Jobi 2:3 - Gourmanchéma Bible

³ Li Miali Diedo den yedi Sutaani: «A nan ko laa n naacemo Joba? Waa pia o lie kuli ki tinga nni. O tie papiendaano ki go tiegi mo. O fangi U Tienu, o naa tiendi yaala n bia. Baa ke a tigini nni min bolini o, o baa ki se o papienli nni.»

U TIENU MAAMA TILI 2013

³ O Diedo den yedi Sutaani: «A nan ko laa n naacemo Jobi? Waa pia olie kuli ki tinga nni. O tie papiendaano, ki go tiegi mo. O fangi U Tienu, o naa tiendi yaala n bia. Ba ke a tigini nni min bolini o, o baa ki se o papienli nni.»

Jobi 2:3 ပူးပေါင်းရင်းမြစ်များ

Mi cilima 6:9

Mine n tie Nowe yaa yaabila yaa maama. Nowe den tie o niteginka leni papiendaano laa yogunu niba siiga kuli. Nowe den cuoni leni U Tienu.

2 Samueli 20:20

Joabi den goa ki yedi: «Kalam! Mii pia yaa yantiali n baa bolini bi ki mudi liba!

Jobi 1:1

O ja den ye Utisi diema nni ke bi yi o Joba. Laa ja den tie papiendaano ki go tiegi mo. O den fangi U Tienu kaa tiendi yaala n bia.

Jobi 1:11

Ama tandi a nuu ki fie wan pia yaala kuli, n bani cain ke o li baa teli ki sugi a a nunbu nne.»

Jobi 1:6

Dayenli, U Tienu malekinba den cua Li Miali Diedo nintuali, Sutaani ku *tuotabigu yudaano moko den cua ki sedi bi siiga.

Jobi 1:8

Li Miali Diedo den yedi Sutaani: «A nan ko laa n naacemo Joba? Waa pia kuli o lie ki tinga nni. O tie papiendaano ki go tiegi mo. O fangi U Tienu waa tiendi kuli yaala n bia mo.»

Jobi 13:15

Baa o yaa baa kpa nni, n baa dugi o yaa po. Ama o nintuali n baa waani o ke mii pia tagili.

Jobi 2:2

Li Miali Diedo den buali Sutaani: «A ñani le yo?» Sutaani den yedi Li Miali Diedo: «N da li goadi n goada ki gangi ki lindi ki tinga nni.»

Jobi 2:4

Sutaani den goa ki yedi Li Miali Diedo: «O nilo kan da o miali ki gbali! O nilo n pia yaala kuli o baa teni la o miali po.

Jobi 9:17

Wani yua n fii ki sedi npo nani ku tafaagu yeni, Ki kubi nni ki poagiliti fanma fanma po.

Jobi 9:20

Baa n yaa pia i moamoani, U Tienu baa muni nni i moamoani yeni. Min baa yedi yaala kuli leni n moamoani, O baa waani nni ke n nani.

Pisomi 26:1

Dafidi yanbu. Li Miali Diedo, jia ti buudi ki saa npo i moamoani Kelima n cuoni mi *teginma nni. N bili n dugidi fini Li Miali Diedo kani, Ki se ke li pa.

Pisomi 37:37

Yaa kpaagi o papiendaano, Ki yaa diidi yua n tiegi, Yua n lingi mi yanduanma yema baa faa ki yaa mani opo.

Pisomi 41:12

Diidi lan baa gaa maama min bandi ke a bua nni: Ŋan da tuo n yibali n mangi o pali Kelima o paadi nni po.

Mi Kpanjama 11:8

O niteginka yen ña fala nni. O nibiado n ga o kaanu.

Mi Kpanjama 13:6

Mi *teginma kubi yua n ŋua yaa sanu n tiegi, Mi biadima mo guliti ti *tuonbiadi danba.

Mi Kpanjama 14:2

Yua n cuoni leni mi *teginma fangi Li Miali Diedo. Ama yua n cuoni leni mi golinma fali o.

Mi Kpanjama 15:8

Li Miali Diedo nani bi nibiadiba n padi yaa pada, Ama o pali mani bi niteginkaaba jaandi po.

Mi Kpanjama 16:17

Bi niteginkaaba sanu loagidi mi biadima, Yua n faami o bontienkaala po baa kubi o miali.

Jan n diani U Tienu Laabaaliŋamo maama 9:3

Jesu den goa ki yedi ba: «Laa tie kelima wani oba bi o danba n tieni ti tuonbiadi, ama li tie ke U Tienu tuonli n doagidi o niinni.

Filipi 3:12

Laa tie ke moala n baa i panpaani no ka, bi ke n ŋanbi ki dagidi cain no ka. Ama n suagi ki tiini ke min fidi ki cuo n nuama panpaani, kelima Jesu Kilisiti den cuo nni lani yaa po.

Jaki 1:12

Li pamanli ye leni yua n fidi ki juuni mi biigima nni. Kelima bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 1:7

Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa den laa fala u yogunu waamu po. Wani oba n baa ŋanbi yi cain, ki teni yin yaa se bonŋanla, ki paagi yi pala ke liba kuli kan fidi ki lengidi yi.