Jan n diani U Tienu Laabaaliŋamo maama 17:3 - Gourmanchéma Bible

³ Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

U TIENU MAAMA TILI 2013

³ Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 17:3 ပူးပေါင်းရင်းမြစ်များ

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 15:3

Li waagi boncianla ke Isalele yaaba naa den ŋua i moamoani Tienu, kaa pia yaa kopadiciamo n baa yaa bangi ba, kaa pia *balimaama mo.

Pisomi 9:10

Li Miali Diedo n tua kaanpaalu ban mabindi yua po, Ki tua kaanpaalu li paboanli daali.

Mi Kpanjama 8:35

Kelima yua n baa mini, o baa li miali, Ki go baa Li Miali Diedo kani li seli.

Esayi 48:16

Nagini mani nni ki cengi! Hali mi cilima, mii den maadi wuoli nni Hali laa bonla cilima yogunu mo, n den ye likani. Moala mo o Diedo, Li Miali Diedo N soani nni leni o Fuoma.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Esayi 61:1

O Diedo Li Miali Diedo Fuoma ye n niinni Kelima Li Miali Diedo gandi nni Ke min yaa caagi bi niñinniba o laabaaliŋamo. O soani nni ke min baagi yaaba n ye li paboanli nni Ki waani i yonbi ke bi baa mi faabima Ki go waani a kpaada mo ke bi baa mi *faabima,

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi I nibuoli kan fidi ki sedi o pabiencianli nintuali.

Ose Tili 6:3

Tin bandi mani Li Miali Diedo, Tin moandi mani ki bandi o. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yeni. O baa cua nani ki taludikaaga yeni, Nani a tañinbaana taaga n yen cua Ki kuugi ki tinga maama yeni.»

Marki 9:37

«Yua n ga a bila ne siiga baa biyenga kelima n yeli po, o ga mini nba yo. Yua n ga mini yaa cangu mo, waa ga mini yaa cangu ka, ama o ga yua n soani nni yaa cangoe.»

Luki 9:48

ki yedi ba: «Yua n ga ki naa biga n yeli nni o ga mini nba yo, yua n ga mini mo, o ga yua n soani nni. Yi siiga yua n wa ki cie yikuli, wani n tugi li yuli.»

Jan n diani U Tienu Laabaaliŋamo maama 10:36

Li ga lede ke yi yedi ke n sugi U Tienu kelima n yedi ke n tie U Tienu Bijua yeni, mini U Tienu yua n tie ti Baa n gandi ki gagidi yua, ki soani nni ŋanduna nni?

Jan n diani U Tienu Laabaaliŋamo maama 11:42

N bani ke a cengi n maama yogunu kuli, ama n yedi yeni yaa niligu n se ki lindi na yaa todima po, ban daani ke fini n soani nni.»

Jan n diani U Tienu Laabaaliŋamo maama 14:26

O Todika, U Tienu Fuoma Yua, Baa n baa soani yua n yeli nni yeni, wani n baa bangi yi li bonla kuli, ki tiadi yi min waani yi yaala kuli.

Jan n diani U Tienu Laabaaliŋamo maama 17:18

Nani ŋan den soani nni ŋanduna nni maama, n moko soani ba ŋanduna nni yene.

Jan n diani U Tienu Laabaaliŋamo maama 17:21

Min mia ŋa bipo yaala tie line, ke bikuli n yaa tie yendo nani fini Baa n ye n niinni ke n moko ye a niinni maama, ke bani mo n yaa ye ti niinni ke ŋanduna yaaba n daani ke fini n soani nni.

Jan n diani U Tienu Laabaaliŋamo maama 17:23

Mini n ye bi niinni, ke a mo ye n niinni, ke ban tua yendo cain ke ŋanduna yaaba n bandi ke fini n soani nni, ki bua ba nani ŋan bua mini maama.

Jan n diani U Tienu Laabaaliŋamo maama 17:25

Baa yua n tiegi, ŋanduna yaaba naa bani a, ama mini n bani a. Bine mo bandi ke fini n soani nni.

