Jan n diani U Tienu Laabaaliŋamo maama 3:21 - Gourmanchéma Bible

²¹ Ama yua n tiendi i moamoani n bili yaala kpendi mi yenma kani, ke lan doagidi ke wan tiendi yaala tie U Tienu n bili yaala.»

U TIENU MAAMA TILI 2013

²¹ Ama yua n tiendi i moamoani n bili yaala kpendi mi yenma kani, ke lan doagidi ke wan tiendi yaala tie U Tienu n bili yaala.»

Jan n diani U Tienu Laabaaliŋamo maama 3:21 ပူးပေါင်းရင်းမြစ်များ

Pisomi 119:105

A maama tie yenma n taana po Ki go tie fidisanga n sanu nni.

Pisomi 119:80

Teni min fidi ki yaa ŋua a mabilikaama bonŋanla Lani n tie min da fiagi!

Esayi 26:12

Li Miali Diedo, a tieni a yanduanma ti niinni, Kelima tin tiendi yaala kuli Fini n tiendi la tipo.

Esayi 8:20

Guani mani li *bali maama leni siedi kani. Bi yaa tieni yeni, suginmaba kan yaa ye bi niba po.

Ose Tili 14:8

Bi baa goa ki cua o soangu nni, Bi baa ko *ŋalikama, Bi baa puudi nani i duven tiidi, Bi yela baa kpedi nani Libani diema duven yeni.

Jan n diani U Tienu Laabaaliŋamo maama 1:47

Jesu n den laa Nataneli ke o kpendi o kani, o den yedi: «Diidi, yua n kpendi na tie Isalele buolu yua moamoani, waa pia boandiba kuli o pali nni.»

Jan n diani U Tienu Laabaaliŋamo maama 3:20

Yua n tiendi yaala n bia kuli nani mi yenma. O kan cua mi yenma kani, kelima waa bua mi yenma n doagidi wan tiendi yaa tuonbiada.

Jan n diani U Tienu Laabaaliŋamo maama 5:39

Yi cogi ki kpaagi i Diani po bonŋanla kelima yi tama ke yi baa baa yaa miali n kan gbeni lienni. Laa Diani n tiendi npo siedi.

Jan n diani U Tienu Laabaaliŋamo maama 7:17

O nilo yaa bua ki tieni U Tienu yanbuama baa bandi n bangima yaa ñani U Tienu kani, yaaka n yaa maadi n yuli po.

1 Korenti 15:10

Kelima U Tienu *ŋanbili po yo ke n tua min tie yua na. O ŋanbili npo naa tua fanma, li teni ke n soani ki cie Jesu tondiba kuli. Laa tie mini nba ka soani yeni, ama U Tienu ŋanbili n tuuni leni nni.

2 Korenti 1:12

Tin jigini ti yula yaala yaa po tie ke ti pala siedi doagidi ke ti ye ŋanduna nni leni yaa tagu n gagidi leni yaa yantugupiendi n ñani U Tienu kani. Yaala n cie mo tie ke ti tagu den tie yeni yi moko yaa siiga. Tii den pia laa tagiŋamu kelima o nisaalo yanfuoma po ka, ama kelima U Tienu ŋanbili po.

Galati 6:8

Yua n buli o gbanandi bonbuakaala po, baa yendi o gbanandi bonbuakaala po mi bedima. Yua n buli U Tienu Fuoma n bua yaala, baa yendi U Tienu Fuoma po yaa miali n kan gbeni.

Efesa 5:9

Kelima mi yenma n baa luoni yaa bonluonkaala tie li *ŋanbili leni mi teginma leni i moamoani.

Filipi 1:11

Yeni, yi baa yaa tuuni mi *teginma tuona ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 2:13

Kelima U Tienu n baa teni yin bua ki go fidi ki tieni nani o yanjagiŋanli n tie maama.

Kolosi 1:29

Li tie lani yaa po ke n tuuni, ki moa li muali leni o yaa fidu yu n tuuni n niinni leni u paaciamu.

Hebilunba 13:21

wani n teni yin fidi ki yaa tiendi yaala n ŋani kuli, ki yaa go tiendi o yanbuama kuli. Wan go teni Jesu Kilisiti n yaa tuuni ti niinni yaala n mani opo kuli. Wani Kilisiti n yaa baadi ti kpiagidi hali yaa yogunu kuli. Amina.

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

1 Jan 1:6

Ti yaa tua ke ti pia yanyenma leni o, ki nan ye li biigili nni, Ti pua faama, tii ŋua i moamoani.

3 Jan 1:11

N buado, ŋan da togidi yaala n bia, ama ŋan yaa togidi yaala n ŋani. Yua n tiendi yaala n ŋani tie U Tienu yua, ama yua n tiendi yaala n bia daa laa U Tienu.

Mi Doagidima 3:15

‹N bani a tuona. Ŋaa soangi, ŋaa tuoni mo. Li baa cie apo a yaa bi soangi, bi a yaa bi tuoni.