Jan n diani U Tienu Laabaaliŋamo maama 2:18 - Gourmanchéma Bible

¹⁸ Lani yaa po Jufinba den yedi o: «A baa tieni be bancianme ki doagidi tipo ke a pia li bali ki tieni ŋan tieni yaala na?»

U TIENU MAAMA TILI 2013

¹⁸ Lani yaa po, Jufinba den yedi o: «A baa tieni be yaa bancianme ki doagidi ti po ke a pia li bali ki tieni ŋan tieni yaala ne?»

Jan n diani U Tienu Laabaaliŋamo maama 2:18 ပူးပေါင်းရင်းမြစ်များ

1 Bi Badiba 13:3

Laa daali, wani U Tienu nilo yeni den waani yaa maalima n tie ne ki yedi. «Yaala n tie ne n baa tua mi maalima ki doagidi ke Li Miali Diedo n maadi: li padibinbinli baa yagidi, yaa fantanpienma n maa lipo n yayadi.»

Mi Ñama 7:9

«Li yaa tie ke Falono maadi leni yi ki yedi: ‹Tieni npo mi bancianma,› a baa yedi Alono: ‹Taa a gbiamu ki lu u Falono nintuali.› U baa tua wa.»

Matie 21:23

Jesu n den kua U Tienu diegu nni ki bangi bi niba, bi kopadicianba yudanba leni Jufinba *nikpeliba kuli den cua ki yedi o: «Li laa bali yaa po yo ke a tiendi li naa bonla? Ŋme n puni a laa bali?»

Marki 8:11

*Falisieninba den cua ki nia leni Jesu ki mia o wan tieni yaala n tie sinankeeni ke o paalu ñani U Tienu kani, kelima bi den dia o ku madiagu.

Luki 11:29

A nigola n den taani boncianla ki ŋabi ki mabindi Jesu, o den yedi: «Moala na niba tie nibiadiba. Bi miadi yaa bancianma n tie sinankeeni, ama bi kan tieni bipo sinankeentoa li yaa tie Jonasa yua yaaka.

Jan n diani U Tienu Laabaaliŋamo maama 1:19

Line n tie Jan n den tieni yaa siedi: Jufinba yaaba n ye Jelusalema den soani bi kopadicianba leni Lefi buolu yaaba Jan kani ki buali o: «A tie ŋme?»

Jan n diani U Tienu Laabaaliŋamo maama 1:25

Bi go den buali o: «A yaa tie U Tienu n Gandi Yua, ki naa tie Elia, ki naa tie o sawalipualo mo, be yaa po ke a *batisi bi niba?»

Jan n diani U Tienu Laabaaliŋamo maama 6:30

Bi den buali o: «A baa tieni be bancianma, tin le ki nan daani a? A baa tieni be?

Jesu Tondiba Tuona 4:7

Bi den teni ke Pieli leni Jan sedi bi siiga ke bi buali ba: «U laa paalu yaa po yo, bi ŋme yaa yeli nni ke yi tieni yeni?»

Jesu Tondiba Tuona 5:28

«Ti den kuani yi cain ke yin da go bangi bi niba laa yeli nni. Ama diidi ki le, yi teni ke yi bangima yeni gbieni Jelusalema, ki go bua ki teni ke laa ja soama n baa ti yula po.»