Jan n diani U Tienu Laabaaliŋamo maama 13:9 - Gourmanchéma Bible

⁹ Simono Pieli den yedi o: «N Daano, da nigidi n taana bebe ka, n nii leni n yuli kuli.»

U TIENU MAAMA TILI 2013

⁹ Simon Pieli den yedi o: «N Daano, da nigidi n taana bebe ka, n nii leni n yuli kuli.»

Jan n diani U Tienu Laabaaliŋamo maama 13:9 ပူးပေါင်းရင်းမြစ်များ

Pisomi 26:6

Li Miali Diedo, n nidi n nii ki doagidi ke mii pia tagili N gaandi ki lindi a *padibinbinli,

Pisomi 51:2

Li maadi o sawalipualo Natan n den gedi ki laa Dafidi, wan den conbi leni Bati-Seba yaa yogunu.

Pisomi 51:7

Diidi n mali i tagili nni N naa punbi nni leni ti tuonbiadi.

Jeremi 4:14

Jelusalema, ñani a pali nni mi biadima Lani n tie ŋan baa mi *faabima. Hali u laa yogunu yo ke a baa waagi Ki kubi a pali nni ti yantiabiadi?

Matie 27:24

Pilata n den laa ke o maama ki baa sedima lipo, ke ku fuugu mo pugidi, o den taa mi ñima ki nidi o nii ku niligu nintuali ki yedi: «Mii pia tagiliba o naa niteginka soawulima nni. Li ŋua yinbe.»

Jan n diani U Tienu Laabaaliŋamo maama 13:10

Jesu den yedi o: «Yua n wali, waa go bua ki wali, kali wan nigidi o taana ki yaa ŋani cain. Yi ŋani, ama yikuli ka.»

Jan n diani U Tienu Laabaaliŋamo maama 13:8

Pieli den yedi o: «N kan tuo ŋan nigidi n taana hali abada.» Jesu den goa ki yedi o: «N yaa nigidi apo a taana, ŋaa taa leni nni.»

Hebilunba 10:22

Lankuli yaa po tin yaa nagidi U Tienu kani leni li payenli, leni li dandanmoanli, ki yaa pia yaa pala n ŋuudi ki ñani yaa pali siedi n bia leni yaa gbanandi n ŋuudi leni mi ñinŋanma.

1 Pieri 3:21

Mi ñima yeni den tie yaa *batisima n faabi yi moala yaa nannanli. Laa tie ke mi batisima ŋuudi ki ñani ti gbanandi*joagindi ka, li tie yaa nilo n puni o yuli U Tienu leni yaa pali siedi n ŋani. Yi baa ki faabi kelima Jesu Kilisiti fiima bi tinkpiba siiga yaa po.