Jobi 3:4 - Gourmanchéma Bible

⁴ Laa daali n kpandi ki tua *biigili, U Tienu yua n ye tanpoli n da taani li li baanli nni, Yenmaba kuli n da cua ki yendi laa daali!

U TIENU MAAMA TILI 2013

⁴ Landaali n kpandi ki tua biigili, U Tienu yua n ye tanpoli, N da taani li li baanli nni, Yenmiba kuli n da cua ki yendi li!

Jobi 3:4 ပူးပေါင်းရင်းမြစ်များ

Jobi 3:3

«Min mali yaa daali yeni n bodi, Ki taani baa leni ban taa n tugu yaa ñiagu yeni.

Jobi 3:5

Li biigili leni mi kuuma jinjingu n buali lipo! Yaa tawadi n biigi n cua ki libini lipo! Yaa bonla n bia n cua ki yaa jiendi li!

Joeli 2:2

Laa daali tie *biigicianli yaa daali, A tawala leni ku gbangbadigu daali. Li daali yeni kpendi nani mi yendanma N yendi a juana maama yeni. Diidi yaa nibuolu n tie na n yaba Ki go pia u paalu maama. U buolu daa kpa tieni, U kan go tieni mo baa yaa nifiima n baa ŋoadi yaa siiga.

Amosi 5:18

Fala baa baa yaaba n bua Li Miali Diedo pabienli daali n cua. Yi guu ki tama ke li daali yeni baa yaa tie lede? Li baa yaa tie biigili daali, Li kan yaa tie yenma daali ka.

Matie 27:45

Ki cili u yensiicocolu, li *biigili den tieni ki tinga nni kuli ki yaa caa hali li yenlebidili.

Jesu Tondiba Tuona 27:20

Dana boncianla den pendi ke u yienu leni a ŋmabila naa den ñani. Ku faagu mo den figi ki bia hali boncianla ke tii go den daani ke ti go baa ye leni miana.

Mi Tiadima 11:12

Li tie Li Miali Diedo yi Tienu wani oba n faami yaa diema po, Li Miali Diedo yi Tienu nuni n maa yaa diema po u yogunu kuli, ki cili li binli cilima hali li ban juodima.

Mi Doagidima 16:10

O maleki-muulo den wuli yaala n ye o tadibuoga nni ki fuayanga bali kalikaanu po ke o diema kuli biigi. Bi niba den ŋmani bi landi kelima bi funfunma po,