Jan n diani U Tienu Laabaaliŋamo maama 19:31 - Gourmanchéma Bible

³¹ Li sua ke li tie li boginli daali, ke li baa fii ki fa ki yaa tie *U Tienu fuodima daali, yaali n gagidi ki tie jaancianma. Jufinba naa den bua a kpiema n yaa ye a dapoanpoana po laa daali. Lanwani bi den mia Pilata wan teni ban kuakua yaaba n ye a dapoanpoana po taana ki ñani ba likani.

U TIENU MAAMA TILI 2013

³¹ Li sua ke li tie li boginli daali, ke li baa fii ki faa ki yaa tie U Tienu fuodima daali, yaali n gagidi ki tie jaancianma. Jufinba naa den bua a tinkpila n yaa ye a dapoanpoana po landaali. Lani, bi den mia Pilati wan teni ban kuakua yaaba n ye a dapoanpoana po taana, ki ñani ba likani.

Jan n diani U Tienu Laabaaliŋamo maama 19:31 ပူးပေါင်းရင်းမြစ်များ

Mi Ñama 12:16

Li dakpiali, yi baa tieni taangagidikaali, li daleleeli mo yi go baa tieni taangagidikaali. Oba kuli kan soani tuonliba laa dana yaa niinni. Yi baa fidi ki tieni nilo kuli po o jiema bebe.

Mi Kpanjama 12:10

O niteginka kubi o yandi bonŋanla. Ama bi nibiadiba wani gbie leni mi biadima.

Mise 3:3

Yi ŋmani n nibuoli gbanandi Yi piti bi gbandi Ki mudi bi kpaba. Yi jia ba bonjenajena Nani ban sagi yaa nandi li bobili nni yeni, Nani ban ŋaani yaa nandi li bobili nni yeni.

Matie 27:62

Lan den fii ki fa, lani tie li boginli daali fiifaama, bi kopadicianba yudanba leni *Falisieninba den taani ki gedi Pilata kani

Marki 15:42

Laa daali den tie li boginli daali, lani n tie Jufinba n yen bogini yaala kuli mi *fuodima daali po. Lani yaa po ku jofangu yogunu,

Jan n diani U Tienu Laabaaliŋamo maama 19:1

Lani Pilata den teni ke a minteela taa Jesu ki pua o i baliji.

Jan n diani U Tienu Laabaaliŋamo maama 19:14

Laa daali den tie mi *Pendima jaanma boginli daali, ke li bua ki pundi u yensiinu. Pilata den yedi Jufinba: «Diidi mani yi bado nna.»

Jan n diani U Tienu Laabaaliŋamo maama 19:42

Nani lan den tie Jufinba n baa bogini mi fuodima daali po yaa daali ke li kuli mo ye koankoanma nni yeni, bi den kuani Jesu o kpiemo laa kuli nni.

Josue 8:29

O den teni ke bi soadi Ayi bado bu tibu po, ki ŋa o likani hali ku yenjuogu. U yienu n den bua ki baa yaa yogunu, Josue den teni ke bi joandi o ki luni o u dogu bilinciamu buliñoabu kani ki dogini opo tankogicianli. Li ye likani hali dinla.