Jan n diani U Tienu Laabaaliŋamo maama 17:2 - Gourmanchéma Bible

² Kelima a dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

U TIENU MAAMA TILI 2013

² A dini o li bali ke o die bi nisaaliba kuli, ke wan pa ŋan puni o yaaba kuli yaa miali n kan gbeni.

Jan n diani U Tienu Laabaaliŋamo maama 17:2 ပူးပေါင်းရင်းမြစ်များ

Pisomi 110:1

Dafidi Pisoma. Li Miali Diedo den yedi n Diedo: «Kali n jienu po, Hali min baa guli a yibalinba ŋan ŋmaa ba.»

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Matie 25:46

Bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Jan n diani U Tienu Laabaaliŋamo maama 17:24

Baa, ŋan puni nni yaaba yeni, min baa ye naankani, n bua bani moko n yaa ye lankani, ke ban yaa nua n kpiagidi, ŋan puni nni yaadi kelima a den bua nni hali ke ŋanduna daa tagi.

Jan n diani U Tienu Laabaaliŋamo maama 17:6

N doagidi a yeli ŋan den puni nni yaa niba kani ŋanduna siiga. Bi den tie a yaa yaaba, ke a den puni nni ba. Bi mo tuo ki kubi a maama.

Jan n diani U Tienu Laabaaliŋamo maama 17:9

N mia ŋa bi yaa po yo. Mii mia ŋa ŋanduna po ka, ama n mia ŋa ŋan puni nni yaaba yaa po yo, kelima bi tie a yaa yaaba.

Jan n diani U Tienu Laabaaliŋamo maama 3:35

Baa bua Bijua ki dini o li bonla kuli bali ke o die.

Jan n diani U Tienu Laabaaliŋamo maama 4:14

Ama yua n ñuni min baa pa o yaa ñima kuli, u ñunñuunu kan go cuo o hali abada. Min baa pa o yaa ñima baa tua ñinbunli o niinni ki yaa pudi ki puubi hali yaa miali n kan gbeni nni.»

Jan n diani U Tienu Laabaaliŋamo maama 6:27

Yin da tuuni mani ki baadi yaa jiema n pendi ka. Yin yaa tuuni mani ki baadi yaa jiema n baa ye hali yaa yogunu kuli ki puuni yaa miali n kan gbeni. O *Ja Bijua n baa pa yi laa jiema kelima Baa U Tienu n tieni opo o maalima.»

Jan n diani U Tienu Laabaaliŋamo maama 6:37

Baa n puni nni yaaba kuli baa cua n kani. N kan deli yua n cua n kani kuli.

Jan n diani U Tienu Laabaaliŋamo maama 6:39

Yua n soani nni yanbuama yeni tie line: Min da biani wan puni nni yaa niba kuli siiga baa niyendo, ama ke min fiini ba bi tinkpiba siiga li juodidaali.

LOMA YAABA 6:23

Kelima ti tuonbiadi panpaani tie mi kuuma, ama U Tienu *ŋanbili-paabu tie yaa miali n kan gbeni ti Diedo Jesu Kilisiti nni.

1 Korenti 15:25

Kelima li tie tiladi ke Kilisiti n yaa die hali U Tienu n teni wan ŋmaa o yibalinba o taana tiipo.

Efesa 1:20

O paaciamu yu n tuuni ti niinni yeni tie wan den soani leni yu ki fiini Kilisiti bi tinkpiba siiga ke o go ye ki fo, ki kaani o o jienu po tanpoli po.

Filipi 2:10

Ke dunli kuli baa gbaani Jesu yeli po Tanpoli po leni ki tinga po leni ki tinga tiipo kuli,

1 Timote 1:16

Ama o den gbadi npo mi niñima line yaa po: Jesu Kilisiti cili ki doagidi o juunli mini yaa kani, ke min tua li bontogidikaala yaaba n baa daani o ki baa yaa miali n kan gbeni kuli yaa po.

Hebilunba 1:2

Ama moala, mi juodima dana nni, o maadi leni tinba o Bijua yaa ñoabu nni. O den bili ke wane n diedi li bonla kuli, o yaa niinne ke o go tagi li ŋandunli kuli.

1 Pieri 3:22

Jesu kua tanpoli po ki ye U Tienu jienu, ki die malekinba, li bali danba leni tanpoli paaciami danba kuli.

1 Jan 1:2

Li miali yeni den doagidi ke ti laa li. Ti tiendi lipo siedi ki wangi yi yaa miali n kan gbeni, Yaali n den ye Baa kani, wan den doagidi tipo yaali yeni.

1 Jan 2:25

Wani n niani ti yaala tie yaa miali n kan gbeni.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

Jude 1:21

Yin yaa kubi mani yi yula U Tienu buama nni, ki gu ti Diedo Jesu Kilisiti n pa yi yaa miali n kan gbeni kelima o niñingbadima po.