Jan n diani U Tienu Laabaaliŋamo maama 15:19 - Gourmanchéma Bible

¹⁹ Ŋanduna bi baa bua yi yi yaa bi tie o yaaba, ama kelima yii tie ŋanduna yaa yaaba, ke n go gandi yi ki paadi leni ŋanduna, lani yaa po ŋanduna yaaba nani yi.

U TIENU MAAMA TILI 2013

¹⁹ Ŋanduna bi baa bua yi, yi yaa bi tie o yaaba. Ama, nani yin ki tie ŋanduna yaaba, ke n nan gandi yi, ki paadi leni ŋanduna yeni, n teni ke ŋanduna yaaba nani yi.

Jan n diani U Tienu Laabaaliŋamo maama 15:19 ပူးပေါင်းရင်းမြစ်များ

Matie 10:22

Bi niba kuli baa nandi yi kelima n yeli po. Ama yua n baa juuni hali mi juodima baa tindi.

Matie 24:9

Laa yogunu bi baa yaa wangi yi fala, ki go kpaani yi. I nibuoli kuli baa nandi yi kelima n yeli po.

Luki 6:32

Yi yaa bua yaaba n bua yi, bi baa pagi yi yeni mo lede? Baa ti *tuonbiadi danba moko bua yaaba n bua ba.

Jan n diani U Tienu Laabaaliŋamo maama 13:18

Mii maadi yeni ki baa yikuli ka. N bani min gandi yaaba. Ama tiladi li baa tieni nani lan diani i Diani nni maama na: ‹Yua n taa ki di leni nni lugidi nni u danbu.›

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

Jan n diani U Tienu Laabaaliŋamo maama 6:70

Jesu den goa ki yedi ba: «Naani mini ka den gandi yinba bi piiga n niliediba te? Ama yi siiga nni yendo tie cicibiadiga.»

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

1 Pieri 4:3

Kelima yaa yogunu n pendi yi den taa yaa yogunu n dagidi ki tiendi bi nilanba yaa yanbuama, ki puuni yi yula mi conconma, yi gbanandi bonbuaka-biadila po, li dañogaadili, ki di ki go ñu ke li pendi leni ti cagindi yaa buŋoadima po.

1 Jan 3:12

Tin da tie mani nani Kayina yua n den tie o *Biado yua, ki den ku o waalo. Be yaa po ke o den kodi o? Kelima o tuona den bia, ke o waalo ya tiegi.

Mi Doagidima 12:17

O bonfuodibiado pali den beni leni o pua ke o gedi ki baa tuogi bu toabu leni o bila yaaba n sieni, bani yaaba n ŋua U Tienu mabilikaama ki kubi Jesu yaa siedi.

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.