Jan n diani U Tienu Laabaaliŋamo maama 12:32 - Gourmanchéma Bible

³² Bi yaa fiini nni ki tinga po, n baa dadi bi niba kuli yama ban cua n kani.»

U TIENU MAAMA TILI 2013

³² Bi yaa fiini nni ki tinga po, n baa dadi bi niba kuli yama ban cua n kani.»

Jan n diani U Tienu Laabaaliŋamo maama 12:32 ပူးပေါင်းရင်းမြစ်များ

2 Samueli 18:9

Abisalomi den kadi leni Dafidi toatieba siiga bi tianba. O den jagi *buomo. O buomo yeni den kua yaa ticianbu n yi telebinti tiipo ke i beni cuo Abisalomi yuli. O den juani tanpoli leni ki tinga siiga. Wan den jagi yaa buomo den pendi.

I Yani 1:4

Dadi nni min yaa ŋua ŋa tin sani. O bado kuani nni o diegu nni Ti baa yaa mangidi ti pala, Ki yaa ye leni li pamankandikaali kelima a yaa po. Ti pagi a buama ki cie mi daama. Yaaba n bua ŋa pia moamoani.

Esayi 11:10

Lanwani laa daali Isayi benkpeli baa fii Ki sedi nani mi maalima yeni i nibuoli po. I nibuoli baa lingi u, wun ye naankani U Tienu kpiagidi mo baa yaa dua likani.

Esayi 49:6

O den yedi nni: «Min teni ke a tua n naacemo yeni daa dagidi. A baa fiini Jakobo buoli yaaba Ki nan guani Isalele yaaba siiga yaaba n sieni. N go gandi a ke ŋan tua mi yenma i nibuoli po Ke n *faabima mo n talini Ki pundi hali ŋanduna banlu kuli po.»

Ose Tili 11:4

N den dia ba leni mi niñima leni mi buama baabi, N den tie bipo nani yua n nuadi ki biga ki tabini oba yeni. N den puuni ba li bonjekaala.

Mi Coadima 21:9

Musa den duadi ti kumoandi wa ki joani o ku dafoagidigu po. Wa n den ñidi yua kuli ke o yaadi ki diidi ti kumoandi wa yeni, o yen ciadi.

Jan n diani U Tienu Laabaaliŋamo maama 1:7

O den cua ki tie siedi, ki baa tiendi siedi mi yenma po ke bi niba kuli n daani kelima o yaa po.

Jan n diani U Tienu Laabaaliŋamo maama 12:34

Ku niligu den goa ki yedi o: «Ti gbadi U Tienu *balimaama nni ke *U Tienu n Gandi Yua baa ye hali yaa yogunu kuli. Be yaa po ke fini yedi ke li tie tiladi ban fiini o Ja Bijua. O Ja Bijua yeni, tie ŋme yo?»

Jan n diani U Tienu Laabaaliŋamo maama 18:32

Li den tieni yeni ke Jesu n den maadi yaa maama ke mi doagidi wan baa kpe maama n tieni.

Jan n diani U Tienu Laabaaliŋamo maama 19:17

Jesu den bugi o dapoanpoanli, ki ñani u dogu nni ki ban caa ban yi yaa kaanu “ku Yukuokuogu kaanu”. Ebilu maama nni bi yi u Goligota.

Jan n diani U Tienu Laabaaliŋamo maama 3:14

Nani Musa n den taa o kumoanwa ki fiini ki caani o ku daagu po mi fanpienma nni maama, li tie tiladi ban yugidi o Ja Bijua moko yeni.

Jan n diani U Tienu Laabaaliŋamo maama 6:44

Oba kuli kan fidi ki cua n kani, li yaa tie Baa yua n soani nni n dadi yua yaa yama yaaka. Yua n cua n kani yeni, n baa fiini o bi tinkpiba siiga li juodidaali.

Jan n diani U Tienu Laabaaliŋamo maama 8:28

Lani yaa po Jesu den yedi ba: «Yi yaa yugidi o *Ja Bijua yaa yogunu, yi baa bandi ke “N Ye”. Laa yogunu yi baa bandi ke mii tieni liba n yuceli po, ama ke n maadi n Baa n den bangi nni yaala bebe.

Galati 3:13

Kilisiti den da ki faabi ti leni li bali maama yaa solindi, ki den tua ti solindi ti yaa po, kelima li diani: «Ban joani yua ku daagu po kuli tie ti solindi yua.»

1 Timote 2:6

Wani n den puni o yuli ki kpe ki pani mi *faabima panli bi niba kuli po. Laa siedi n den tieni u yogunu n den pundi.

Hebilunba 2:9

Ama ti laa Jesu, U Tienu n den jiini yua u yogunu waamu ke malekinba cie o, ki puni o ti pagidi leni ti kpiagidi ki go dini o li bali kelima wan den laa fala ki kpe yaa kuuma yaa po. O den kpe bi niba kuli po kelima U Tienu *ŋanbili po.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa di ye ki fo ki baa tiendi mi teginma. Li tie kelima o poagilima yaa po ke yi paagi.

1 Pieri 3:18

Kilisiti moko den laa fala yenma ti *tuonbiadi po ke li dagidi u yogunu kuli po. Wani yua n tiegi den kpe yaaba n ki tiegi po, ke wan gobidi ki gedini yi U Tienu kani. O den kpe ti gbanandi po, ama o den goa ki baa li miali kelima mi Fuoma po.

1 Jan 2:2

Wani n tie i candanbaani padili ti tuonbiadi po. Laa tie ti yaa tuonbiadi bebe po ka, ama ŋanduna yaaba kuli yaa tuonbiadi po.

Mi Doagidima 5:9

Bi den yiini bu yanpanbu ki tua: «A pundi ki ga li tili, Ki tabidi mi maalima, Kelima bi den kodi a, Ke a da bi niba U Tienu po Leni a soama, Ki faabi ba i buoli kuli nni Leni i mabuoli kuli, I nibuoli kuli nni Leni mi diema kuli siiga.