Jan n diani U Tienu Laabaaliŋamo maama 4:25 - Gourmanchéma Bible

²⁵ O pua yeni den yedi o: «N bani ke *U Tienu n Gandi Yua baa cua, wani, ban yi yua Kilisiti yeni. O yaa cua o baa waani ti li bonla kuli.»

U TIENU MAAMA TILI 2013

²⁵ O pua yeni den yedi o: «N bani ke U Tienu n Gandi Yua n baa cua. Wani, ban yi yua Kilisiti yeni. O yaa cua, o baa waani ti li bonla kuli.»

Jan n diani U Tienu Laabaaliŋamo maama 4:25 ပူးပေါင်းရင်းမြစ်များ

Matie 1:16

Jakobo n maa Josefi, Maliyama calo, yaa pua n den mali Jesu ke bi yi o Kilisiti.

Matie 27:17

Ku niligu n den taani, Pilata den yedi ba: «Yi bua min faabi yipo ŋme, Balabasa bi, bi Jesu ban yi yua Kilisiti?»

Matie 27:22

Pilata den yedi ba: «N nan baa tieni Jesu, ban yi yua Kilisiti mo lede?» Bikuli den goa ki yedi o: «Ban joani o li *dapoanpoanli po.»

Luki 2:11

Lani n tie ke dinla, Dafidi dogu nni, bi mali yipo o Candaano, yua n tie Kilisiti, o Diedo.

Jan n diani U Tienu Laabaaliŋamo maama 1:49

Nataneli den goa ki yedi o: «Labi lani n tie Canbaa, fini n tie U Tienu Bijua, fini n tie Isalele yaaba Bado.»

Jan n diani U Tienu Laabaaliŋamo maama 4:29

«Cua mani ki ban le yaa nilo n waani nni min tieni yaala kuli. Waa baa tie U Tienu n Gandi Yua kaa?»

Jan n diani U Tienu Laabaaliŋamo maama 4:39

Yaa niba n den ye laa dogu nni ki tie Samali yaaba, boncianla den tuo ki daani Jesu kelima o pua yeni den yedi ba: «O waani nni min den tieni yaala kuli.»

Jan n diani U Tienu Laabaaliŋamo maama 4:42

Bi den yedi o pua yeni: «Moala, laa di tie ŋan bi waani ti yaa maama bebe ka teni ke ti tuo ki daani o, tinba tiba gbadi o maama ki bani ke moamoani wani n tie ŋanduna Candaano.»