Jan n diani U Tienu Laabaaliŋamo maama 6:6 - Gourmanchéma Bible

⁶ O den yedi yeni ki bua ki biigi o. Wani oba den bani wan baa tieni yaala.

U TIENU MAAMA TILI 2013

⁶ O den yedi yeni ki bua ki biigi o. Wani o ba den bani wan baa tieni yaala.

Jan n diani U Tienu Laabaaliŋamo maama 6:6 ပူးပေါင်းရင်းမြစ်များ

Mi cilima 22:1

Laa bonla n den pendi, U Tienu den biigi Abalahama ki yini o ki yedi o: «Abalahama!» O den goa yedi o: «Mini n na.»

2 Bi Badiba Jama 32:31

Li tie lani yaa po ke Babilona badibaanba n den soani o kani a tonda ke ban bandi yaa bancianma n den tieni o diema nni, U Tienu den ŋa o ki biigi o ki bandi yaala n den ye o pali nni.

2 Korenti 13:5

Yinba yiba, yin kpaagikpaagi ki le yi yaa ye li *dandanli nni. Biigi mani yi yula yiba. Naani yii bani ke Jesu Kilisiti ye yi niinni yoo? Li yaa tie ke yi biigi yi yula, yi baa sua ke yi poadi.

Mi Tiadima 13:3

ke laa bonla tieni ke o nan maadi leni yi ki yedi: ‹Tin ŋoadi mani i *buli, yin kaa bani yaa buli yeni po ki kpiagi yi!›

Mi Tiadima 33:8

Lefi buolu po o den yedi: A den teni yua n tie *nidugika Tumima leni *Ulima Ŋan den biigi yua Masa kani, Leni ŋan den funi leni yua Meliba ñima kani yeni.

Mi Tiadima 8:16

O den teni ke yi dini mi fanpienma nni mana, yi yaajanba n ki den bandi yaala, ke wan faligi yi, ki biigi yi, ki nan yuandi ki tieni yipo li *ŋanbili.

Mi Tiadima 8:2

Yi baa tiadi Li Miali Diedo yi Tienu n den teni ke yi cuoni yaa cenli bina piinaa mi fanpienma nni kuli kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama bi yi yaa kan kubi ma.

Mi Doagidima 2:2

‹N bani a bontienkaala, leni a tuonfala, leni a juunli. N bani ke a kan tuo bi nibiadiba po. A den biigi yaaba n tua ke bi tie tondiba ki naa tie yeni, ki sua ke bi tie tuofaadanba.