Jan n diani U Tienu Laabaaliŋamo maama 21:14 - Gourmanchéma Bible

¹⁴ Lani n den tie mi tataama hali Jesu n den fii bi tinkpiba siiga ki doagidi o yuli o ŋoadikaaba po.

U TIENU MAAMA TILI 2013

¹⁴ Lani n den tie mi taataama, hali Jesu n den fii bi tinkpiba siiga ki doagidi o yuli o ŋoadikaaba po.

Jan n diani U Tienu Laabaaliŋamo maama 21:14 ပူးပေါင်းရင်းမြစ်များ

Marki 16:12

Lani yaa puoli Jesu go den doagidi o yuli nani nitoa yeni o ŋoadikaaba siiga niba lie po, ke bi ye u sanu nni ki caa i kuani po.

Marki 16:14

Lani yaa puoli Jesu go den doagidi o yuli bi piiga n niyendiba po ban di yaa yogunu. O den jaligi ba bi dandanluoma leni bi pajuaga kuli po, kelima baa daani yaaba n laa o ke o fii bi tinkpiba siiga maama.

Jan n diani U Tienu Laabaaliŋamo maama 20:19

Landaali yaa ñiagu, dana lele cilima daali yeni, bi ŋoadikaaba den ye li dieli nni ke li buliñoana lo kelima bi jie Jufinba. Jesu den cua ki sedi bi siiga ki yedi: «Mi yanduanma n yaa ye leni yi.»

Jan n diani U Tienu Laabaaliŋamo maama 20:26

Li daniili daali Jesu ŋoadikaaba go den ye li dieli nni ke Toma moko ye leni ba. Baa ke bi den luoni a buliñoana, Jesu den cua ki sedi bi siiga ki yedi: «Mi yanduanma n yaa ye leni yi.»

Jan n diani U Tienu Laabaaliŋamo maama 21:1

Lani n pendi Jesu go den doagidi o yuli o ŋoadikaaba po ke bi ye Tibeliada ñincianma boanjaali po. Line n tie wan den doagidi o yuli bipo maama:

Jesu Tondiba Tuona 1:3

O fala puoli, o den doagidi o yuli bipo, ki waani ba yaa bonla n yaba ki tie siedi ke laa pia niama ke o go fo. Hali dana piinaa o den doagidi o yuli bipo ke bi laa o, ke o yen maadi leni ba U *Tienu diema maama fuuli.