisomi 18:26

A tiegi yua n tiegi po. A tie papiendaano yua yaa pali n pieni po.

Pisomi 9:17

Li Miali Diedo doagidi wan tie yua, o saagi i moamoani. O nibiado n dia yaa diagu goa ki cuo o. *Joma.

Mi Kpanjama 3:32

Kelima Li Miali Diedo nani bi nibiadiba, ama o danli leni bi niteginkaaba.

Esayi 19:3

Ejipiti yaaba jama kuli baa gbeni. N baa biani bi yanjaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Jeremi 49:7

Yaa maama n ye Edomi po. Li Miali Diedo U Paaciamu Kuli Daano maadi yaa maama n tie na: «Naani yanfodanba ki go ye Temana diema nni? Naani i tundi bodi o bijaba kani? Naani bi yanfuoma kuli ki go pia mayuli yo?

Jeremi 8:8

Yi baa tieni lede ki yedi: «Ti tie yanfodanbe, Li Miali Diedo *bali maama ye leni tinba?» Mi faama po yo ke a tidianla fii Ki baa diani leni bi tuofaa-tidianmuani.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Jeremi 9:22

Li Miali Diedo yedi nanda: «O yanfodaano n da jigini o yuli o yanfuoma po. O gbanmandaano n da jigini o yuli o gbanmanu po. O piado n da jigini o yuli o piama po.

Mi Coadima 22:25

O ŋunñua den laa U Tienu maleki ki suli ki tabini u bilinu, ki mabini ki taani Balaama taali leni u bilinu. Balaama go den pua o.

Luki 1:51

O doagidi o nuu paalu, Ki yadi ti yantia-japaadi danba.

1 Korenti 3:19

Kelima ŋanduna na yaa yanfuoma tie yanluoma U Tienu po. Li diani yeni ki yedi: «O co bi yanfodanba bi nunfanbu nni.»