Jobi 1:1 - Gourmanchéma Bible

¹ O ja den ye Utisi diema nni ke bi yi o Joba. Laa ja den tie papiendaano ki go tiegi mo. O den fangi U Tienu kaa tiendi yaala n bia.

U TIENU MAAMA TILI 2013

¹ O joa den ye Utisi diema nni, ke bi yi o Jobi. Laa joa den tie papiendaano, ki go tiegi mo. O den fangi U Tienu, kaa tiendi yaala n bia.

Jobi 1:1 ပူးပေါင်းရင်းမြစ်များ

Mi cilima 10:23

Alama mo yaa bijaba den tie Utisi, Hula, Getela leni Masa.

Mi cilima 17:1

Abalama n den pia piiyia n bina yia yaa yogunu, Li Miali Diedo den doagidi Abalama kani ki yedi o: «N tie U Tienu U Paaciamu Kuli Daano. Ŋan yaa cuoni n nintuali ki tiegi,

Mi cilima 22:12

Maleki den yedi o: «Ŋan da sii o jawaalo yeni, ŋan da tieni o bonbiadiliba kuli kelima n bani moala ke a fangi U Tienu ke ŋaa yie ki baa pa nni a bijayenyendo.»

Mi cilima 36:28

Bine mo n tie Disana yaa bijaba, Utisi leni Alana.

Mi cilima 42:18

Li dataali daali Josefi den yedi ba: «Tieni mani min baa waani yi yaala, lani yi baa ye. N jie U Tienu.

Mi cilima 6:9

Mine n tie Nowe yaa yaabila yaa maama. Nowe den tie o niteginka leni papiendaano laa yogunu niba siiga kuli. Nowe den cuoni leni U Tienu.

2 Bi Badiba 20:3

«Li Miali Diedo, gbadi npo mi niñima. Ŋan tiadi ke n cuoni a nintuali leni mi *teginma leni papienli. Ŋan tiadi ke n tieni yaala n mani apo.» Lani yaa puoli o den mua boncianla.

1 Bi Badiba Jama 1:17

Sema yaa bijaba n den tie bine: Elami, Asula, Alipakisadi, Luda leni Alama, Utisi, Hula, Getela leni Meseki.

1 Bi Badiba Jama 1:42

Etiseli bijaba n tie: Bilihana, Saafana leni Yaakana. Disana mo yaa bijaba n tie Utisi leni Alana.

Jobi 1:8

Li Miali Diedo den yedi Sutaani: «A nan ko laa n naacemo Joba? Waa pia kuli o lie ki tinga nni. O tie papiendaano ki go tiegi mo. O fangi U Tienu waa tiendi kuli yaala n bia mo.»

Jobi 2:3

Li Miali Diedo den yedi Sutaani: «A nan ko laa n naacemo Joba? Waa pia o lie kuli ki tinga nni. O tie papiendaano ki go tiegi mo. O fangi U Tienu, o naa tiendi yaala n bia. Baa ke a tigini nni min bolini o, o baa ki se o papienli nni.»

Jobi 28:28

Li yaa puoli, o den yedi o nisaalo: «Diidi Li Miali Diedo fangili n tie mi yama, Ki foagidi leni mi biadima, Lani n tie mi yanfuoma.»

Jobi 4:6

Naani a fangili U Tienu po ka tie a jigi? Naani a suginma ki tie ŋan cuoni leni li papienli yeni kaa?

Jobi 9:21

Naani n tie papiendaano? Baa mini nba ki go bani cain. N fali n miali yema.

Mi Ñama 18:21

Ŋan gandi bi niba siiga bi yanfodanba yaaba n jie U Tienu ki bua i moamoani ki nani li suuli. Ŋan dini ba li bali ke ban tua niba tudilitudili yudanba leni niba kobigakobiga yudanba leni niba piimumuu yudanba leni niba piigapiiga yudanba.

Mi Kpanjama 14:16

O yanfodaano jie li bonbiadila ki foagidi leni la. Ama o yanluodaano jaligi ki tieni li bonla kelima waa pia wan jie yaala.

Mi Kpanjama 14:2

Yua n cuoni leni mi *teginma fangi Li Miali Diedo. Ama yua n cuoni leni mi golinma fali o.

Mi Kpanjama 16:17

Bi niteginkaaba sanu loagidi mi biadima, Yua n faami o bontienkaala po baa kubi o miali.

Mi Kpanjama 16:6

I moamoani leni mi buama teni ke i tagili gbeni, Li Miali Diedo fangili po teni ke o nilo foagidi leni mi biadima.

Mi Kpanjama 20:7

O niteginka cuoni o *teginma nni, Li pamanli faadi ki ye o bijaba po!

Mi Kpanjama 3:7

Da yini a yuli yanfodaano, yaa fangi Li Miali Diedo, Ki foagidi leni yaala n bia.

Mi Kpanjama 8:13

Yua n fangi Li Miali Diedo baa yaa nani mi biadima, Mini mi yanfuoma, n nani ti japaadi leni li yusieli, Leni yaa ñoabu n maadi yaa maama n bia.

Jeremi 25:20

nintuali po kuli, Utisi badiba kuli, Filisiti diema badiba kuli, Asikaloni, Gasa, Ekiloni leni yaaba n sieni Asidodi,

Jeremi Bubula 4:21

Edomi diema poŋamo, suagi ki yaa mangidi a pali, Fini yua n kaa Utisi diema nni. A moko baa mubini ki tadiñokaaga Ki ño ki gaadi, Ki sedi mubili.

Esekieli 14:14

Baa yaa nitaadiba n yene: Nowe, Danieli leni Joba yaa ye laa diema nni, bi baa faabi bi yaa miana bebe kelima bi*teginma po. Mini o Diedo, Li Miali Diedo n yedi yeni.

Esekieli 14:20

Baa Nowe leni Danieli leni Joba yaa ye mi niinni, bi baa faabi bi yucela bebe kelima bi teginma po. Ama bi kan fidi ki faabi baa bi bijaba bi bisiaba. Mini o Diedo, Li Miali Diedo yua n fo n yedi yeni.»

Luki 1:6

Bani bonba lie yeni kuli den tiegi U Tienu nintuali. Bi den ŋua o Diedo *balimaama leni o mabilikaama kuli cain kaa pia tagili.

Mi Tiadima 18:13

Yi baa gagidi ki yaa ŋani cain Li Miali Diedo yi Tienu po.

Jaki 5:11

Diidi mani, ti tua ke li pamancianli ye leni yaaba n laa fala ki go den juuni lienni. Yi gbadi Joba n den pia yaa juunli leni o Diedo n den yuandi ki puni o yaala o juodima yogunu. Kelima o Diedo pia mi niñingbadima ki go pia li *ŋanbili boncianla.

1 Pieri 3:11

Wan foagidi leni yaala n bia ki yaa tiendi yaala n ŋani, Ki lingi mi yanduanma ki yaa ŋua ma.