Jan n diani U Tienu Laabaaliŋamo maama 6:70 - Gourmanchéma Bible

⁷⁰ Jesu den goa ki yedi ba: «Naani mini ka den gandi yinba bi piiga n niliediba te? Ama yi siiga nni yendo tie cicibiadiga.»

U TIENU MAAMA TILI 2013

⁷⁰ Jesu den guani ki yedi ba: «Naani mini ka den gandi yinba bi piiga n niliediba? Ama yi siiga nni yendo tie cicibiadiga.»

Jan n diani U Tienu Laabaaliŋamo maama 6:70 ပူးပေါင်းရင်းမြစ်များ

Jan n diani U Tienu Laabaaliŋamo maama 13:18

Mii maadi yeni ki baa yikuli ka. N bani min gandi yaaba. Ama tiladi li baa tieni nani lan diani i Diani nni maama na: ‹Yua n taa ki di leni nni lugidi nni u danbu.›

Jan n diani U Tienu Laabaaliŋamo maama 13:2

Jesu leni o ŋoadikaaba den dini mi yenjojiema. Li sua ke Sutaani den kuani Simono Isikalioto bijua Judasa pali nni no, ke wan janbi Jesu.

Jan n diani U Tienu Laabaaliŋamo maama 13:21

Jesu n den maadi yeni o yama den yagi. O den kadi ki yedi: «N yedi yi i moamoani ke yi siiga yendo baa janbi nni.»

Jan n diani U Tienu Laabaaliŋamo maama 13:27

Jesu n den teni o li yaa yogunu liga, Sutaani den kua o pali nni. Jesu den yedi o: «Ŋan baa tieni yaala, tieni li tontoni.»

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 15:19

Ŋanduna bi baa bua yi yi yaa bi tie o yaaba, ama kelima yii tie ŋanduna yaa yaaba, ke n go gandi yi ki paadi leni ŋanduna, lani yaa po ŋanduna yaaba nani yi.

Jan n diani U Tienu Laabaaliŋamo maama 17:12

Min den ye leni ba, n den kubi ba kelima a yeli paalu po, ŋan puni nni yaa yeli yeni po. N den kubi ba ke bi siiga baa yendo ki bodi kali yua n den baa bodi yaaka, ke i Diani n yedi yaala n tieni.

Jan n diani U Tienu Laabaaliŋamo maama 2:2

Bi den yini Jesu leni o ŋoadikaaba moko ban cua li pocaali yeni.

Jan n diani U Tienu Laabaaliŋamo maama 20:24

Toma, ban go yi yua ku Poligu yua n tie bi piiga n niliediba siiga nni yua, naa den ye leni ba Jesu n cua bikani yaa yogunu.

Jan n diani U Tienu Laabaaliŋamo maama 6:64

Ama yi siiga nni nitianba ki tuo ki ŋoadi ma.» Jesu den yedi yeni kelima o den bani hali mi cilima yaaba n ki daani o, leni yua n baa janbi o n tie yua.

Jan n diani U Tienu Laabaaliŋamo maama 6:67

Jesu den buali bi piiga n niliediba: «Yi moko bua ki ŋa nni ki gedi yoo?»

Jan n diani U Tienu Laabaaliŋamo maama 6:71

O den baa Judasa Isikalioto, Simono bijua, kelima baa ke wani Judasa n den tie bi piiga n niliediba siiga nni yua, o den baa janbi o.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuama. O tie nikpalo hali mi cilima, waa ye i moamoani nni kelima i moamoani ki ye o niinni. O yaa pua mi faama, o maadi nani wani oba yantiali n tie maama, kelima o tie o tuofaadaano ki go tie mi faama kuli yaa baa.

Jesu Tondiba Tuona 1:17

Judasa den tie ti siiga yua ki taa leni ti tuonyenli.

Jesu Tondiba Tuona 13:10

ki yedi o: «Fini yua n gbie leni bu nunfanbiadibu kuli leni i janbi buoli kuli, ki tie Sutaani bijua, ki tie mi *teginma kuli yibali, a kan cedi ki da go moandi ke a baa golini o Diedo yanjaga?

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

Titi 2:3

Ŋan go yaa wangi a pociana ke bi tagi n yaa tuugi leni mi gagidiŋanma, ban da tie tuotabigu danba, yaaka dañogaada. Ama li pundi ban yaa bangi yaala n ŋani,

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.