Jan n diani U Tienu Laabaaliŋamo maama 15:18 - Gourmanchéma Bible

¹⁸ Ŋanduna yaaba yaa nani yi, yin tiadi ke bi den kpa nani mini hali ke bi daa nani yinba.

U TIENU MAAMA TILI 2013

¹⁸ Ŋanduna yaaba yaa nani yi, yin tiadi ke bi den kpa nani mini hali ke bi daa nani yinba.

Jan n diani U Tienu Laabaaliŋamo maama 15:18 ပူးပေါင်းရင်းမြစ်များ

1 Bi Badiba 22:8

Isalele diema bado den goa ki yedi Josafati: «Niyendo go ye tin baa fidi ki mia yua wan buali tipo Li Miali Diedo, ama n nani o kelima waa pua npo sawaliŋamo, se sawalibiado. Lani n tie Yimila bijua Mise.» Josafati den yedi o: «Da maadi yeni!»

Mi Kpanjama 29:27

Bi niteginkaaba pala fa o nibiado po, O nibiado moko yaa pali fa yua ŋua yaa sanu n tiegi po.

Esayi 49:7

Li Miali Diedo Isalele Tienu Yua n Gagidi ki ŋani, Bi daafaabika maadi ki yedi: «Ban fali yua, I nibuoli kuli n nua ke yua n *joagini Ki tie bi tugutondanba yonbo Bi badiba baa le o ki fii ki sedi, Bi badijaba mo yaa laa o, bi baa gbaani ki pugi o Kelima Li Miali Diedo yua n tie dugika po, Leni wani Isalele Tienu Yua n Gagidi ki ŋani ki gandi o po.»

Esayi 53:3

Bi niba den fali o, ki ŋa o Wani o falabiado nilo, yua n maani fala, O den naani leni ban den buli yua ki nunga. Ti den fali o ki nua ke waa tie pu.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Sakari 11:8

Ŋmayendo nni, n den cabi i pe yeni yankpaataadiba. Mii den fidi ki juuni leni ba, bani mo den miadi nni.

Matie 10:22

Bi niba kuli baa nandi yi kelima n yeli po. Ama yua n baa juuni hali mi juodima baa tindi.

Matie 24:9

Laa yogunu bi baa yaa wangi yi fala, ki go kpaani yi. I nibuoli kuli baa nandi yi kelima n yeli po.

Matie 5:11

Li pamanli ye leni yi bi niba yaa sugidi yi ki wangi yi falabiado ki maadi yipo mi mabiadima kelima mini yaa po.

Marki 13:13

Bi niba kuli baa nandi yi kelima n yeli po, ama yua n baa juuni hali mi juodima baa tindi.

Luki 6:22

Li pamanli ye leni yimo bi niba yaa nani yi, ki deli yi ki ñandi bi siiga, ki sugidi yi, ki sengi yi nani ti bonjoagindi yeni kelima o Ja Bijua yaa po.

Jan n diani U Tienu Laabaaliŋamo maama 16:1

N waani yi lani, ke lan da ti tua yipo tingbali bonla.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 3:20

Yua n tiendi yaala n bia kuli nani mi yenma. O kan cua mi yenma kani, kelima waa bua mi yenma n doagidi wan tiendi yaa tuonbiada.

Jan n diani U Tienu Laabaaliŋamo maama 7:7

Ŋanduna yaaba kan fidi ki yaa nani yi, ama bi nani mini wani, kelima n tiendi siedi ke ban tuuni yaa tuona bia.

Jesu Tondiba Tuona 14:22

I kaani kuli bi den paagidi yaaba n daani pala, ki tundi ba ke ban yaa se bonŋanla li dandanli nni, ki tua ba: «Li tie tiladi tin kpa le fala boncianla ki baa ki kua *U Tienu diema nni.»

Hebilunba 12:2

Tin yaa tiini ki nua Jesu yua n tie li *dandanli cilika leni li ŋanbika. Kelima yaa pamanli n den bili opo yaa po, o den tuo li*dapoanpoanli yaa kuuma, ki fali yaa fe n ye lienni, ki kali U Tienu bali kalikaanu jienu po.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.

1 Jan 3:1

Diidi mani ki le U Tienu ti Baa n pia tipo yaa buacianma hali ki yini ti o bila. Ti tie yeni. Yaala n teni ke ŋanduna yaaba ki bani ti tie ke baa bani wani.

1 Jan 3:13

N kpiiba, ŋanduna yaaba yaa nani yi, lan da lidi yi.

1 Jan 3:3

Yua n pia laa suginma kuli baa ŋanbidi o yuli, nani wani o Diedo n ŋani maama yeni.