Jan n diani U Tienu Laabaaliŋamo maama 5:39 - Gourmanchéma Bible

³⁹ Yi cogi ki kpaagi i Diani po bonŋanla kelima yi tama ke yi baa baa yaa miali n kan gbeni lienni. Laa Diani n tiendi npo siedi.

U TIENU MAAMA TILI 2013

³⁹ Yi cogi ki kpaagi i Diani po bonŋanla, kelima yi tama ke yi baa baa yaa miali n kan gbeni lienni. Laa Diani n tiendi n po siedi.

Jan n diani U Tienu Laabaaliŋamo maama 5:39 ပူးပေါင်းရင်းမြစ်များ

Pisomi 1:2

Ama o mangidi o pali Li Miali Diedo *bali maama nni, Ki cogi laa bali maama ki go kpaagi mipo u yensiinu leni ku ñiagu.

Pisomi 119:11

N kubi a maama n pali nni Ke min da tieni apo ti *tuonbiadi.

Pisomi 133:3

Li tie nani Helimoni joacianli mangu Yaagu n jii Siyono juana po. Kelima lankane ke Li Miali Diedo puuni o seli Leni li miali yaa yogunu kuli po.

Pisomi 16:11

A baa teni min bandi li miali sanu, Li pamanli yaba a nintuali, Yaa pamanli n kan gbeni ye a jienu.

Pisomi 21:4

Kelima a kpendi o nintuali leni yaa sela n ŋani bonŋanla. A cibini o yaa badifogiliga n tie wulamoano.

Pisomi 36:9

Bi dini a diegu nni jemanma ki guo. A teni ke bi ñu a ŋanbili kpenu kani.

Mi Kpanjama 6:23

Kelima li ñoabonbilikaali tie nani ki fidisanga yeni, mi bangima mo nani mi yenma yeni, tundifala mo tie li miali sanu.

Esayi 34:16

Cogi mani Li Miali Diedo tili ki le, Baa bonyendo yaa baa poadi lienni. Oba kan yagi o yama o lielo po Kelima Li Miali Diedo ñoabu n yedi yeni, O Fuoma mo n taani ba.

Esayi 8:20

Guani mani li *bali maama leni siedi kani. Bi yaa tieni yeni, suginmaba kan yaa ye bi niba po.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Danieli 12:2

Yaaba n goa a kula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Matie 22:29

Jesu den goa ki yedi ba: «Yi tudi kelima yii bani i Diani, yii bani U Tienu paaciamu mo.

Marki 10:3

O mo den buali ba: «Musa den bili yipo lede?»

Marki 12:10

Naani yii cogi i Diani nni yaa maama n tie na yoo? Bi tanmaaba n den yie ki luni yaa tanli Tua li tanpuuli tanjigi.

Luki 16:29

Abalahama den goa ki yedi o: ‹A waamu pia Musa leni bi sawalipuaba kuli, ban cengi ba.›

Luki 16:31

Abalahama den goa ki yedi o: ‹Bi yaa yie kaa baa cengi Musa leni bi sawalipuaba, baa o nilo yaa fii bi tinkpiba siiga ki gedi bikani, bi kan cengi o.› »

Luki 24:25

Lani Jesu den yedi ba: «Yinba bi yanpiidanba na, yaaba n ki jaligi ki baa daani bi sawalipuaba n den yedi yaala kuli po.

Luki 24:27

Lani Jesu den cili leni Musa yaa maama ki pundi bi sawalipuaba yaa maama ki bundi bipo i Diani nni kuli yaala n den maadi o yaa po.

Luki 24:44

Lani o den yedi ba: «Line n tie min da den ye leni yi ki wangi yi yaala, ke li tie tiladi ke yaala n diani ki bili npo Musa *bali maama nni leni bi sawalipuaba tila nni leni Pisominba tila nni kuli n tieni ki dudi.»

Jan n diani U Tienu Laabaaliŋamo maama 1:45

Filipi den tuogi Nataneli ki yedi o: «Ti laa ban maadi yua yaa maama Musa n den diani yua yaa po li bali maama nni, leni bi sawalipuaba n den diani yua po lani n tie Nasaleti yua Jesu Josefi bijua.»

Jan n diani U Tienu Laabaaliŋamo maama 5:32

Toa ye, yua n tiendi npo siedi. N bani ke wani n tiendi npo yaa siedi tie moamoani.

