Jan n diani U Tienu Laabaaliŋamo maama 7:15 - Gourmanchéma Bible

¹⁵ Li den paki Jufinba ke bi tua: «O naa nilo ga lede ki bandi i Diani maama fuuli, wani yua kaa kua li cogu?»

U TIENU MAAMA TILI 2013

¹⁵ Li den paki Jufinba, ke bi tua: «O naa nilo gaa lede ki bandi i Diani maama fuuli, wani yua n kaa kua li cogu?»

Jan n diani U Tienu Laabaaliŋamo maama 7:15 ပူးပေါင်းရင်းမြစ်များ

Esayi 29:12

Bi nani ban baa taa li tili ki teni Yua n ki bani u cogu ki yedi o: «Cogi line!» Ke o mo goa ki yedi: «Mii bani cogu.»

Matie 13:54

ki guani o dandogu nni. O den kua ki bangi li *bali maama bangima dieli nni. Li den paki yaaba n den gbadi o maama kuli ke bi den tua: «One mo baa mi naa yanfuoma leni mi naa bancianma kuli le?

Matie 22:22

Ban den gbadi o maguankaama, li pakili den cuo ba ke bi den fii ki ñani o kani ki ban caa.

Matie 22:33

Ku niligu den gbadi Jesu bangima ke li paki ba.

Luki 2:47

Li den paki yaaba n gba o maama kuli kelima o yanfuoma leni o maguankaama po.

Luki 4:22

Bikuli den tiendi opo siedi ki pagi o leni wan maadi yaa maŋanma, ki nua o leni li pakili. Bi den tua: «Laa tie Josefi bijua kaa?»

Jan n diani U Tienu Laabaaliŋamo maama 1:19

Line n tie Jan n den tieni yaa siedi: Jufinba yaaba n ye Jelusalema den soani bi kopadicianba leni Lefi buolu yaaba Jan kani ki buali o: «A tie ŋme?»

Jan n diani U Tienu Laabaaliŋamo maama 7:11

Jufinba den lingi o mi jaanma nni ki tua: «O ye le?»

Jan n diani U Tienu Laabaaliŋamo maama 7:13

Ama oba ki den maadi o maama ke bi niba gba kelima bi den jie Jufinba.

Jan n diani U Tienu Laabaaliŋamo maama 7:46

Bi jiidikaaba den goa ki yedi ba: «Nisaaloba kuli ki maadi nani laa ja n maadi maama.»

Jesu Tondiba Tuona 26:24

Polo n den maadi yeni ki baa ga o yuli, Fesitusa den kpaani ki yedi: «Polo, a gaadi, a cogiciamu teni ke a gaadi.»

Jesu Tondiba Tuona 4:13

Bi *cancannikpeliba yeni n den laa Pieli leni Jan n pia yaa papaali, li den paki ba kelima bi bani ke bi tie taliginba kaa kua cogu. Bi den bandi ke bi tie yaaba n den taa ki ye leni Jesu.

1 Samueli 10:11

Yaaba n den kpa bani o kuli n den laa ke o taani leni bi sawalipuaba ki pua sawali, bi den yedi biyaba: «Be n tieni Kisi bijua? Naani wani Sayula moko tie bi sawalipuaba siiga yua yoo?»