Jan n diani U Tienu Laabaaliŋamo maama 17:8

Kelima n caa ba ŋan den soani nni yaa tondu, bi mo ga ki bandi ke n ñani a kani moamoani, ki go daani ke fini n soani nni.

Jan n diani U Tienu Laabaaliŋamo maama 3:17

U Tienu naa den soani o Bijua ŋanduna nni ke wan jia leni ŋanduna yaaba ti buudi ka, li tie ke wani U Tienu n faabi ba kelima o Bijua yaa po.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jan n diani U Tienu Laabaaliŋamo maama 5:44

Yi tuo ki baadi ti kpiagidi yiyaba kani, ama yii lingi yaa kpiagidi n ñani U Tienu yua n kaa pia lielo kani. Yin tiendi maama yeni, yi baa ga lede ki dugi npo?

Jan n diani U Tienu Laabaaliŋamo maama 6:57

Baa yua n soani nni fo, n moko fo kelima wani yaa po. Li go tie yeni leni yua n di nni, o mo baa fo kelima n yaa po.

Jan n diani U Tienu Laabaaliŋamo maama 7:29

Ama mini n bani o kelima n ñani o yaa kani, wani n soani nni mo.»

Jan n diani U Tienu Laabaaliŋamo maama 8:19

Lanwani bi den buali o: «A Baa ye le?» Jesu den goa ki yedi ba: «Yii bani nni, yii bani n Baa mo. Yi yaa bi bani nni, yi bi baa bani n Baa moko.»

1 Korenti 15:34

Yin go baa mani li yantiaŋanli nani lan pundi maama, ki cedi ki da go tiendi tuonbiadi, kelima yi siiga tianba naa bani U Tienu. N maadi yeni ke i fe n cuo yi lipo.

1 Korenti 8:4

To, moala n baa maadi ti padinandi maama. Ti bani ke *bulo naa ye ŋanduna nni se U Tienu yendo bebe n ye.

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Filipi 3:10

Min bua yaala tie min bandi wani Kilisiti, leni o fiima bi tinkpiba siiga paalu, ki go taani leni o o fala nni, ki yaa naani leni o o kuuma nni,

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

1 Tesaloniki 1:9

Kelima i kaani kuli bi togidi yin den ga ti cangu maama, leni yin den ŋa i *buli ŋoadima ki tuo ki ŋoadi U Tienu yua n fo ki tie i moamoani maama.

2 Tesaloniki 1:8

O baa doagidi u mupienu nni ki tu yaaba n kaa bani U Tienu leni yaaba n kaa tuo ki ŋoadi ti Diedo Jesu yaa Laabaaliŋamo, bi biadima panpaani.

Hebilunba 3:1

Lani yaa po n kpiiba, bi *nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa*dandanli po yaa kopadicianba bado.

2 Pieri 1:2

Li *ŋanbili leni mi yanduanma n yaa pugidi yipo boncianla, kelima U Tienu leni ti Diedo Jesu yaa bandimoanma po.

2 Pieri 1:3

U Tienu yaa paaciamu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti o kpiagidi leni o ŋanbili po.

2 Pieri 1:8

Kelima laa bonŋanla yaa ye yi niinni ki pugidipugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi.

1 Jan 1:2

Li miali yeni den doagidi ke ti laa li. Ti tiendi lipo siedi ki wangi yi yaa miali n kan gbeni, Yaali n den ye Baa kani, wan den doagidi tipo yaali yeni.

1 Jan 1:3

Tin laa ki go gbadi yaala, ti wangi lane Ki bua yi mo n yaa pia yanyenma leni ti, Nani tin pia yaa yanyenma leni Baa leni o Bijua Jesu Kilisiti maama yeni.

1 Jan 2:23

Yua n nia Bijua kuli, nia Baa moko, yua n tuo Bijua kuli o pia Baa moko.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.