Jan n diani U Tienu Laabaaliŋamo maama 14:27 - Gourmanchéma Bible

²⁷ N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

U TIENU MAAMA TILI 2013

²⁷ N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Jan n diani U Tienu Laabaaliŋamo maama 14:27 ပူးပေါင်းရင်းမြစ်များ

2 Bi Badiba Jama 20:30

Ki cili laa daali, Josafati bali nni kuli, o den ye leni mi yanduanma, kelima U Tienu n den puni o laa yanduanma i kaani kuli.

Jobi 34:29

U Tienu yaa puni nibuoluba bi diemaba mi yanduanma, Ŋme nan baa fidi ki jaligi o lipo? O yaa buli o nunga, ŋme n baa fidi ki diidi o?

Pisomi 11:1

Bi yanyanba yudaano yani siiga yanbu, Dafidi yanbu. N sani ki wuoni Li Miali Diedo kane. Yi baa ga lede ki yedi nni: «Sani ki gedi yi juana po nani ki nuanga yeni?»

Pisomi 112:7

Waa jie laabaalibiado. O pali pa ke o dugi Li Miali Diedo po.

Pisomi 27:1

Dafidi yanbu. Li Miali Diedo tie n yenma leni n *faabima. N go baa jie ŋme yo? Li Miali Diedo n tie n miali wuonkaanu. N go baa jie ŋme yo? Li Miali Diedo n tie yua n kubi n miali, Mii bangi liba kuli po.

Pisomi 28:3

Ŋan da taani ki cuo nni leni bi nibiadiba Yaaba n tiendi yaala n ki tiegi. Bani n maadi leni bi yieninlieba mi yanduanma maama, Ki nan pia i janbi bi pala nni.

Pisomi 29:11

Li Miali Diedo baa pa o niba u paalu Li Miali Diedo baa seligi o niba ki pa ba mi yanduanma.

Pisomi 56:11

N pagi U Tienu kelima wan yedi yaa maama po. N pagi wani Li Miali Diedo kelima laa maama po.

Pisomi 56:3

Daali kuli n *yibalinba yagini n yama. U Tienu U Paalu Kuli Daano, Yaaba n tiendi nni bu toabu yaba.

Pisomi 72:2

Teni wan jia a niba buudi leni mi teginma, Bi niñinniba mo yaa buudi nani lan pundi maama.

Pisomi 72:7

Laa dana nni o niteginka yema baa mangi. O ŋmaalo mo yaa ye yaa yogunu kuli mi yanduanma baa yaa ye!

Pisomi 85:10

Moamoane o faabima ki go foagi yaaba n fangi o po Ke ti kpiagidi n yaa ye ti diema nni.

Pisomi 91:5

A kan jie ku ñiagu n pia yaa jawaanciandi, Baa ban toani yaa piemi u yensiinu,

Mi Kpanjama 3:25

Ŋan da jie bonludikabiadila, bi nibiadiba yaa cua ki baa ŋa, ŋan da jie.

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 41:14

Li Miali Diedo yedi: «Da jie liba fini Jakobo buolu yu n tadi nani o sidibilo yeni. Yinba Isalele yaaba, yaaba n tadi nani bi tinkpiba yeni, N kpendi ki baa ga yi, Mini yi daafaabika, Isalele Tienu Yua n Gagidi ki ŋani.

Esayi 54:13

A bijaba kuli baa tua Li Miali Diedo ŋoadikaaba. A bijaba baali mo baa yabidi.

Esayi 55:12

Moamoani yi baa ña yi yonbidi nni leni li pamanli, Bi baa ciani yi leni mi yanduanma. A juana leni a joabila kuli Baa tuogi yi leni li pamanli yigimi, Li fuali nni tiidi kuli mo baa pua ti nupodi.

Esayi 57:19

N baa kuani ti pagidi bi ñoana nni. Yanduanma, yanduanma bebe yua n ye foagima po, Leni yua n ye koanma nni po. Li Miali Diedo n yedi: ‹N baa paagi ba.›

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Jeremi 1:8

Da jie ba kelima n ye leni a Ki baa faabi a. Mini Li Miali Diedo n yedi yeni.»

Jeremi Bubula 3:17

A teni ke mii go pia yanduanma. N sundi mi yemanma mo n tie yaala.

Esekieli 2:6

Ama fini o ja yeni, ŋan da jie ba, ŋan da jie bi maama, baa ke bi maadi ki nia ki naa tuo a maama. Li baa tie nani a yantiali po ke a ye i konkoni leni i nami siiga yene. Ŋan da jie bi maama leni bi nunmu kelima bi tie nibuoyieko yo.

Danieli 4:1

Mini o bado Nebukanesa den ye n diegu nni, n den ye likani leni mi yemanma.

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani leni bi puoba leni bi bila. I yangbanli den cuo ba ki mumudi bi kpaba kuli hali ke bi daa pundi ku buogu tinga.

Sakari 6:13

O baa yaa pia li bali maalima ki kaa o gbandi po ki die. O kopadiciamo baa yaa ye o kani, ke bikuli taa ñoabu ki tuuni.

Mi Coadima 6:26

Li Miali Diedo n nuali yi leni mi buama ki pa yi mi yanduanma!›

Matie 10:26

Lanwani yin da jie ba, kelima liba kuli ki ye ki wuo ki kan wuodi. Liba kuli ki ye ki duagi ke bi kan bandi la.

Luki 1:79

Ki baa yendi yaaba n ye li *biigili nni Leni mi kuuma jinjingu nni po, Ki gobidi ti ke tin kua ki yaa cuoni Mi yanduanma sanu nni.»

