Jan n diani U Tienu Laabaaliŋamo maama 5:10 - Gourmanchéma Bible

¹⁰ Li daali yeni den tie *U Tienu fuodima daali. Lanwani Jufinba den yedi yua n baa laafia yeni: «Dinla tie fuodima daali. Li kua ŋan tugi a kaagu.»

U TIENU MAAMA TILI 2013

¹⁰ Li daali yeni den tie U Tienu fuodima daali. Lanwani, Jufinba den yedi yua n baa laafia yeni: «Dinla tie fuodima daali. Li kua ŋan tugi a kaagu.»

Jan n diani U Tienu Laabaaliŋamo maama 5:10 ပူးပေါင်းရင်းမြစ်များ

Esayi 58:13

Yi yaa kubi yi taali mi *fuodima daali, Ki naa bua ki tieni yaala n mani yi yaa po n dagagidikaali daali, Yi yaa nua ke n fuodima daali tie yaa bonla n mani hali bonŋanla, Ke Li Miali Diedo daali tie yaa daali n pia ti kpiagidi, Yi yaa kpiagi li, Ki naa ŋua yi yaa sani, Ki naa puni yi yula yaala n mani yinba yaa po ka, Bi ki naa puuni yi yula mayuodi po,

Jeremi 17:21

Li Miali Diedo yedi mine: «Fangi mani yi yula! Yin da tugi tugikpiagili mi *fuodima daali. Yin da kuani Jelusalema buliñoana kani tugikpiagili.

Jeremi 17:27

Ama yi yaa cengi nni, ki naa gagidi ki ŋanbi mi fuodima daali ki tugi a tugikpiaga ki nan tagini ki kua Jelusalema buliñoana kani mi fuodima daali, lanwani n baa juu u dogu buliñoana mi fantama. Mi baa buoni Jelusalema badidiedi, ki nan kan gbindi mo.»

Matie 12:10

O ja den ye likani ke o nuu faani. Bi den buali Jesu: «Naani li pia u sanu ki paagi o nilo mi fuodima daali?» Li den tie ke ban fidi ki kuli o.

Marki 2:24

Falisieninba den yedi Jesu: «Diidi ki le, be n teni ke bi tiendi yaala n kua mi fuodima daali?»

Marki 3:4

Lani o den yedi ba: «Li *balimaama tuo tin tieni bi niba po yaala n ŋani mi fuodima daali bi, bi yaala n bia yo? Tin ga o nilo miali bi, bi tin kpa o yo?» Bi den ŋmini suo.

Luki 13:14

Ama li bali maama bangima dieli yudaano pali den biidi Jesu n paagi o nilo mi fuodima daali yeni po, ke o yedi ku niligu: «Yi pia dana luoba ki baa tuuni yi tuona, yin yaa kpendi mani laa danluobida yaa niinni ban paagi yi, ki da cua mi fuodima daali ke ban paagi yi.»

Luki 23:56

Lani bi den goani bi denpo ki bogini yaa tibidi n pia u nuulimanu, leni tulale. Mi fuodima daali bi den fuodi, nani li *bali maama n bili maama.

Luki 6:2

*Falisieninba bi tianba den yedi ba: «Be n teni ke yi tiendi yaala n kua mi fuodima daali?»

Jan n diani U Tienu Laabaaliŋamo maama 1:19

Line n tie Jan n den tieni yaa siedi: Jufinba yaaba n ye Jelusalema den soani bi kopadicianba leni Lefi buolu yaaba Jan kani ki buali o: «A tie ŋme?»

Jan n diani U Tienu Laabaaliŋamo maama 5:11

O den goa ki yedi ba: «Yaa nilo n paagi nni n yedi ke min taa n kaagu ki yaa cuoni.»

Jan n diani U Tienu Laabaaliŋamo maama 5:15

O ja yeni den gedi ki waani Jufinba ke yua n paagi o tie Jesu.

Jan n diani U Tienu Laabaaliŋamo maama 5:16

Lani yaa po Jufinba den wangi Jesu fala kelima o den tiendi laa bonbuolu mi fuodima daali.

Jan n diani U Tienu Laabaaliŋamo maama 7:23

Li yaa tie ke yi kuani o nilo ku koanciagu mi fuodima daali ke yin da miidi Musa bali maama, be yaa po ke yi pala nan be leni nni kelima n paagi o nilo cain mi fuodima daali?

Jan n diani U Tienu Laabaaliŋamo maama 9:16

Falisieninba yeni siiga nni bi tianba den tua: «O naa ja ki tie U Tienu n soani yua, kelima waa kubi mi fuodima daali kuali.» Bi tianba mo den tua: «Yaa nilo n tie ti tuonbiadi daano baa ga lede ki tieni yaa bancianma n tie na buolu?»