Jan n diani U Tienu Laabaaliŋamo maama 13:19 - Gourmanchéma Bible

¹⁹ N tuodi ki wangi yi yaala n baa tieni hali ke li daa tieni, ke li yaa ti tieni yaa yogunu, yin daani ke n tie ‹N Ye›.

U TIENU MAAMA TILI 2013

¹⁹ N tuodi ki wangi yi yaala n baa tieni hali ke li daa tieni, ke li yaa ti tieni yaa yogunu, yin daani ke N Ye.

Jan n diani U Tienu Laabaaliŋamo maama 13:19 ပူးပေါင်းရင်းမြစ်များ

Esayi 41:23

Waani ti mani yaala n baa juodi ki tieni Ti baa bandi ke yi tie i buli i moamoani. Tieni mani bonliba, yaala n ŋani, yaaka yaala n bia, Ke tin ŋubidi ti nuni, Ke tin taani ki diidi la.

Esayi 43:10

Li Miali Diedo yedi: «Yinba n tie n siedinba, Yinba leni n naacemo min gandi yua Ke yin bandi o, Ki yaa dugi npo Ki bandi ke li tie mini Tienuba ki den kpa ye ki ŋa nni, Ke n puoli po mo, Toa kan tieni hali abada.

Esayi 48:5

N den tuodi ki waani yi laa bonla hali yogu, Ki den teni ke yi ga li laabaalo hali ke li daa cua Ke yin da ti yedi: «Ti *bulo n tieni la Li tie tin kpie yaala, bi tin duadi yaa nannanli N teni ke li tieni.»

Malaki 3:1

U Paaciamu Kuli Daano n guani yi yaala tie line: «N baa soani n tondo, Ke wan kua liiga ki ŋanbi npo u sanu. Laa yogunu, yin lingi o Diedo yua yeni Baa ludi ki cua o diegu nni. Yin guu yaa tondo yeni baa yaa wangi Min den kuani leni yi yaa *ŋantaado, Diidi mani, o kpendi na.»

Matie 11:3

«Naani a tie yua n den baa cua bi, bi ti da go baa guu nitoa yo?»

Matie 24:25

N tuodi ki waani yi laa bonla.

Luki 21:13

Likuli baa pa yi u sanu yin tieni npo siedi.

Jan n diani U Tienu Laabaaliŋamo maama 1:15

Jan tieni opo siedi ki kpaani: «Wani n tie min maadi yua yaa maama ki yedi: ‹Yua n baa yuandi ki cua n puoli cie nni kelima o den ye hali ke n daa ye.› »

Jan n diani U Tienu Laabaaliŋamo maama 14:29

N tuodi ki waani yi lankuli moala hali ke li daa pundi, ke yaa daali ke laa bonla kuli baa tieni, yin daani nni.

Jan n diani U Tienu Laabaaliŋamo maama 16:4

N waani yi lani, ke li yogunu yaa ti pundi, yin tiadi ke n den waani yi la. Mii den waani yi lani hali mi cilima, kelima n den ye leni yi.

Jan n diani U Tienu Laabaaliŋamo maama 4:26

Jesu den yedi o: «Mini yua n maadi leni a yeni tie wani.»

Jan n diani U Tienu Laabaaliŋamo maama 8:28

Lani yaa po Jesu den yedi ba: «Yi yaa yugidi o *Ja Bijua yaa yogunu, yi baa bandi ke “N Ye”. Laa yogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe.

Jan n diani U Tienu Laabaaliŋamo maama 8:58

Jesu den yedi ba: «N yedi yi i moamoani, hali ke Abalahama daa den ye, “N Ye”.»