Jan n diani U Tienu Laabaaliŋamo maama 4:11 - Gourmanchéma Bible

¹¹ O pua yeni den yedi o: «Canbaa, ŋaa pia loangu ke li caali mo nan ñua. A baa baa yaa ñima n pia li miali le?

U TIENU MAAMA TILI 2013

¹¹ O pua yeni den yedi o: «Canbaa, ŋaa pia loangu, ke li caali mo nan ñua. A baa baa yaa ñima n pia li miali le?

Jan n diani U Tienu Laabaaliŋamo maama 4:11 ပူးပေါင်းရင်းမြစ်များ

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Jan n diani U Tienu Laabaaliŋamo maama 3:4

Nikodema den goa ki yedi o: «O nilo yaa kpeligi, o baa tieni lede ban goa ki maa o? Naani o baa fidi ki go kua o naa tugu nni wan go maa o milie yoo?»

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 7:37

Laa jaanma juodidaali, lani n tie mi jaanma dacianli, Jesu den se ki kpaani: «U ñunñuunu n pia yua kuli, wan cua n kani ki ño.

Jesu Tondiba Tuona 10:14

Pieli den yedi: «O Diedo, n kan tieni lani, kelima n daa ŋmani yaala n tie kuali leni yaala n *joagini baa yenma.»

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.

Mi Doagidima 21:6

O go den yedi nni: «Li gbeni. N tie Alifa leni Omega, mi cilima leni mi juodima. U ñunñuunu n pia yua kuli, n baa pa o wan ño li miali ñinbunli kani ki kan pa liba kuli.

Mi Doagidima 22:1

Lani maleki yeni den waani nni li miali kpenciamu yu n tie yengiyengi nani mi tanpenpelinma yeni, ke u ña U Tienu leni ki Pebiga bali kalikaanu kani.

Mi Doagidima 22:17

Mi Fuoma leni o Pocaano kuli yedi: «Cua na!» Yua n gba kuli moko n yedi: «Cua na!» U ñunñuunu n pia yua kuli n cua. Yua n bua kuli n cua, ki yaa ñu li miali ñima ke panpaani ki ye.

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»