Jan n diani U Tienu Laabaaliŋamo maama 15:2 - Gourmanchéma Bible

² Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u wun yaa luoni ki pugidi.

U TIENU MAAMA TILI 2013

² Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

Jan n diani U Tienu Laabaaliŋamo maama 15:2 ပူးပေါင်းရင်းမြစ်များ

Jobi 17:9

O niteginka wani n yaa li suagi liiga o tagu nni, Yua yaa nii n ki pia *joagindi mo yaa fidu n yaa pugidi!

Pisomi 92:14

Bi ŋu ba Li Miali Diedo diegu nni Ke bi puudi ti Tienu diegu luoli nni.

Mi Kpanjama 4:18

Bi niteginkaaba n tagi yaa sanu tie nani u tiŋafaanu yenma yene. Mi baa yaa yendi, ki yendi ki pugidi hali u yensiinu.

Esayi 27:9

Lani n tie ban baa duuni ki ñani Jakobo *tuonbiadi maama n yeni. O tuonbiadi sugili mo n baa cuani yaala nne: O teni ke li *padibinbinli tana kuli mudi yomi yomi nani o kaalo yeni, Moko, *Akela budaadi kan go sedi ban juugi tulale naani kuli.

Esayi 29:19

Bi yumiindanba pamanli baa yaa pugidi Li Miali Diedo nni, A luoda pala baa mangi ki kandi, Kelima Isalele Tienu Yua n Gagidi ki ŋani yeni po.

Danieli 11:35

Bi siiga bi yanfodanba boncianla baa kpe. Bi kuuma baa ŋanbi bi nibuolu yaaba ki teni ban pendi paipai nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Ose Tili 6:3

Tin bandi mani Li Miali Diedo, Tin moandi mani ki bandi o. Nani lan ki pia kuli tama ke u yienu baa faa Ki pudi ku tiŋaagu maama yeni, U Tienu cuama moko tie yeni. O baa cua nani ki taludikaaga yeni, Nani a tañinbaana taaga n yen cua Ki kuugi ki tinga maama yeni.»

Malaki 3:3

O baa kali nani yua duadi ŋanjilifa u maafanu nni, Ki ñandi ti joagindi yeni. O baa ŋanbi Lefi puoliŋuani, Ki ñani bipo bi *joagindi, Nani ban ñandi wula leni ŋanjilifa joagindi maama. Yeni, bi go baa fidi ki padi Yaa pada n tiegi Li Miali Diedo po.

Matie 13:12

Bi baa pa ki pugini yua n pia, wan baa ki pugini, ama yua n ki pia wani, bi baa ga o kani baa wan pia yaala.

Matie 13:33

O go den pua ba mi naa kpanjama: «Tanpoli diema tie nani li *dabinli ke o pua taa ki buuni yonyiemu taa, ki sieni hali likuli n pili.»

Matie 15:13

O den goa ki yedi ba: «N Baa yua n ye tanpoli n kaa ŋu yaa tibu kuli, bi baa ŋabi bu.

Matie 21:19

O den laa bu kankanbu u sankunu ki jadi ki gedi bukani. Ama waa den laa pu bupo se ti faadi bebe. O den yedi bu: «Ŋan da go luoni pu kuli hali abada.» Lanyogunu bu kankanbu den kuodi.

Matie 25:29

Kelima bi baa pa ki pugini yua n pia kuli o piama n yaa yaba. Ama yua kaa pia wani, bi baa ga o kani baa wan pia yaala.

Matie 3:10

Baa moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.

Matie 3:12

O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa fantama n kaa pia gbindima.»

Matie 7:19

Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.

Marki 4:20

Bi nitianba mo tie nani yaa bonbi n baa ki tinŋanga nni yeni. Bani n tie yaaba n gba mi maama, ki ga ma ki luoni. Bi nitianba luoni bonbiyenbu piitaa taa, bi tianba piiluoba luoba, bi tianba mo kobiga kobiga.»

Luki 8:13

Yaaba n tie nani ki tancaliga yeni tie yaaba n gbadi mi maama ki ga ma lanyogunu leni li pamanli. Ama baa pia jiinmoani, bi daani u yogunu waamu bebe po ama mi tulinma yaa cua yaa yogunu, se ban ŋa li *dandanli.

Jan n diani U Tienu Laabaaliŋamo maama 15:1

Mini n tie duven tibu ñiamoanli. N Baa tie bu kubido.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 15:3

Moala yi tuodi ki ŋanbi, kelima min maadi yi yaa maama ŋanbi yi no.

Jan n diani U Tienu Laabaaliŋamo maama 15:6

Yua n kaa tuugi leni nni ki ye n niinni kuli, bi baa lu o niinpo nani ban luni u benu maama, ke u kuodi. Bi taagi yaa beni n kuodi ki lu mi fantama nni ke i buodi.

Jan n diani U Tienu Laabaaliŋamo maama 15:8

Yi yaa luoni li bonluonkaala boncianla, n Baa baa baadi ti kpiagidi lipo. Yeni, yi baa doagidi ke yi tie n ŋoadikaaba moko.

Jan n diani U Tienu Laabaaliŋamo maama 17:12

Min den ye leni ba, n den kubi ba kelima a yeli paalu po, ŋan puni nni yaa yeli yeni po. N den kubi ba ke bi siiga baa yendo ki bodi kali yua n den baa bodi yaaka, ke i Diani n yedi yaala n tieni.

LOMA YAABA 11:17

Ama li yaa tie ke i bentiami jia ki ñani, ke fini yua n tie *olifie tilianbu yaa benu tugini bi yaa kaanu ki baadi olifie tiŋuukaabu yaa jiini n puuni yaa sinma,

LOMA YAABA 11:22

Lani yaa po ŋan kpaagi U Tienu ŋanbili leni o mabinli po. O den mabini yaaba n den baa, ki ŋanbi a yaa po, ama se ŋan yaa ye o ŋanbili nni, yaaka o baa jia ki ñani a moko.

LOMA YAABA 8:28

Ti bani ke U Tienu tuuni li bonla kuli nni yaaba n bua o yaa ŋamu po, bani, wan yini yaaba o yanjagili po.

1 Korenti 13:1

Baa n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa tie nani yaa kudi n mua Bi nani ban pua yaa longa Ke ki tiendi ku fuugu yeni.

Titi 2:14

O den puni o yuli ki kpe tipo ke wan da ki faabi ti leni mi biadima kuli, ki ŋuudi ki ŋanbi ti tin tua wani n die yaaba, yaaba n baa pia li yankuali a tuonŋama po.

Hebilunba 12:15

Yin fangi mani yi yula ke oba n da muni o yuli U Tienu*ŋanbili. Yin go fangi mani yi yula ke yaa jiinu n bia ki to kuli n da toa a benkpela, ki cuani ti yanyagidi ki yaa *joagindi bi niba boncianla.

1 Jan 2:19

Kilisiti-yiekaaba yeni den ñani ti siiga, ama baa den tie ti siiga yaaba. Kelima bi yaa den tie ti siiga yaaba, bi bi baa ye leni ti. Ama ban ñani ti siiga yeni doagidi ke bikuli naa tie ti yaaba.

Mi Doagidima 3:19

Mini, n fu ki go tundi min bua yaaba leni tundifala. Lanwani ŋan go baa li yankuali ki pugini, ki lebidi a yama.