Jan n diani U Tienu Laabaaliŋamo maama 15:11 - Gourmanchéma Bible

¹¹ N maadi yi laa maama, ke yin yaa pia n yaa pamanli buolu, ke yi pamanli n pugini ki dagidi.

U TIENU MAAMA TILI 2013

¹¹ N maadi yi laa maama, ke yin yaa pia n yaa pamanli, ke yi pamanli n pugini ki dagidi.

Jan n diani U Tienu Laabaaliŋamo maama 15:11 ပူးပေါင်းရင်းမြစ်များ

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Esayi 62:4

Bi kan go yini a: “Ban luni yua.” Bi kan go yini a tinga mo: “Diegbenbuoli.” Ama bi baa yi ŋa: “O tie n pamanli.” Ki yini a tinga mo: “O pocaano.” Kelima Li Miali Diedo baa kuani o pamanli a niinni, A tinga mo n tua nani yua n kuni ti jadi yeni.

Jeremi 32:41

N pali baa yaa mani bipo min tieni ba mi ŋanma. N baa kaani ba bonŋanla mi diema nni.

Jeremi 33:9

Diidi u naa dogu baa tua npo pamanli leni jigidi bonla, Ki tinga nibuoli kuli siiga. Laa nibuoli gbadi min tieni ba yaa ŋanma. Li baa paki ba bi gbani n jeli kelima mi yemanma Leni min baa pa ba yaa baali kuli yaa po.»

Sofoni 3:17

Li Miali Diedo, yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yipo teni ke o baa pa yi mi yepanma. O yiini ki kpaani leni li pamanli kelima yipo,

Luki 15:23

Taa mani li naatonbiwubidili ki kodi li, tin je mani ki mangi ti pala.

Luki 15:32

Li pundi tin je ki go mangi ti pala kelima a waalo na den kpe ki go faadi, o den yaadi ke ti goa ki laa o.› »

Luki 15:5

O yaa laa o, o baa taa ki bugi o leni li pamanli.

Luki 15:9

O yaa laa li, o baa yini o danlinba leni o yieninlieba ki yedi ba: ‹Taani mani leni nni tin mangi ti pala kelima n laa n kujapienli yaali n den bia yeni.›

Jan n diani U Tienu Laabaaliŋamo maama 16:24

Hali moala yi daa mia liba kuli n yeli nni. Mia mani, yi baa baa la, ke yi pamanli n pugini ki dagidi cain.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 17:13

Moala n kpendi a kani. N maadi lani ki da ye ŋanduna nni ke min pia yaa pamanli buolu n dagidi bi niinni.

Jan n diani U Tienu Laabaaliŋamo maama 3:29

Yua n die o pocaano tie o pocaancalo. Ama o pocaancalo danli, yua n ye o kani ki cengi o, yaa pali mani boncianla o yaa gbadi o pocaancalo nialu. N moko pia laa pamancianli buolu yo ke li dagidi ki pundi.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

2 Korenti 1:24

Laa tie ke ti bua ki bili yin baa yaa daani yaala ka. Ama ti bua ki todi yi yin yaa pia li pamancianli kelima yi se ke li pa li*dandanli nni.

Efesa 5:18

Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma.

Filipi 1:25

N daani ki go bani ke n go baa fo, ki ye leni yikuli, ke yin fidi ki yaa suagi liiga ki go pia li pamanli li *dandanli nni.

1 Tesaloniki 5:16

Yaa mangidi mani yi pala yogunu kuli.

1 Pieri 1:8

Baa ke yi daa laa o, yi bua o. Baa ke moala yii nua o, yi daani o, ki pia yaa pamancianli n pia ti kpiagidi, ki pendi bu ñoabu yedima,

1 Jan 1:4

Ti diani yipo yaala n tie na ke ti pamanli n dagidi cain.

2 Jan 1:12

N go pia mi maama boncianla ki bua ki diani yipo. Die mii bua ki diani leni mi tidianñima li tili nni ka. Ama n sugini ke n baa cua yikani tin le tiyaba ki boe, ke ti pamanli n dagidi cain.