Jan n diani U Tienu Laabaaliŋamo maama 2:19 - Gourmanchéma Bible

¹⁹ Jesu den goa ki yedi ba: «Bolini mani U Tienu diegu na, n go baa maa li dana taa siiga.»

U TIENU MAAMA TILI 2013

¹⁹ Jesu den guani ki yedi ba: «Bolini mani U Tienu diegu na, n go baa maa gu danataa siiga.»

Jan n diani U Tienu Laabaaliŋamo maama 2:19 ပူးပေါင်းရင်းမြစ်များ

Matie 12:40

Nani Jonasa n den tieni dana taa leni ñadi taa o janciamo tugu nni maama, o Ja Bijua moko baa tieni dana taa leni ñadi taa ki tinga nni yene.

Matie 16:21

Laa yogunu Jesu den cili ki doagidi ki wangi o ŋoadikaaba ke li tie tiladi wan gedi Jelusalema, ke Jufinba *nikpeliba leni bi kopadicianba yudanba leni li balimaama bangikaaba n waani o fala boncianla, ke bi niba n kpa o, ama ke o baa fii bi tinkpiba siiga li dataali daali.

Matie 27:40

«Fini yua n baa mudi U Tienu diegu ki goa ki maa li dana taa, ga a yuli naa. A yaa tie U Tienu Bijua, ŋan jiidi li dapoanpoanli po.»

Matie 27:63

ki yedi o: «Ti daano, ti tiadi ke laa boandi daano n da den fo yaa yogunu, o den yedi ke dana taa yaa pendi ke o baa fii bi tinkpiba siiga.

Marki 14:58

«Ti den gbadi ke o yedi: ‹N baa mudi U Tienu diegu na, o nisaalo nuu n maa yaala, ki go maa U Tienu diegu toagu dana taa, nisaalo nuu n kaa maa yaagu.› »

Marki 15:29

Bi santagiba den sugidi o, ki fegini bi yula ki tua: «Hei, fini yua n baa mudi U Tienu diegu ki go maa gu dana taa,

Marki 8:31

Laa yogunu Jesu den bangi o ŋoadikaaba ke li tie tiladi o *Ja Bijua n le fala boncianla, ke bi nikpeliba leni bi kopadicianba yudanba leni li *balimaama bangikaaba baa yie o ki teni ban kpa o. Ama o kuuma dataali daali po, o go baa fii bi tinkpiba siiga.

Jan n diani U Tienu Laabaaliŋamo maama 11:25

Jesu den yedi o: «Mini n tie bi tinkpiba fiima, leni li miali. Yua n daani nni, baa o yaa kpe, o baa fo.

Jan n diani U Tienu Laabaaliŋamo maama 5:19

Lanwani Jesu den yedi ba: «N yedi yi i moamoani, *Bijua kan fidi ki tieni liba kelima o yuceli paalu po. O tiendi wan laa ke Baa tiendi yaala bebe. Wani Baa n tiendi yaala kuli, Bijua moko baa tiendi lane.

Jesu Tondiba Tuona 2:24

U Tienu den fiini o bi tinkpiba siiga, ki faabi o leni mi kuuma lolima, li kan den tuo mi kuuma n yaa muubi o moko.

Jesu Tondiba Tuona 2:32

U Tienu den fiini o bi tinkpiba siiga. Tikuli tie lipo siedinba.

Jesu Tondiba Tuona 3:15

Yi den ku li miali yaa Diedo, U Tienu n den fiini yua bi tinkpiba siiga. Ti tie siedinba laa bonla kuli po.

Jesu Tondiba Tuona 3:26

U Tienu den fiini o naacemo Jesu ki kpa soani o yinba yaa kani ke wan seligi yi ki teni yua kuli n lebidi ki ŋa o tuonbiadi.»

Jesu Tondiba Tuona 6:14

Ti go den gbadi ke o yedi ke Jesu, Nasaleti yua yeni, baa bolini U Tienu diegu na ki lebidi Musa n den bili tipo yaa bogida.»

LOMA YAABA 4:24

Ama li diani tinba yaa po moko, U Tienu n baa coadi yaaba yaa po ke li tie teginma, tinba yaaba n daani U Tienu, wani yua n den fiini ti Diedo Jesu bi tinkpiba siiga.

LOMA YAABA 6:4

Lanwani tin den batisi yeni, bi den taani ki piini ti leni o o kuuma nni, ke nani ti Baa U Tienu kpiagidi paalu n den teni ke Kilisiti fii bi tinkpiba siiga maama, ti moko baa ye leni li miapanli yene.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

1 Korenti 15:12

Lanwani, li yaa tie ke ti wangi ke Kilisiti fii bi tinkpiba siiga, li ga lede ke yi siiga tianba nia ke bi tinkpiba fiima ki ye?

Kolosi 2:12

Nani ban den taani ki piini yi leni Kilisiti kelima mi *batisima po yeni, yi go fii bi tinkpiba siiga o yaa niinni ki taani leni o, kelima li dandanli U Tienu yua n den fiini o bi tinkpiba siiga paaciamu yaa po.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.