Jan n diani U Tienu Laabaaliŋamo maama 15:5 - Gourmanchéma Bible

⁵ Mini n tie bu duven tibu ñiali, yinba n tie bu beni. Yua n ye n niinni, ke n mo ye o niinni, o baa luoni li bonluonkaala boncianla. Kelima n yaa ye leni yi, yi kan fidi ki tieni pu.

U TIENU MAAMA TILI 2013

⁵ Mini n tie bu duventibu ñiali, yinba mo n tie bu beni. Yua n ye n niinni, ke nmo ye o niinni, o baa luoni li bonluonkaala boncianla. N yàá ye leni yi, yi kan fidi ki tieni puu.

Jan n diani U Tienu Laabaaliŋamo maama 15:5 ပူးပေါင်းရင်းမြစ်များ

Mi Kpanjama 11:30

O niteginka bontienkaala tie li miali tibu. O yanfodaano baadi bi niba ke bi ŋua o kelima o yanfuoma po.

Ose Tili 4:8

Bi di ki guodi leni n niba n tiendi ti tuonbiadi ki padi yaa pada. Lanwani bi tudi n niba ke ban yaa tiendi ti tuonbiadi ki pugidi.

Matie 13:21

Ama waa pia jiinmoani o pali nni. O kan fidi ki juuni ki sedi. Mi yebiadima yaa cua, yaaka bi niba yaa waani o fala kelima mi maama po, tontoni se wan gbali ki baa.

Jan n diani U Tienu Laabaaliŋamo maama 12:24

N yedi yi i moamoani, mi dibima yaa kua ki tinga nni ki kpe, mi baa ye mi bebe lige. Ama mi yaa kpe, mi baa luoni yaa bonbi n yaba.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 5:19

Lanwani Jesu den yedi ba: «N yedi yi i moamoani, *Bijua kan fidi ki tieni liba kelima o yuceli paalu po. O tiendi wan laa ke Baa tiendi yaala bebe. Wani Baa n tiendi yaala kuli, Bijua moko baa tiendi lane.

Jan n diani U Tienu Laabaaliŋamo maama 9:33

O naa ja yaa bi tie U Tienu n soani yua, o kan bi fidi ki tieni pu.»

Jesu Tondiba Tuona 4:12

Mi *tindima ki ye nitoa kuli kani, kelima yetoali kuli ki ye ŋanduna nni tin baa tindi kelima yaali yaa po tiladi.»

LOMA YAABA 12:5

li go tie yeni leni tinba yaaba n ye Kilisiti nni. Baa ke ti yaba, tikuli tie gbananyendi ki tuugi leni tiyaba nani i gbananbuoli n tuugi leni iyi maama.

LOMA YAABA 6:22

Ama moala ke yi faabi leni ti tuonbiadi yonbidi ki tua U Tienu yonbi, yin baadi yaala lienni tie mi gagidiŋanma, ke likuli baa cuani yaa miali n kan gbeni.

LOMA YAABA 7:4

N kpiiba, li tie yene leni yinba moko. Kelima Kilisiti kuuma o gbanandi nni yaa po, yi kpe yaala n tie li bali maama po. Moala nitoa n di die yi, lani n tie Kilisiti, U Tienu n den fiini yua bi tinkpiba siiga, ke tin yaa tiendi yaala n pia mayuli U Tienu po.

1 Korenti 10:16

Li seli tadiñokaaga tin tuondi U Tienu yaaga yaa po, naani kaa tie mi taanyenma leni Kilisiti soama po kaa? Tin cabidi yaa dupen, naani tii tie mi taanyenma leni Kilisiti gbanandi po kaa?

1 Korenti 12:12

Kelima, nani ti gbanandi n tie yenma ki nan pia yaa gbananbuoli n yaba maama, ama baa ke ti buoli yaba yeni, tikuli taani ki tie gbananyendi. Li moko tie yene leni Kilisiti.

1 Korenti 12:27

Yinba kuli taani ki tie Kilisiti gbanandi, yi siiga yua kuli tie o gbananbuoli.

2 Korenti 13:8

Kelima tii pia yaa paalu n baa yie i moamoani po, se ki yaa ŋua i moamoani bebe.

2 Korenti 9:10

Wani yua n puuni o kpakpaalo i bonbuoli, ki go puuni o o bonjekaala, baa pa yi yin fidi ki buli yi bonbuoli ki pugini, ki go teni yi bulicindi yeni bonluonkaala n yabidi.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Efesa 5:9

Kelima mi yenma n baa luoni yaa bonluonkaala tie li *ŋanbili leni mi teginma leni i moamoani.

Filipi 1:11

Yeni, yi baa yaa tuuni mi *teginma tuona ya n ñani Jesu Kilisiti kani, lan tua ti kpiagidi leni ti pagidi U Tienu po.

Filipi 4:13

N fidi likuli kelima wani yua n puuni nni li paalu yaa po.

Filipi 4:17

Laa tie ke n bua ki yaa baadi bu paabu ka, n bua yin baa ti ñuadi boncianla kelima laa paabu po.

Kolosi 1:10

Yeni yi tagu n yaa tie nani lan dagidi o Diedo po maama, ke yin yaa tiendi yaala n mani opo yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 1:6

Laa laabaaliŋamo pundi yikani ki yayadi ŋanduna nni kuli ki luoni o bonluonkaala ki yabidi ki pugidi. Li tie yeni yi siiga hali yin den gbadi o yaa daali ki bandi U Tienu ŋanbili n tie yaala moamoani.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Pieri 2:4

Yaa kpendi mani o Diedo kani, wani yua n tie yaa tanli n fo kani, bi nisaaliba n den yie ki luni yaali, ama U Tienu n den gandi yaala ke li pia mayuli boncianla.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.