Jan n diani U Tienu Laabaaliŋamo maama 4:10 - Gourmanchéma Bible

¹⁰ Jesu den goa ki yedi o: «A yaa bi bani U Tienu paabu n tie yaala, leni mini yua n yedi a: ‹Pa nni min ño› yeni n tie yua, fini n bi baa mia o. Lani o bi baa pa ŋa yaa ñima n pia li miali.»

U TIENU MAAMA TILI 2013

¹⁰ Jesu den guani ki yedi o: «A yaa bi bani U Tienu paabu n tie yaala leni mini yua n yedi a: ‹Pa nni min ño› yeni n tie yua, fini n bi baa mia. Lani, o bi baa pa a yaa ñima n pia li miali.»

Jan n diani U Tienu Laabaaliŋamo maama 4:10 ပူးပေါင်းရင်းမြစ်များ

Pisomi 10:17

Li Miali Diedo gba bi yumiindanba miabu, Ki cengi ba bonŋanla, ki paagi bi pala,

Pisomi 46:4

Baa a ñingola yaa fu ki tiendi ti punpudi, Ki go fiidi hali ki digini a juana. *Joma

Mi Ñama 17:6

Diidi n baa se a nintuali Holebi yaa tanciangu kani. A baa pua ku tanciangu ke mi ñima baa ña ku niinni bi niba n ño.» Musa den tieni yeni Isalele nikpeliba nintuali.

I Yani 4:15

Sadinga yeni pia li ñinbunli Li tie yaa ñinbunli n kan ñuudi Ki tagidi ki puubi Libani juana po.

Esayi 12:3

Yi baa yaa kabidi mi ñima leni li pamanli mi faabima ñinbuna kani.

Esayi 35:6

O diamo baa yugi ki cii nani o kabilo yeni, O muulo mo yaa lanbu baa kpaani leni li pamanli. Kelima a ñinbuna baa pudi mi fanpienma nni, I fuani baa puubi yaa diema n kuodi yeni niinni.

Esayi 42:6

«Mini Li Miali Diedo, n yini a mi *teginma po, N baa muubi a nuu, ki kubi a Ki puogi a Ŋan kuani n *ŋantaado mini leni n niba siiga, Ki go teni ŋan tua i nibuoli yenma,

Esayi 43:20

Ti fuayandi baa yaa kpiagidi nni, I tanboe leni ti tataadi kuli, Kelima n baa teni mi ñima n pudi mi fanpienma nni, I kpenciami mo n pudi ki tinkuonga nni, Ki yaa ñundi n niba, min gandi yaaba.

Esayi 44:3

N baa wuli mi ñima ki tinkuonga po Ki tieni i fuani yaa tinga n kuodi nni N baa yadi n Fuoma yi puoliŋuani po Ki go maani n seli yi madi kuli po.

Esayi 49:10

Koma kan go cuo ba, Ñunñuunu kan go cuo ba mo. Mi dandanñima leni u yienu kan go duoli ba Kelima yua n gba bipo mi niñima n baa gobidi ba. O baa yaa cangi ba a ñinbuna kani.

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Jeremi 2:13

Kelima n niba tudi figilima lie Bi ŋa mini, yua n tie Li Miali ñinbunli yeni Ki gbini bi yula po yaa ñinbuodi n lugidi lugidi, Ki kan fidi ki kubi ñima.

Esekieli 16:35

Lanwani, fini li poconconli yeni, cengi Li Miali Diedo maama!

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Sakari 14:8

Laa daali, Li ñinbunli baa pudi Jelusalema, Mi ñima yeni boagidima baa yaa puubi Ki ban kua yaa kpenu n ye puoli, Yaa boagidima n sieni mo, yaa ñincianma n ye nintuali. Li baa yaa tie yeni ku siagu leni li fali kuli.

Luki 11:13

Yinba yaaba n bia yaa bani ki pa yi bila li bonŋanla, lanwani laa pia kuli tama ke ti Baa yua n ye tanpoli baa pa yaaba n mia o o Fuoma Yua.»

Jan n diani U Tienu Laabaaliŋamo maama 16:3

Bi baa tiendi yi laa bonla kelima baa bani Baa, baa bani mini moko.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 3:16

U Tienu den bua ŋanduna yaaba bonŋanla hali ki puni o Bonjayenyenga, ke yua n daani o kuli n da bodi, ama wan yaa pia yaa miali n kan gbeni.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 6:35

Jesu den yedi ba: «Mini n tie li miali jiema. Yua n cua n kani, mi koma kan go gbadi o, yua n daani nni mo, u ñunñuunu kan go cuo o hali abada.

Jan n diani U Tienu Laabaaliŋamo maama 6:51

Mini, n tie yaa jiema n fo ki ñani tanpoli po ki jiidi ki puuni li miali. Yua n di laa jiema kuli baa ye hali yaa yogunu kuli. Min baa pa o yaa jiema yeni tie n gbanandi, min baa pa yaadi ŋanduna yaaba kuli po ke ban baa li miali.»

Jesu Tondiba Tuona 9:11

O Diedo den yedi o: «Fii ki gedi yaa sanu n yi u Sansiedu ki pundi yua n yi Judasa diegu, ki lingi yaa nilo n yi Solo, Tasa dogu yua kelima o jaandi.

LOMA YAABA 8:32

Wani U Tienu, yua n kaa den yie ke o yaa Bijua n da le fala, den soani o ki teni bi niba nuu nni ke o kpe tikuli po. Lani li baa ga lede ke o kan pa ti li bonla kuli leni wani o Bijua leni ti bulicindi?

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

1 Korenti 10:4

ki go ñu bonñokayenla yaala n ña u Tienu kani, kelima bi den ñu yaa tangu yaa ñima n ñani U Tienu kani, yaagu n den yegi leni ba. Laa tangu den tie Kilisiti.

2 Korenti 9:15

U Tienu n baa i tuondi o paabu yaabu n ki pia maama yeni po.

Efesa 2:8

Li tie li ŋanbili-paabu yaa po ke yi tindi. Yi baa la kelima li *dandanli yaa po. Laa ñani yi yaa kani, li tie U Tienu paabu.

Hebilunba 6:4

Yaaba n den baa ke U Tienu yendi ba yenma, ke bi leni yaa paabu n ñani tanpoli po, ki taani leni yaaba n baa o U Tienu Fuoma Yua,

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Mi Doagidima 21:6

O go den yedi nni: «Li gbeni. N tie Alifa leni Omega, mi cilima leni mi juodima. U ñunñuunu n pia yua kuli, n baa pa o wan ño li miali ñinbunli kani ki kan pa liba kuli.

Mi Doagidima 22:17

Mi Fuoma leni o Pocaano kuli yedi: «Cua na!» Yua n gba kuli moko n yedi: «Cua na!» U ñunñuunu n pia yua kuli n cua. Yua n bua kuli n cua, ki yaa ñu li miali ñima ke panpaani ki ye.

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»