Jan n diani U Tienu Laabaaliŋamo maama 4:14 - Gourmanchéma Bible

¹⁴ Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

U TIENU MAAMA TILI 2013

¹⁴ Ama yua n ñuni min baa pa o yaa ñima kuli, u ñuñuunu kan go cuo o abada. Min baa pa o yaa ñima baa tua ñinbunli o niinni, ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 4:14 ပူးပေါင်းရင်းမြစ်များ

Esayi 49:10

Koma kan go cuo ba, Ñunñuunu kan go cuo ba mo. Mi dandanñima leni u yienu kan go duoli ba Kelima yua n gba bipo mi niñima n baa gobidi ba. O baa yaa cangi ba a ñinbuna kani.

Esayi 55:1

U ñunñuunu n pia yinba yaaba yeni kuli, Cua mani mi ñima kani Baa yua n ki pia ligi Cua mani ki da ki je Cua mani ki da mi daama leni mi naaŋanma Ke laa tie ligi, ki naa pani liba mo.

Esayi 58:11

Li Miali Diedo baa gobidi yi u yogunu kuli, Baa ñima n ki ye yaa tinga nni Li Miali Diedo baa guondi yi, Ki yaa puuni yi gbanu u fidu. Yi baa tie nani ban kpidi yaa sadinga yeni, Nani yaa ñinbunli yaa ñima n kan ñuudi yeni.

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jeremi 31:25

N baa paagi yaaba n coagi pala, ki pugini yaaba n tadigi mo u fidu.

Esekieli 47:9

I bonfuodi buoli kuli baa yaa fo ki ye u kpenu yeni n kua naani kuli. Yeni, i jami baa yabidi ki kandi kelima mi ñima yeni baa pundi likani, ke mi ñincianma kuli n ŋanbi. Lanwani u kpenu yeni baa cuani li miali wun baa kua naankani kuli.

Levi 11:36

Ama li yaa tie ñinbunli nni yaaka caana nni, mi ñima n yaba naani ke o baa lienni, laa ñima baa ŋani. Ama yaa nilo n sii laa kpiemo kuli o baa joagini oba.

Matie 25:46

Bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Matie 5:6

Li pamanli ye leni mi *teginma koma leni mi ñunñuunu n pia yaaba, kelima bi baa guo.

Jan n diani U Tienu Laabaaliŋamo maama 10:10

Li conconli kpendi ki baa su, ki kpa, ki go bolini i pe. Mini n cua ke ban baa li miali, ki yaa pia li ke li dua bipo.

Jan n diani U Tienu Laabaaliŋamo maama 11:26

Yua n fo ki daani nni kan kpe hali abada. Naani a dugi mi naa maama po bi?»

Jan n diani U Tienu Laabaaliŋamo maama 4:10

Jesu den goa ki yedi o: «A yaa bi bani U Tienu paabu n tie yaala, leni mini yua n yedi a: ‹Pa nni min ño› yeni n tie yua, fini n bi baa mia o. Lani o bi baa pa ŋa yaa ñima n pia li miali.»

Jan n diani U Tienu Laabaaliŋamo maama 4:11

O pua yeni den yedi o: «Canbaa, ŋaa pia loangu ke li caali mo nan ñua. A baa baa yaa ñima n pia li miali le?

Jan n diani U Tienu Laabaaliŋamo maama 4:13

Jesu den goa ki yedi o: «Yua n ñuni mi naa ñima kuli, u ñunñuunu go baa co o.

Jan n diani U Tienu Laabaaliŋamo maama 4:36

Yua n yendi baadi o panpaani ki taagi ti kpaandi yaa miali n kan gbeni po, ke yua n buu leni yua n yendi kuli n taani ki mangi bi pala.

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 6:35

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñunñuunu kan go cuo o hali abada.

Jan n diani U Tienu Laabaaliŋamo maama 6:58

Mine n tie yaa jiema n ñani tanpoli po ki jiidi. Maa taa leni yi yaajanba n den dini yaama. Bi den kpe. Yua n di mi naa jiema baa ye hali yaa yogunu kuli.»

Jan n diani U Tienu Laabaaliŋamo maama 7:37

Laa jaanma juodidaali, lani n tie mi jaanma dacianli, Jesu den se ki kpaani: «U ñunñuunu n pia yua kuli, wan cua n kani ki ño.

LOMA YAABA 5:21

Lanwani, nani ti tuonbiadi n den die bi niba ki teni ke bi ku maama, li go tie yeni, U Tienu ŋanbili mo die bi niba kelima wani U Tienu puni baa li moamoansaali, ki caani ba yaa miali n kan gbeni po kelima ti Diedo Jesu Kilisiti yaa po.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

2 Korenti 1:22

ki go tieni tipo o maalima, ki go puuni ti o Fuoma ke mi ye ti pala nni ki tie nani i *kpaaligi yeni.

Efesa 4:30

Yin da biidi mani U Tienu Fuoma Yua pali, wani yua n tie yipo mi maalima ki doagidi ke yi *daafaabima daali kpendi.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 7:16

Mi koma leni u ñunñuunu kan go cuo ba hali abada, u yienu kan go pua ba, ku tontongu mo kan go yaa ye bipo.

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»