Jan n diani U Tienu Laabaaliŋamo maama 6:40 - Gourmanchéma Bible

⁴⁰ N Baa yanbuama go tie line, ke yua n nuali Bijua ki daani o kuli n baa yaa miali n kan gbeni, ke min fiini o bi tinkpiba siiga li juodidaali.»

U TIENU MAAMA TILI 2013

⁴⁰ N Baa yanbuama go tie line, ke yua n nuali Bijua ki daani o kuli, n baa yaa miali n kan gbeni, ke min fiini o bi tinkpiba siiga, li juodidaali.»

Jan n diani U Tienu Laabaaliŋamo maama 6:40 ပူးပေါင်းရင်းမြစ်များ

Esayi 52:10

Li Miali Diedo yugidi o buagu yaagu n Gagidi ki ŋani Ke diema kuli n le gu. I tinbiani kuli yaaba baa le Ti Tienu faabima.

Esayi 53:2

O den kpedi o nintuali nani li benkpeli yeni, Nani yaa jiinu n pudi ki tinkuoga nni yeni Waa den pia bugima, bi ŋamuba Hali ke ti baa bua ki diidi o. Wan naani maama mo ki den tie tin baa bua ki ñuadi yaala.

Mi Coadima 21:9

Musa den duadi ti kumoandi wa ki joani o ku dafoagidigu po. Wa n den ñidi yua kuli ke o yaadi ki diidi ti kumoandi wa yeni, o yen ciadi.

Matie 10:15

N waani yi i moamoani, ti buudi daali Sodoma leni *Gomola yaaba yaa fala kan pundi laa dogu yaaba yaa fala.

Matie 25:46

Bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Marki 16:16

Yua n tuo ki daani ki go *batisi kuli baa tindi. Ama yua n ki daani, bi baa jia leni ti buudi ki cuo o.

Luki 2:30

Kelima n nuni laa Ŋan soani tipo yaa *faabima,

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 10:28

N puuni ba yaa miali n kan gbeni. Bi kan bodi hali abada, oba kuli kan fie baa n nuu nni mo.

Jan n diani U Tienu Laabaaliŋamo maama 11:24

Malata den goa ki yedi o: «N bani ke o baa fii bi tinkpiba kuli n baa fii ŋanduna juodima daali yaa fiima.»

Jan n diani U Tienu Laabaaliŋamo maama 11:25

Jesu den yedi o: «Mini n tie bi tinkpiba fiima, leni li miali. Yua n daani nni, baa o yaa kpe, o baa fo.

Jan n diani U Tienu Laabaaliŋamo maama 12:45

Yua n nua nni laa yua n soani nni.

Jan n diani U Tienu Laabaaliŋamo maama 12:50

N bani ke o mabilikaama yeni tie yaa miali n kan gbeni. Lani yaa po min maadi yaa maama kuli tie Baa n waani nni min maadi yaama.»

Jan n diani U Tienu Laabaaliŋamo maama 14:17

wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 14:19

Li yaa go pugini waamu, ŋanduna kan go le nni. Ama yinba wani, yi baa le nni kelima n fo ki ye, yi mo baa fo ki ye.

Jan n diani U Tienu Laabaaliŋamo maama 17:2

Kelima a dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 3:36

Yua n tuo ki daani Bijua kuli pia yaa miali n kan gbeni. Ama yua kaa tuo ki daani Bijua, o kan le laa miali. U Tienu pabienli bebe n baa sedi o yuli po.»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 5:24

N yedi yi i moamoani, yua n cengi n maama, ki daani yua n soani nni, pia yaa miali n kan gbeni. O kan cua ti buudi po, ama o ñani mi kuuma nni ki kua li miali nni.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 6:39

Yua n soani nni yanbuama yeni tie line: Min da biani wan puni nni yaa niba kuli siiga baa niyendo, ama ke min fiini ba bi tinkpiba siiga li juodidaali.

Jan n diani U Tienu Laabaaliŋamo maama 6:44

Oba kuli kan fidi ki cua n kani, li yaa tie Baa yua n soani nni n dadi yua yaa yama yaaka. Yua n cua n kani yeni, n baa fiini o bi tinkpiba siiga li juodidaali.

Jan n diani U Tienu Laabaaliŋamo maama 6:54

Yua n ŋmani n gbanandi ki ñuni n soama kuli pia yaa miali n kan gbeni. N baa fiini o bi tinkpiba siiga li juodidaali.

Jan n diani U Tienu Laabaaliŋamo maama 8:56

Yi baa Abalahama den mangi o pali boncianla ke o baa le n daali. O den laa li ke li mangi o.»

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, li go tie yeni, U Tienu ŋanbili mo die bi niba kelima wani U Tienu puni baa li moamoansaali, ki caani ba yaa miali n kan gbeni po kelima ti Diedo Jesu Kilisiti yaa po.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Hebilunba 11:1

Li *dandanli tie ke o nilo bani cain ke o pia wan sugini ki baa yaala, ki go tie wan kaa nua yaala yaa doagidima.

Hebilunba 11:27

Li tie kelima li dandanli yaa po ke o den fii ki ñani Ejipiti nni, kaa jie o bado pabienli. O den juuni ki se ke li pa, kelima o nua oba kuli n ki nua yua.

1 Pieri 1:8

Baa ke yi daa laa o, yi bua o. Baa ke moala yii nua o, yi daani o, ki pia yaa pamancianli n pia ti kpiagidi, ki pendi bu ñoabu yedima,

1 Jan 2:25

Wani n niani ti yaala tie yaa miali n kan gbeni.

Jude 1:21

Yin yaa kubi mani yi yula U Tienu buama nni, ki gu ti Diedo Jesu Kilisiti n pa yi yaa miali n kan gbeni kelima o niñingbadima po.