Jan n diani U Tienu Laabaaliŋamo maama 14:23 - Gourmanchéma Bible

²³ Jesu den goa ki yedi o: «O nilo yaa bua nni moamoani, o baa kubi n maama, lane n Baa baa bua o. Ti baa cua o kani ki yaa ye o deni.

U TIENU MAAMA TILI 2013

²³ Jesu den guani ki yedi o: «O nilo yaa bua nni moamoani, o baa kubi n maama. Lani, n Baa baa bua o. Ti baa cua o kani ki yaa ye o deni.

Jan n diani U Tienu Laabaaliŋamo maama 14:23 ပူးပေါင်းရင်းမြစ်များ

Mi cilima 1:26

Lanwani U Tienu den yedi: «Tin tagi o nilo ti yaa nannanli nni, nani tinba n tie maama, ke wan diedi mi ñincianma jami leni tanpoli bonyugiditi leni ki tinga nni yandi kuli leni yaa bonbalinkaala n balini ki tinga nni kuli.»

Mi cilima 11:7

Cua mani tin jiidi ki ŋmadi bi maama lan tie ban da go gbadi biyaba maama.»

Pisomi 90:1

U Tienu nilo Musa miabu: «O Diedo, fini n tie ti wuonkaanu, Hali yogu, nifiima n tu nifiima.

Pisomi 91:1

Yua n sani ki baa tanpoli Tienu po, Wuo U Paaciamu Kuli Daano yaa soangu nni.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 14:15

Yi yaa bua nni moamoani, yi baa kubi n *bali maama.

Jan n diani U Tienu Laabaaliŋamo maama 14:17

wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 14:21

Yua n tuo ki ga n bali maama ki go kubi ma, wani n tie yua n bua nni moamoani. Yua n bua nni yeni, n Baa baa bua o, n moko baa bua o, ki doagidi opo min tie yua.»

Jan n diani U Tienu Laabaaliŋamo maama 14:24

Yua n kaa bua nni kan tuo ki yaa kubi n maama. Yin gbadi yaa maama yeni, maa ñani mini yaa kani ka, mi ñani Baa yua n soani nni yaa kane.

Jan n diani U Tienu Laabaaliŋamo maama 15:10

Yi yaa kubi n *bali maama, yi baa ye n buama nni nani n mo n kubi n Baa yaa bali maama ki ye o buama nni maama.

Jan n diani U Tienu Laabaaliŋamo maama 16:27

kelima Baa wani oba bua yi kelima yi den bua nni, ki go daani ke n ñani wani U Tienu kani.

Jan n diani U Tienu Laabaaliŋamo maama 6:56

Yua n ŋmani n gbanandi ki ñuni n soama kuli ye n niinni, ke n mo ye o niinni.

Jan n diani U Tienu Laabaaliŋamo maama 8:51

N yedi yi i moamoani, yua n kubi n maama, o kan kpe hali abada.»

Jan n diani U Tienu Laabaaliŋamo maama 8:52

Laa maama po Jufinba den yedi o: «Moala wani ti li bani ke a pia ki cicibiadige. Abalahama kpe, bi sawalipuaba moko kpe, ama ke fini nan yedi ke yua n kubi a maama kan bandi mi kuuma hali abada.

2 Korenti 6:16

U Tienu diegu pia be ŋantaado leni i *buli? Tinba mo n tie U Tienu yua n fo dieli, nani U Tienu wani oba n yedi maama: «N baa ye leni ba ki cuoni bi siiga ki tie bi Tienu, Bi mo baa tie n niba.

Efesa 3:17

ke Kilisiti n yaa ye yi pala nni kelima li dandanli yaa po. N go mia o ke wan pa yi yin yaa pia yi jiini leni yi tanpuuli mi buama nni ki se ke li pa.

1 Jan 2:24

Yinba yaa po, li pundi yin den gbadi yaala hali mi cilima n yaa ye yi niinni. Li yaa tie ke yin den gbadi yaala hali mi cilima ye yi niinni, yi moko baa ye Bijua leni Baa niinni.

1 Jan 2:5

Ama yua n kubi o maama, U Tienu buama ye o pali nni moamoani ki dagidi cain. Yeni, ti bani ke ti ye o niinni.

1 Jan 4:4

N bibuadimu, yi tie U Tienu yaaba. Yi paadi bi sawalipua-faadanba, kelima yua n ye yi niinni pia u paalu ki cie yua n ye ŋanduna nni.

1 Jan 5:3

Mi buama U Tienu po tie line: Tin yaa kubi o bali maama. O bali maama yeni naa tie tugikpiagili,

2 Jan 1:6

Mi buama yeni tie tin yaa cuoni nani U Tienu balimaama n bili maama. Lani n tie yin baa ŋua yaa balimaama tiladi nani yin den bandi maama hali mi cilima.

Mi Doagidima 21:22

Mii den laa U Tienu diegu lienni kelima wani o Diedo U Tienu u Paaciamu Kuli Daano, leni ki Pebiga tie u *kaangagidiŋamu.

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.

Mi Doagidima 22:3

U Tienu solindi kaa go ye. U Tienu leni ki Pebiga bali kalikaanu baa ye u dogu yeni niinni. O naacenba baa kpiagidi o,