Jan n diani U Tienu Laabaaliŋamo maama 12:42 - Gourmanchéma Bible

⁴² Baa leni lankuli, Jufinba yudanba siiga boncianla den tuo ki daani Jesu, ama baa den tuo ki doagidi ke bi ŋoadi o kelima Falisieninba po, ke ban da deli ki ñani ba li *balimaama bangima diena nni.

U TIENU MAAMA TILI 2013

⁴² Ba leni lani kuli, Jufinba yudanba siiga boncianla den tuo ki daani Jesu, ama baa den tuo ki doagidi ke bi ŋoadi o, kelima Farisieninba po. Bi den jie ban da deli ki ñani ba li bali maama bangima diena nni.

Jan n diani U Tienu Laabaaliŋamo maama 12:42 ပူးပေါင်းရင်းမြစ်များ

Mi Kpanjama 29:25

Ti jawaandi tie diagoe bi niba po, Ama yua n dugi Li Miali Diedo po pu kan nandi o.

Esayi 51:7

Cengi mani nni yinba yaaba n bani mi teginma! Yinba yaa nibuolu n kubi n bali maama yi pala nni Yin da jie bi niba n baa waani yi yaa fe Ki digibi leni ban baa fali yi maama po.

Esayi 57:11

Ŋme n den yagini yi yama? Yi den jie ŋme yo ki boandi nni Ki kan tiadi npo Ki didi kan yagi yi yama npo mo? Naani mii den ŋmini Ki ŋmini hali ke li waagi kaa? Lani yaa po n teni ke yii jie nni.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Jeremi 38:19

O bado Sedesiasi den yedi Jelemi: «N pia i yanbani yaa Jufinba n taa bi yula ki teni Babilona yaaba po. N jie ban da ti ŋa nni bi nuu nni ban waani nni fala.»

Matie 10:32

Lani yaa po yua n tuo nni bi niba nintuali, n moko baa tuo o n Baa yua n ye tanpoli nintuali.

Luki 12:8

N yedi yi ke yua n tuo bi niba nintuali ke o tie n yua kuli, o *Ja Bijua moko n baa tuo U Tienu malekinba nintuali ke o tie n yua.

Luki 23:13

Pilata den taani bi kopadicianba yudanba leni Jufinba yudanba leni ku niligu kuli

Luki 6:22

Li pamanli ye leni yimo bi niba yaa nani yi, ki deli yi ki ñandi bi siiga, ki sugidi yi, ki sengi yi nani ti bonjoagindi yeni kelima o Ja Bijua yaa po.

Jan n diani U Tienu Laabaaliŋamo maama 11:45

Yaa Jufinba n den cua Maliyama kani ki laa Jesu n tieni yaala yeni siiga boncianla den tuo ki daani Jesu.

Jan n diani U Tienu Laabaaliŋamo maama 12:11

kelima Jufinba boncianla den ŋa ba, ki tuo ki daani Jesu kelima wani Lasala po.

Jan n diani U Tienu Laabaaliŋamo maama 16:2

Bi baa ñani yi li *bali maama bangima diena nni. U yogunu kpendi ke yua n baa kpa yi, baa nua ke o kpiagidi U Tienu.

Jan n diani U Tienu Laabaaliŋamo maama 19:38

Lani n pendi, Alimate dogu yua Josefi, yua n den tie Jesu ŋoadika, ama ŋasiili nni, kelima o den jie Jufinba, den mia Pilata ke wan pa o u sanu wan taa Jesu o kpiemo ki piini. Pilata den puni o u sanu, ke o gedi ki ban taa o kpiemo.

Jan n diani U Tienu Laabaaliŋamo maama 3:2

O den cua Jesu kani ku ñiagu ki yedi o: «Canbaa, ti bani ke a tie U Tienu n soani yaa bangika, kelima oba kuli kan fidi ki tieni ŋan tiendi yaa bancianma na, kali U Tienu n ye leni yua.»

Jan n diani U Tienu Laabaaliŋamo maama 7:13

Ama oba ki den maadi o maama ke bi niba gba kelima bi den jie Jufinba.

Jan n diani U Tienu Laabaaliŋamo maama 7:31

Ku niligu siiga boncianla den tuo ki daani o ki tua: «Naani U Tienu n Gandi Yua yaa cua, o go baa tieni yaa bancianma n cie o naa nilo n tiendi yaama bi?»

Jan n diani U Tienu Laabaaliŋamo maama 9:22

O danba den yedi yeni kelima bi jie Jufinba, kelima Jufinba den kpa juogi ki bili ke o nilo yaa tuo ke Jesu tie *U Tienu n Gandi Yua, bi baa deli ki ñani o li *bali maama bangima dieli nni.

Jan n diani U Tienu Laabaaliŋamo maama 9:34

Bi den goa ki yedi o: «Fini yua n mali ki go fandi ti tuonbiadi nni, fini n bangi tinba?» Bi den deli ki ñani o.

Jesu Tondiba Tuona 5:41

Jesu tondiba den ñani bi cancaancianli taanli kani, ki mangi bi pala leni U Tienu n den sua ke li pundi ban le i fe o Diedo yeli po.

LOMA YAABA 10:10

Kelima li tie li dandanli a pali nni n baa teni ŋan baa li moamoansaali. A ñoabu tuoma bi niba nintuali mo n baa teni ŋan baa mi *tindima.

1 Jan 4:15

Yua n tuo ke Jesu tie U Tienu Bijua kuli, U Tienu ye o niinni, o moko ye U Tienu yaa niinni.

1 Jan 4:2

Line n baa teni yin bandi yua n pia U Tienu Fuoma: Yua n tuo ke Jesu Kilisiti den cua ki tie nisaalo kuli pia U Tienu Fuoma.