Jan n diani U Tienu Laabaaliŋamo maama 5:36

Ama n pia yaa siedi n cie Jan n den tieni npo yaa siedi. Lani n tie min tuuni yaa tuona na, Baa n den puogi nni ke min yaa tuuni yaa ki dudi yeni. Laa tuona n tieni npo siedi ke Baa soani nni.

Jan n diani U Tienu Laabaaliŋamo maama 5:40

Baa yeni, yii bua ki cua n kani ki baa li miali.

Jan n diani U Tienu Laabaaliŋamo maama 5:46

Kelima yi yaa den daani Musa maama po, yi bi den baa daani n yaa maama moko. Kelima wan den diani yaa maama yeni maadi mini yaa maame.

Jan n diani U Tienu Laabaaliŋamo maama 7:52

Bi den yedi o: «Naani a moko tie Galile yua yoo? Ŋan lingi i Diani nni, a kan le ke sawalipualoba ñani Galile.» [

Jesu Tondiba Tuona 13:27

Jelusalema dotieba leni bi yudanba naa den bandi Jesu n tie yua, baa go den ga bi sawalipuaba maama, ban maani ki cogi yaama mi fuodima daali kuli moko. Ban den jia Jesu buudi bi den kuani laa maama n den yedi yaala ki dudi.

Jesu Tondiba Tuona 17:11

Yaa Jufinba n ye laa dogu nni den tie nimoanba ki cie Tesalonika yaaba. Bi den kuani bi yama ki ga U Tienu maama, ki lingilingi daali kuli i Diani nni ki baa le ban wangi ba yaala yaa tie moamoani.

Jesu Tondiba Tuona 26:27

Fini o bado Agilipa, naani a dugi bi sawalipuaba maama po bi? N bani ke a dugi mipo.»

LOMA YAABA 1:2

Hali yogu U Tienu den niani u ñoanianu o Laabaaliŋamo po, ki teni ke o sawalipuaba diani o i Diani yi n gagidi ki ŋani niinni.

LOMA YAABA 3:2

Lankuli pia mayuli boncianla li bonla kuli po. Li bonkpiala tie ke U Tienu den piani bani yo o maama.

Mi Tiadima 18:15

Li Miali Diedo yi Tienu baa ti fiini yi siiga leni yi kpiiba siiga o sawalipualo nani mini yeni. Yin cengi mani o maama!

Mi Tiadima 18:18

N baa fiini bi buolu nni o sawalipualo yua n tie nani fini yeni, ki kuani n maama o ñoabu nni, wan waani ba min baa puogi o yaala kuli.

Mi Tiadima 32:47

Kelima laa tie yipo mafanma ka. Lani n tie yi miali, laa maama n go baa foagidi yi miali dana, yin baa kandi Judana kpenu ki kua ki diedi yaa diema yeni niinni.»

Kolosi 3:16

Kilisiti maama n gbie yi pala nni leni man pia yaa ŋalimano kuli. Yaa bangi mani ki go tundi yiyaba leni mi yanfuoma. Yaa yiini mani Pisoma, leni U Tienu yani, leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Hebilunba 11:16

Die moamoani bi den kuani bi yama ki bua ki pundi yaa dogu n ŋani ki cie, wuni tanpoli yu yeni. Lani yaa po laa pia U Tienu po fe ban yini o bi Tienu, kelima o ŋanbi bipo u dogu.

Hebilunba 11:35

Li dandanli po den teni ke bi potianba baa ke bi kpiiba yaaba n kpe goa ki fii bi tinkpiba siiga. Bi den waani bi nitianba mo fala ke baa tuo ki ga mi faabima kelima bi den bua ki baa yaa tinkpifiima n ŋani ki cie.

Josue 1:8

Ŋan yaa tiadi yogunu kuli n balimaama tili na bangima. Ŋan yaa cogi ki kpaagi mipo u yensiinu leni ku ñiagu kuli, ke ŋan yaa tiendi man yedi yaala kuli. Yeni, ŋan baa jagi yaala kuli a baa tieni la, li baa cuoni bonŋanla mo.

Mi Doagidima 19:10

N den gbaani o taana kani ki baa kpiagi o, ama o den yedi nni: «Da tieni yeni. N tie fini leni a kpiiba, yaaba n kubi Jesu yaa siedi kuli yaa tuonsoanlielo. Kpiagi U Tienu. Kelima Jesu yaa siedi n teni ke bi soani mi naa maama.»