Jan n diani U Tienu Laabaaliŋamo maama 19:9 - Gourmanchéma Bible

⁹ ki go den kua o bujiali kani ki buali Jesu ki yedi: «A ñani lepoe?» Jesu naa den guani o maamaba kuli.

U TIENU MAAMA TILI 2013

⁹ O go den kua o bujiali kani ki buali Jesu, ki yedi: «A ñani lepoe?» Jesu naa den guani o maamiba kuli.

Jan n diani U Tienu Laabaaliŋamo maama 19:9 ပူးပေါင်းရင်းမြစ်များ

Esayi 53:7

Bi den faligi o, ki fiagi o Ke o naa den yaadi o ñoabu Nani ban caani yaa pebiga u yankodikaanu yeni. Nani ban moagi o pia kobidi ke o ŋmini maama yeni Waa yaadi o ñoabu.

Matie 26:63

Jesu den ŋmini suo. Bi kopadicianba bado den yedi: «Hali U Tienu yua n fo po, waani ti a yaa tie *U Tienu n Gandi Yua, U Tienu Bijua.»

Matie 27:27

Gufeneeli Pilata minteela den kuani Jesu wani gufeneeli diegu nni wan ja ti buudi naani, ki taani bi cagili kuli ki lindi o.

Luki 23:9

O den buali Jesu i buali boncianla, ama waa den guani o maamaba kuli.

Jan n diani U Tienu Laabaaliŋamo maama 18:28

Bi den ñani Jesu Kayifa kani ki gedini o gufeneeli Pilata bujiali kani. Li den tie ku tiŋaapanpangu. Bani biba, baa den kua gufeneeli bujiali kani ke ban da ti *joagini biba, ki fidi ki baa ki je mi *Pendima jaanjiema.

Jan n diani U Tienu Laabaaliŋamo maama 18:33

Pilata den goa ki kua o bujiali kani ki yini Jesu ki yedi o: «Naani a tie Jufinba bado bi?»

Jan n diani U Tienu Laabaaliŋamo maama 18:34

Jesu den goa ki buali o: «Naani a maadi yeni a yuli po bi, bi nitoaba n waani a n maama?»

Jan n diani U Tienu Laabaaliŋamo maama 18:37

Laa maama po Pilata den yedi o: «Lanwani a tie bado yo?» Jesu den goa ki yedi: «Fini n yedi la, n tie bado. Min den cua ŋanduna nni ke bi mali nni den tie ke min yaa tiendi siedi i moamoani po. Yua n tie i moamoani yua kuli baa cengi min yedi yaala.»

Jan n diani U Tienu Laabaaliŋamo maama 19:10

Lani yaa po Pilata den yedi o: «A kan guani mini liba? Naani ŋaa bani ke n pia li bali ki baa faabi a, yaaka ki joani a li dapoanpoanli po?»

Jan n diani U Tienu Laabaaliŋamo maama 19:8

Pilata n den gbadi laa maama, o den jie ki pugini,

Jan n diani U Tienu Laabaaliŋamo maama 8:14

Jesu den goa ki yedi ba: «Baa ke n tieni n yuli po siedi, n siedi tie moamoani, kelima n bani min ñani naani, ki go bani min caa naanpo. Ama yinba yii bani min ñani naani ki cua, yii go bani min caa naanpo mo.

Filipi 1:28

Yin da cedi yi koanginkaaba n jieni yi baa waamu. Lani n tie bipo siedi ke bi baa bodi, ama li tie yinba yaa po siedi yi tindima po. Laa bonla ñani U Tienu yaa kani.

Bi Bujiaba 13:6

O pua yeni den gedi ki ban yedi o calo: «Li Miali Diedo nilo cua n kani. O tie nani Li Miali Diedo maleki yene, wan tie maama pia i jeje. Mii buali o wan ñani naani, o mo ki waani nni o yeli.