Jan n diani U Tienu Laabaaliŋamo maama 13:34 - Gourmanchéma Bible

³⁴ N bili yipo yaa mabilikapanma n tie na: Yin yaa bua mani yiyaba. Nani min bua yi maama, Yi moko n bua yiyaba yeni.

U TIENU MAAMA TILI 2013

³⁴ N bili yi po yaa mabilikapanma n tie ne: Yin yaa bua mani yiyaba. Nani min bua yi maama, Yimoko n bua yiyaba yeni.

Jan n diani U Tienu Laabaaliŋamo maama 13:34 ပူးပေါင်းရင်းမြစ်များ

Pisomi 119:63

N tie yaaba n fangi a kuli yaa danli, Leni yaaba n kubi a mabilikaama mo yaa yegininlielo.

Pisomi 16:3

N pia mi buama yaa nigagidiŋanba n ye mi diema nni Leni bi bulicinba kuli po bonŋanla.

Levi 19:18

Ŋan da tu li panli. Ŋan da pia li koanfaali a buolu nilo po. Ama ŋan bua a nisaalilielo nani ŋan bua a yuli maama yeni. N tie Li Miali Diedo.

Levi 19:34

Yin yaa nua yaa caano n kaa yi siiga nani u dogu maabiga yua n ye yi siiga yeni. Yin bua o nani yin bua yi yula maama kelima yi moko den tie canbe Ejipiti diema nni. N tie Li Miali Diedo yi Tienu.

Matie 5:44

Ama mini n yedi yi: Yaa bua mani yi yibalinba, ki yaa jaandi yaaba n faligidi yipo.

Jan n diani U Tienu Laabaaliŋamo maama 15:17

Min bili yaa balimaama tie line: Yin yaa bua mani yiyaba.

Jan n diani U Tienu Laabaaliŋamo maama 17:21

Min mia ŋa bipo yaala tie line, ke bikuli n yaa tie yendo nani fini Baa n ye n niinni ke n moko ye a niinni maama, ke bani mo n yaa ye ti niinni ke ŋanduna yaaba n daani ke fini n soani nni.

LOMA YAABA 12:10

Yin yaa bua mani yi yaba nani yaaba n kpi yeni. Yaa jigindi mani yiyaba.

LOMA YAABA 13:10

Yua n bua o nisaalilielo kan tieni o yaala n bia, lanwani mi buama tie bali maama kuli yaa tienma.

LOMA YAABA 13:8

Yin da pia panli oba kuli po, li yaa tie yaa panli n tie yin yaa bua yiyaba yaaka. Yua n bua o lielo kubi U Tienu *bali maama n bili yaala cain.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Galati 5:6

Kelima Jesu Kilisiti nni ki kua ku koanciagu, bi ki da kua, ka pia mayuli, kali li dandanli yaali n doagidi mi buama nni.

Galati 6:10

Lanwani tin baa u sanu yaa yogunu kuli, tin yaa ŋanbidi bi niba kuli po, ki yaa ŋanbidi ti kpiiba li *dandanli nni po ki cie.

Galati 6:2

Yaa todi mani yiyaba leni yin tugi yaa tuga, yeni yi baa tiendi Kilisiti bali maama n bili yaala.

Efesa 5:2

Yin yaa ye mani leni yiyaba leni mi buama nani Kilisiti n den bua ti maama ki puni o yuli U Tienu, ki tua yaa paabu leni yaa padili yaa nuulu n mani.

Kolosi 1:4

Kelima tin gbadi ke yi pia yaa *dandanli Jesu Kilisiti po leni yaa buama bi nigagidiŋanba kuli po.

1 Tesaloniki 3:12

O Diedo n teni ke yi buama yiyaba po leni bi niba kuli po n yaa yabidi ki pugidi, nani ti mo yaa buama n pugidi yipo maama.

2 Tesaloniki 1:3

Ti kpiiba, li pundi tin yaa tuondi U Tienu kelima yipo yogunu kuli. Li dagidi tin yaa tiendi yeni, kelima yi *dandanli yabidi ki pugidi boncianla, yi buama yiyaba po mo yabidi ki pugidi.

Hebilunba 13:1

Suagi mani ki yaa pia mi buama yi kpiiba po.

Jaki 2:8

Yi yaa kubi *U Tienu diema balimaama nani lan diani maama li ŋani, mani yaama n yedi: «Ŋan bua a nisaalilielo nani ŋan bua a yuli maama.»

1 Pieri 1:22

Moala yi ŋanbi yi yula leni yin ŋua i moamoani ke yin fidi ki yaa pia yaa buama n kaa pia tuonanma yi kpiiba po. Lanwani yin yaa bua mani yiyaba hali boncianla leni yi pala kuli.

2 Pieri 1:7

ki go yaa pugidi U Tienu tuoma po mi kpiilibuama, ki go pugidi mi kpiilibuama yeni po mi buamoanma.

1 Jan 3:11

Diidi yin den gbadi yaa maama hali mi cilima n tie na: Tin yaa bua mani tiyaba.

1 Jan 3:23

O bali maama n tie mine: Tin yaa daani o Bijua Jesu Kilisiti, ki yaa bua tiyaba nani wan bili tipo yaa bali maama n yedi maama.

1 Jan 4:21

Tin baa Kilisiti kani yaa *balimaama tie mine: li pundi ke yua n bua U Tienu n yaa bua o kpiilo moko.

2 Jan 1:5

Lanwani moala, Cannaa, min mia ŋa yaala tie line: Tin yaa bua tiyaba. Min diani apo yaama yeni naa tie balimapanma ka, ama li tie tin den pia yaama hali mi cilima.