Jan n diani U Tienu Laabaaliŋamo maama 16:13 - Gourmanchéma Bible

¹³ O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki wangi yi yaa bonla n baa ti cua.

U TIENU MAAMA TILI 2013

¹³ O yaa cua, wani i moamoani Fuoma yeni, o baa gobidi yi yin bandi i moamoani maama fuuli kuli. O kan maadi o yuceli po ka, ama o baa maadi wan gbadi yaama, ki yaa wangi yi yaa bonla n baa ti cua.

Jan n diani U Tienu Laabaaliŋamo maama 16:13 ပူးပေါင်းရင်းမြစ်များ

Esayi 11:2

Li Miali Diedo Fuoma baa ye opo. Mi yama leni mi yanfuoma Fuoma baa ye opo, I tundi leni mi jama Fuoma baa ye opo Mi bandima leni Li Miali Diedo fangili Fuoma baa ye opo.

Jan n diani U Tienu Laabaaliŋamo maama 12:49

Mii maadi n yuli bali po ka, Baa yua n soani nni, wani n bili npo min baa yedi yaa maama leni min baa maadi ma maama.

Jan n diani U Tienu Laabaaliŋamo maama 14:17

wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 14:26

O Todika, U Tienu Fuoma Yua, Baa n baa soani yua n yeli nni yeni, wani n baa bangi yi li bonla kuli, ki tiadi yi min waani yi yaala kuli.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, leni i moamoani, leni li miali. Oba kuli kan pundi Baa kani, li yaa tie mini yaa po.

Jan n diani U Tienu Laabaaliŋamo maama 15:26

O Todika yaa cua, min baa soani yipo yua, wani i moamoani Fuoma, yua n ñani Baa kani yeni, wani n baa tiendi npo siedi.

Jan n diani U Tienu Laabaaliŋamo maama 16:12

N go pia mi maama boncianla ki baa waani yi, ama yi kan fidi ki ga ma moala.

Jan n diani U Tienu Laabaaliŋamo maama 3:32

O tiendi siedi wan laa yaala leni wan gbadi yaala likani yaa po, ama oba naa dugi o siedi po.

Jan n diani U Tienu Laabaaliŋamo maama 8:38

N maadi min laa yaala n Baa kani, yi mo tiendi yin gbadi yaala yi mo yaa baa kani.»

Jesu Tondiba Tuona 11:28

Bi siiga nni yendo ke bi yi o Agabusa den fii ki pua sawali kelima U Tienu Fuoma paalu po, ki yedi ke mi koncianma baa baa ŋanduna kuli. Mi den baa Kiloda n den tie badiciamo yaa yogunu.

Jesu Tondiba Tuona 20:23

kali bonyenla, min gedi yaa dogi kuli U Tienu Fuoma Yua yen wangi nni ke ti kpaadi leni fala bili ki gu nni.

Jesu Tondiba Tuona 27:24

ki yedi nni: ‹Polo, ŋan da jie liba. Li tie tiladi ŋan pundi ki sedi *Sesa nintuali. U Tienu go ŋanbi apo ki puni a ke yaaba n ye leni a ku ñinbiagu na niinni kuli siiga, baa yendo kan bodi.›

2 Tesaloniki 2:12

Yeni yaaba n naa den tuo ki ŋoadi i moamoani, ama ki mangidi bi pala leni mi biadima kuli, U Tienu baa bu ki cuo ba.

2 Tesaloniki 2:3

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

Hebilunba 1:1

Hali yogu U Tienu den maadi leni ti yaajanba bi sawalipuaba ñoana nni yogini boncianla leni mabuoli boncianla.

1 Jan 2:20

Ama yinba wani, yi baa U Tienu Fuoma Yua, yua n teni ke yikuli pia mi bandima.

1 Jan 2:27

Ama yinba wani, yin den baa mi Fuoma yaama yeni, ye yi niinni ke laa go tie tiladi ban go bangi yi. Kelima mi Fuoma yaama n bangi yi li bonla kuli ki tie moamoandaano kaa tie faadaano. Lani yaa po yin yaa ye o niinni nani wan bangi yi maama.

1 Jan 4:6

Ama tinba wani tie U Tienu yaaba. Yua n bani U Tienu kuli cengi ti maama. Yua n kaa tie U Tienu yua kuli, waa cengi ti maama. Lani n teni ke ti bani i moamoani Fuoma leni mi tuofaama gagidima.

1 Jan 5:6

Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.

Mi Doagidima 1:1

Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan go waagi. Wani Jesu n den soani o maleki o naacemo Jan kani, ki teni ke o bandi mi doagidima yeni.

Mi Doagidima 1:19

Lanwani, ŋan diani ŋan laa yaala, yaala n ye moala leni yaala n baa ti yuandi ki cua.