Jan n diani U Tienu Laabaaliŋamo maama 7:17 - Gourmanchéma Bible

¹⁷ O nilo yaa bua ki tieni U Tienu yanbuama baa bandi n bangima yaa ñani U Tienu kani, yaaka n yaa maadi n yuli po.

U TIENU MAAMA TILI 2013

¹⁷ O nilo yaa bua ki tieni U Tienu yanbuama, o baa bandi n bangima yaa ñani U Tienu kani, bi n yaa maadi n yuli po yo.

Jan n diani U Tienu Laabaaliŋamo maama 7:17 ပူးပေါင်းရင်းမြစ်များ

Pisomi 119:10

N lingi a leni a pali kuli, Da teni min jadi ki ŋa a balimaama.

Pisomi 25:12

Ŋme n pia li fangili Li Miali Diedo po? Li Miali Diedo baa waani o wan baa gandi yaa sanu.

Pisomi 25:14

Li Miali Diedo pali ŋasiili tie yaaba n fangi o po yo. O baa teni ban bandi o ŋantaado.

Mi Kpanjama 28:5

Bi nibiadiba ki bani mi *teginma n bua ki yedi yaala, Ama yaaba n lingi Li Miali Diedo wani bani likuli.

Mi Kpanjama 3:32

Kelima Li Miali Diedo nani bi nibiadiba, ama o danli leni bi niteginkaaba.

Esayi 35:8

U sanu baa yaa ye likani, Bi baa yaa yi li sanu: «Yaa sanu n gagidi ki ŋani.» Yaa nilo n *joagini kuli kan poandi likani. U baa yaa tie bani bebe yaa po yo Baa bi yanluodanba yaa tagini u, bi kan bodi.

Danieli 12:10

Bi niba boncianla baa ŋuudi ki pendi paipai ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima, bi siiga nni oba kuli kan ga liba, ama yaaba n pia mi yanfuoma baa ga.

Ose Tili 6:3

Tin bandi mani Li Miali Diedo, Tin moandi mani ki bandi o. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yeni. O baa cua nani ki taludikaaga yeni, Nani a tañinbaana taaga n yen cua Ki kuugi ki tinga maama yeni.»

Mise 4:2

I nilanbuoli boncianla baa caa likani ki tua biyaba: «Cua mani tin do Li Miali Diedo juali yuli po, Wani Jakobo Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyono po yo ke li *bali maama baa ña, Li Miali Diedo maama baa ña Jelusalema.

Matie 6:22

Bu nunbu tie ti gbanandi fidisanga. Lanwani a nunbu yaa ŋani, a gbanandi kuli baa yieni bonŋanla,

Luki 8:15

Yaa bonbi n baa ki tinŋanga nni mo tie yaaba n gbadi mi maama ki ga ma yaa pala n tiegi ki ŋani nni ki kpaagi mipo ki kubi ma bonŋanla, ki juuni ki ban loni li bonluonkaala.

Jan n diani U Tienu Laabaaliŋamo maama 3:21

Ama yua n tiendi i moamoani n bili yaala kpendi mi yenma kani, ke lan doagidi ke wan tiendi yaala tie U Tienu n bili yaala.»

Jan n diani U Tienu Laabaaliŋamo maama 8:43

Be yaa po ke yii gbadi min maadi yaa maama? Li tie kelima yii fidi ki ga min yedi yaala.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuama. O tie nikpalo hali mi cilima, waa ye i moamoani nni kelima i moamoani ki ye o niinni. O yaa pua mi faama, o maadi nani wani oba yantiali n tie maama, kelima o tie o tuofaadaano ki go tie mi faama kuli yaa baa.

Jan n diani U Tienu Laabaaliŋamo maama 8:47

Yaa nilo n tie U Tienu yua kuli cengi wani U Tienu maama, yin kaa cengi yeni, li tie kelima yii tie U Tienu yaa yaabe.»

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesalonika yaaba. Bi den kuani bi yama ki ga U Tienu maama, ki lingilingi daali kuli i Diani nni ki baa le ban wangi ba yaala yaa tie moamoani.