Jan n diani U Tienu Laabaaliŋamo maama 6:12 - Gourmanchéma Bible

¹² Ban den dini ki guo, o den yedi o ŋoadikaaba: «Gandigandi mani yaa boncaba n sieni, ke liba n da bia.»

U TIENU MAAMA TILI 2013

¹² Ban den dini ki guo, o den yedi o ŋoadikaaba: «Gandi gandi mani yaa boncaba n sieni, ke liba n da bia.»

Jan n diani U Tienu Laabaaliŋamo maama 6:12 ပူးပေါင်းရင်းမြစ်များ

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki teni yaaba n kaa pia, kelima dinla tie yaa daali n gagidi ti Diedo po. Da boandi mani yi pala kelima Li Miali Diedo n puuni yaa pamanli tie yi fidu.»

Nehemi 9:25

Bi den diedi i bilini n lindi ki cebini yaa dogi Leni mu tinŋanmu Leni yaa diedi n gbie leni mi piama Leni ban gbiidi yaa caana Leni i duven tiidi leni *olifie Leni i tilondi boncianla. Bi den dini ki guo, Bi den gbengidi Ki ye mi yemancianma nni Kelima a ŋanbicianli po.

Mi Kpanjama 18:9

Yua n tuuni li tuonli ki yoaligidi o buadi, Tie yua n bolindi yaa kpiilo yo.

Luki 1:53

O guoni a konkonba li bonŋanla, Ki cabi a piada u nukuomu.

Luki 15:13

Lan tieni dana waamu o bonwaalo den taa o yaa biinu kuli ki gedi yaa diema n foagi. O den biani o yaa faali kuli kelima o bibiadima po.

Luki 16:1

Jesu go den yedi o ŋoadikaaba: «O piado den ye ki pia o ŋalimankubilo ke bi ti cua o kani ki kuli o ŋalimankubilo yeni ke o biandi o piama.

Luki 9:17

Yua kuli den dini ki guo. Bi den wodi ban dini ki sieni yaala ki gbieni piiga n baabuodi lie leni a boncaba.

Jan n diani U Tienu Laabaaliŋamo maama 2:2

Bi den yini Jesu leni o ŋoadikaaba moko ban cua li pocaali yeni.