Luki 10:5

Yin kua yaa diegu nni kuli, kpa fuondi mani ki yedi: ‹Mi yanduanma n yaa ye ku naa diegu nni.›

Luki 12:4

Yinba n danlinba, n yedi yi, yin da jie mani yaaba n baa kpa yi gbanandi ki nan kan go fidi ki tieni bontoala.

Luki 2:14

«U Tienu n baa ti kpiagidi hali tanpojoma, Yaa niba n mangi o pali ki tinga nni N yaa pia mi yanduanma.»

Jan n diani U Tienu Laabaaliŋamo maama 14:1

Yin da yagi mani yi yama. Daani mani U Tienu, daani mani mini moko.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 20:19

Landaali yaa ñiagu, dana lele cilima daali yeni, bi ŋoadikaaba den ye li dieli nni ke li buliñoana lo kelima bi jie Jufinba. Jesu den cua ki sedi bi siiga ki yedi: «Mi yanduanma n yaa ye leni yi.»

Jan n diani U Tienu Laabaaliŋamo maama 20:21

Jesu go den yedi ba: «Mi yanduanma n yaa ye leni yi. Nani Baa n den soani nni maama, mini moko n soani yi yene.»

Jan n diani U Tienu Laabaaliŋamo maama 20:26

Li daniili daali Jesu ŋoadikaaba go den ye li dieli nni ke Toma moko ye leni ba. Baa ke bi den luoni a buliñoana, Jesu den cua ki sedi bi siiga ki yedi: «Mi yanduanma n yaa ye leni yi.»

Jesu Tondiba Tuona 10:36

U Tienu den soani u tondu Isalele yaaba po ki waani ba mi yanduanma Laabaaliŋamo, kelima Jesu Kilisiti yaa po, wani yua n tie bi niba kuli Diedo.

Jesu Tondiba Tuona 18:9

Ñayengu o Diedo den yedi Polo ti dangidi nni: «Da jie liba, ŋan yaa maadi ki da ŋmini,

LOMA YAABA 1:7

N diani yipo, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi opo. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

LOMA YAABA 15:13

Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

LOMA YAABA 5:1

Lanwani, tin baa li *moamoansaali kelima li *dandanli yaa po yeni, ti pia mi yanduanma leni U Tienu kelima ti Diedo Jesu Kilisiti yaa po.

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o kelima o Bijua kuuma po. Lanwani moala ke ti mangi leni o, laa pia kuli tama ke ti baa tindi kelima o yaa miali po.

LOMA YAABA 8:6

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma kuli po.

1 Korenti 1:3

Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma.

Galati 1:3

Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Galati 6:16

Yaaba n tuo ki ŋua laa maama kuli, U Tienu n pa ba mi yanduanma, ki go gbadi bipo mi niñima, bani U Tienu nibuolu Isalele yaaba yeni.

Filipi 4:7

Lanwani U Tienu yaa yanduanma, yaama n pendi o nisaalo bandima kuli, baa guudi yi pala leni yi yantiana kuli Jesu Kilisiti nni.

Kolosi 1:2

yinba ti kpiiba yaaba n tie bi *nigagidiŋanba leni bi nidugikaaba Kilisiti nni ki ye Kolosa po po. Ti Baa U Tienu n pa yi li *ŋanbili leni mi yanduanma.

Kolosi 1:20

O yanbuama po goga, o teni ke li bonla kuli, yaala n ye ŋanduna nni leni yaala n ye tanpoli po kuli, n mangi leni o kelima Kilisiti yaa po. O ñani ti yibalindi ki teni ke i mani ye kelima o soama li *dapoanpoanli po yaa po.

Kolosi 3:15

Kilisiti yanduanma n yaa die yi pala nni wan den yini yaa yanduanma po ke yin tua gbananyendi o yaa niinni yeni.

2 Tesaloniki 1:2

U Tienu yua n tie Baa leni o Diedo Jesu Kilisiti n pa yi li*ŋanbili leni mi yanduanma.

2 Tesaloniki 3:16

Mi yanduanma Diedo, wani oba n yaa puuni yi mi yanduanma u yogunu kuli yi yema buoli kuli nni. Wani o Diedo n yaa ye leni yikuli.

2 Timote 1:7

Kelima U Tienu ki puni ti yaa Fuoma n pia i jeje, o puni ti yaa Fuoma n pia li papaali leni mi buama leni li yukubile.

Hebilunba 13:20

Mi yanduanma Tienu yua n den fiini ti Diedo Jesu bi tinkpiba siiga, wani yua n tie i pe yankpaaciamo, kelima o soama yaama n kuani yaa *ŋantaado n baa ye hali yaa yogunu kuli po,

Hebilunba 7:2

Abalahama n den baa yaa fagidi kuli, o den ñani li *dim, ki puni Melikisedeki. A yaa soagini o yeli, Melikisedeki yeni tie mi “teginma bado”, ki go tie Salema bado, lani n bundi “mi yanduanma bado.”

Mi Doagidima 1:4

Mini Jan n diani li naa tili Kilisiti n yini yaaba nitaanleleeda ya n ye Asi diema nni po. U Tienu yua n den kpa ye, ki ye moala, ki go baa ti cua, leni o fuoma yaaba lele yaaba n ye u bali kalikaanu nintuali,

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku *tuotabigu yudaano baa kuani yi siiga bi nitianba li kpaadidieli nni, lan tua yipo mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»