Jan n diani U Tienu Laabaaliŋamo maama 7:14 - Gourmanchéma Bible

¹⁴ Mi jaanma dana yeni siiga Jesu den gedi U Tienu diegu nni ki bangi bi niba.

U TIENU MAAMA TILI 2013

¹⁴ Mi jaanma dana yeni siiga, Jesu den kua U Tienu diegu nni ki bangi bi niba.

Jan n diani U Tienu Laabaaliŋamo maama 7:14 ပူးပေါင်းရင်းမြစ်များ

Malaki 3:1

U Paaciamu Kuli Daano n guani yi yaala tie line: «N baa soani n tondo, Ke wan kua liiga ki ŋanbi npo u sanu. Laa yogunu, yin lingi o Diedo yua yeni Baa ludi ki cua o diegu nni. Yin guu yaa tondo yeni baa yaa wangi Min den kuani leni yi yaa *ŋantaado, Diidi mani, o kpendi na.»

Mi Coadima 29:17

Mi jaanma daleleeli daali, yi baa padi piiga n naatonbila lie, petona lie leni piiga n pebila naa ya n pia binli binli kaa pia poadi.

Mi Coadima 29:20

Mi jaanma dataali daali, yi baa padi piiga n naatonyenli, petona lie leni piiga n pebila naa, ya n pia binli binli kaa pia poadi.

Matie 21:12

Jesu den kua U Tienu diegu nni ki deli ki ñani yaaba n kuadi leni yaaba n da lienni kuli, ki tudi ki luni bi ligilebidiba kpagidi leni a kpaajekuada bonkalikaala.

Matie 26:55

Laa yogunu Jesu den yedi ku niligu: «Yi cua ki kukubi mu jugisiemu leni i gbiami nani yi lingi o sanjialo yeni ki baa cuo nni. N den ka U Tienu diegu nni daali kuli, ki bangi U Tienu maama, ama yii den cuo nni.

Luki 19:47

Daali kuli Jesu den bangi bi niba U Tienu diegu nni. Bi kopadicianba yudanba leni li *bali maama bangikaaba leni bi yudanba den lingi ki baa kpa o.

Jan n diani U Tienu Laabaaliŋamo maama 18:20

Jesu den goa ki yedi o: «N den maadi asala nni ke bi niba kuli gba. Yogunu kuli n maadi li *bali maama bangima diena nni leni U Tienu diegu nni kuli, Jufinba kuli n yen taagi naankani. Mii den wuoni ki maadi liba kuli.

Jan n diani U Tienu Laabaaliŋamo maama 5:14

Lan den yen waamu Jesu den tuogi o U Tienu diegu nni ki yedi o: «Diidi ki le, a baa laafia, ŋan da go tieni *tuonbiadi, ke yaala n bia ki cie line n da cuo ŋa.»

Jan n diani U Tienu Laabaaliŋamo maama 7:2

Jufinba jaanma yaama n yi a *suga jaanma den kuli.

Jan n diani U Tienu Laabaaliŋamo maama 7:28

Lani yaa po Jesu n den bangi ba U Tienu diegu nni, o den kpaani: «Yi bani nni, ki bani min ñani naani. Mii cua n yuceli cuama ka. Yua n soani nni tie o moamoandaano. Yii bani o.

Jan n diani U Tienu Laabaaliŋamo maama 7:37

Laa jaanma juodidaali, lani n tie mi jaanma dacianli, Jesu den se ki kpaani: «U ñunñuunu n pia yua kuli, wan cua n kani ki ño.

Jan n diani U Tienu Laabaaliŋamo maama 8:2

Ku tiŋaapanpangu o go den guani U Tienu diegu nni ke bi niba kuli den cua o kani ke o kali ki bangi ba.

Jan n diani U Tienu Laabaaliŋamo maama 8:20

Jesu den maadi laa maama ki ku ban den biliti ŋalimani naankani, wan den bangi bi niba U Tienu diegu nni yaa yogunu. Oba kuli ki den cuo o kelima o yogunu daa pundi.